votes 40
;
comments 50
+++++++++
يجمع اغراضه بعد مانتهى من اخر كلاس له ومتوجه للبيت
:هيي مشعل ودني معك بسيارتك
رفع حاجبه : شايفني سواق توكل بس
تكلم المدعو ب فارس :ملعون
اخذ اغراضه وراح لسيارته قعد وحط شنطته جمبه بدا يشغل السياره مااشتغلت حاول كم مره وفجاه سمع صوت قوي
نزل من السياره وفتح الكبوت وطلع فيه عطل والسياره ماراح تمشي
:مو وقتك!
طالع تلفونه وقال :ماراح يردون علي خلني اروح البيت مشي مو من بعده
اخذ شنطته وقفل سيارته كويس وصورها لعز وقال "خربانه ارسل احد ياخذها"
بدا يمشي للبيت وهو حاط سماعاته ويسمع بعض الاغاني العشوائية ويغني بصوت واطي معها..
مر على بقاله صغيره وقرر يمر عليها وياخذ بعض الاشياء
:جوعانن
دخل البقاله وهو يدندن واخذ سله وبدا يتمشى بين الممرات وياخذ بعض الاشياء المفضله عنده والي هي كودرد ، شبس حار ، شوكلت كراميل
خلص وراح حاسب وهو يحاسب ويصتدم فيه شخص
:اه معليش
طالعه مشعل بطرف عينه وقال
:انتبه مره ثانيه..
طالعه الشخص باستغراب وقال
:ابشر
كمل الشخص طريقه ومشعل خلص حساب وكمل طريقه للبيت
وصل البيت وقال للحارس الي يطالعه باستغراب
:افتح!
وفتح له الحارس الباب باستغراب لان مو من عادته مشعل يجي مشي
كان يمشي وجنبه السيارات الفخمه بكل انواعها والمدخل الكبير يتوسطه نافوره ضخمه مع شوي انوار خافته اعطت المكان هدوء وجمال
فتح الباب وبدل شوزه مع شوز مريح مشى وتوجه للمطبخ المطل على الصاله
وشاف اخته وهي لابسه سماعه وتدندن وهي تسوي لها اندومي كالعاده
:السلام عليكم
نزلت اخته السماعه وهي تطالعه باستغراب :وش عندك جاي مبكر ، بالعاده مااشوفك الا اخر الليل؟
أنت تقرأ
مُحَقْق
Romanceإِنِّي رأيتُ مِنَ العيونِ عجائباً وأراكِ أعجب من رأيتُ عيونا ما كُنتُ أحسبُ أَنْ طَرْفاً ناعِساً قد يُورِثُ العقل السليم جُنونا بدائت: 2023-11-14
