Mafia's In Love

Chapter.4

ကယ်ဗင်သည် ထိုကောင်ကို ကားပေါ်သို့နောက်ထပ် တကြိမ် ထပ်မတင်ဖို့ ဆုံးဖြတ်ထားပီးသားဖြစ်၏။ထို့ကြောင့် သူတောင်းလာသည့် အကူအညီကို လျစ်လျူရှုထားသော်လည်း မိုးစက်မှနေ၍

"ညီလေး...Boss ကစိတ်ရှုပ်နေလို့ ။ညီလေး အဆင်ပြေရင်တော့ အနောက်ကားနဲ့ လိုက်ခဲ့လိုက်လေနော်။ခဏ‌နေရင် လမ်းလဲ ပွင့်လောက်ပြီဆိုတော့ အစ်ကိုတို့လဲ သွားတော့မှာ။"

"ဟေ့‌ကောင် မိုးစက်"

"ဗျာ Boss"

"မင်းပါ ဆင်းပြီး သူနဲ့နေခဲ့လိုက်တော့"

Boss ကအတည်ကြီးပြောနေသည်ကြောင့် မိုးစက်မှာ ကားပေါ်ကဆင်း၍ နောက်ကားထံ ထိုကောင်လေးကို ခေါ်၍ လာခဲ့ရသည်။Boss ကတကယ်ကြီး ကောင်‌လေးကို ကြည့်မရနေတာဖြစ်မည်။ဟိုကလေးကလဲ မခေ။

Boss ကို ကိုကိုဟု ခေါ်လိုက်ချိန် ဖြစ်သွားသည့် Boss ၏မျက်နှာချော‌ချောအား မျက်လုံးထဲမှမထွက်။သူ့ထက် ၁နှစ်ကျော်လောက်သာကြီးသော Bossသည် သူ့ကိုတော့ ညီအစ်ကိုအရင်းသဖွယ် ဆက်ဆံပေး၏။ဒါကြောင့်လဲ မိုးစက်က သစ္စာ‌စောင့်သိကာ Boss အနား အထူးစောင့်ရှောက်နေပေးနေခြင်းဖြစ်သည်။

"တက် ကောင်လေး။ဘယ်အထိ လိုက်ချင်လဲ။ကားကရော ဘယ်လိုလုပ်မှာလဲ"

"ကားက ဝပ်ရှော့ကို ဖုန်းဆက်ထားပြီးပါပြီဗျ။ လိုက်တာကတော့ မြေနီကုန်းထိလိုက်မယ်လေနော်။အဲဒီ့ကနေဆို အိမ်ကနီးတယ်"

"Ok ok ဖြစ်တယ်"

မိုးစက်နှင့်အတူ လိုက်ပါ‌လာသော မြတ်တစ်ယောက် ကိုစိန်တောင်းကို တကယ်အမြင်ကတ်နေပြီဖြစ်သည်။သူ့ကိုယ်သူ မာဖီးယားဆိုပီး လူကို မတူသလိုမတန်သလို ဆက်ဆံပစ်တော့တာ။သူခိုးလို့ စွပ်ဆွဲရုံမက အားနာမှုမရှိ၊မတောင်းလဲ တောင်းပန်ခဲ့သလို အခုလဲ လှူမှုရေးတစက်မှမရှိပါ။

အဲတာကြောင့်လဲ မာဖီးယားဖြစ်နေတာနေမှာ။

မြတ်လဲ မြေနီကုန်းရောက်တော့ မိုးစက်‌ဆိုသည့် အကို ကို ကျေးဇူးတင်စကားပြောကာ ဆင်းလိုက်ပြီး အိမ်သို့လမ်းသာလျှောက်လာခဲ့တော့၏။

ထိုလူကိို ကျေးဇူးတင်စကားပြောလိုသော်လည်း သူက တင်‌ခေါ်ချင်တာမဟုတ်ဘဲ ကိုမိုးစက်ကူညီလို့သာ လမ်းကြုံလိုက်ရတာဖြစ်ပြီး ထိုလူ နှင့်လဲ နောက်မပတ်သက်မိအောင် နေရန်သာ ဆုံးဖြတ်ထားသည်။