(1)
إقبال النظر كلها أرجال
والعالم الله بلنوايه
وهناك ميط سفتول دجال
خبيث أصل شايل غوايا
لا يجي رفيق لا عم لا خال
ودالع عبات السمايا
إنكان جاك ضحاك ختال
متغيب عنك إحكايا
لحم الناس بلشين وكال
يدوخ مثيل لمرايا
ارعا بداك را الدي ينشال
ولكل شي لازم نهاية
#محمد اللافي🖤🔥
_______________
(2)
داير لروحي حيله
وحامل علي شان لعزاز عزيله
حتي من سواياهم العين عاليله
عديتهن سوايا خي جن في خوه
عشره ورفقة قلت يانا الليله
اللي شربوا معاي في الحياة وكلوا
مغير توصل للخونة ولتبديلة
مفيت المحبه ماتجي بالقوى
جاني بعد عدن سنين طويله
عزيز جاي متندم وقتله نو😂👌🏻
# خالد المقعم🖤🔥
________________
(3)
نا ماني من الي يفرضها
نفسي علي اللي مايبيها
نا ماني يا مستاعظها
نفسي للذل مدنيها
نا ماني ودك تقرضها
ولا تشكر ماتعنيها
لاجل بالصبر مروضها
ماهن شينات مراضيها
لاجل مولاي معوضها
عزت بالعز مكافيها
#إسماعيل العوامي🖤🔥
_________________
(4)
واهم وهم ياسويدي
"نكان قالك عقلك تكون نديدي"
ماتهز ريحك أوراق جريدي
لامن أفعالك سطرت منقوحة
ولا يغربك مطراي لا تحويلي
لاهناك والي خايلات اطروحه
واللي حد عقلك كي ميدي ليدي
يربح مسامح سيته ممسوحة
موش هذا جوي موش هذا صيدي
ماعمري بحتت في مرموحة
واهم من روحه واهم من روحه👌🏻🔥
#محمد اللافي🖤🔥
___________________
(5)
هانو علي او هنت
الي ضراي و نا تقاهم كنت
سبحانه الي هانو...
هانو علي أحبابي
اللي قبل في سيرت غلاهم عابي
نجري وراهم ونقلب دولابي
إنريد برم عكسي مشى وراني
قليل خير...
ياموال الغثيث سعابي
ناقص العهد ونا بقيت انعاني
لكن انعدة...
كما موال مانك غابي
عندة طناشن ضان بلعدان
وكان وقتا موسم ربيع اصلاني
وكان للسما صافي بدون امزاني...
#لشاعر:رزق الله المشلوي🖤🔥
____________________
فقرة الأشعار وغناوي العلم حتكون بين فتره وفتره حنزل خمس أشعار
بي شعار كثيرين ان شاء الله 🖤🔥
ياريت تصوتوا ⭐وكل حد يقرا يقول الشعر يلي عجبة🖤
#Soma Alsideek 🖤🦋
