حمزه: اي سورايتي هاي الأوراق هسة صار وكت نطلعج
سارة : تعودت ع مستشفى صرت ماريد اطلع
حرب: ولج كومي تريد تدلل علينه
سارة : هلي شنو استاذ دافع عليه كدام خطيبي
حمزه: ولج هوة صديقي صاله 15 سنه وهسة عود ميعرفني
سارة : اي عادي هوة استأذني ويدافعلي
حرب: اي عيني هاي طالبتي ما يصير هيج تحجي عليهة
حمزه: ها خرب اختلفت عليه انت هم
كرار: تسمحون لنه نفوت لو لا
سارة : كرار قبل لا تفوت وياي لو ويا حمزه
حمزه: هاي شنو عيني صديقي هذا ما يعوفني
كرار: لا منو كلك اني ومديان ويه ساره
حمزه : لا يا كلب ع هاي دكه ناقصه
سارة : ننننننن ع عنادك كلهم وياي وانت بحدك
حمزه: ولج هاي عليمن تعيبين
حرب: عيني احترم الفاظك لا تكول ع طالبتي ولج
حمزه : لك حرب لا تختلف عليه لا بل.....
كرار: رجأأأأ عيني اطلع برا الفاظك سيئه وغير اخلاقيه
حمزه: يابه الشرف وكع له
ساره: لا تحجي هيج عليهم يخبلون شحلاتهم
حمزه : ساره مو طلعه للألعاب
ساره: لا حبيبي شسالفه
كرار: ولج لا تتقشمرين بسرعه
سارة : هاي الألعاب شبيك
حرب: اني اوديج بس لا تخزينه
حمزه : يله يله عيني خلي نرجع للبيت ورايه كومه شغل
كرار: اي والله إنيهم اطلع الأنبار
حرب : وانيهم احضر روحي طالع الأنبار بليل
كرار : هاهية نطلع سوه
سارة : لا كرار معليك هوة يطلع بحده
حمزه: شبيج نطيتي من يمج
سارة : لا ما نطيت بس هوة خلي يرتاح
كرار: تمام تمام هاهية توصل بسلامه ضلع
حرب : بعد روحي انت
سارة : يله عيني خلونه نطلع اشتافيت الأمي هواي
طلعنه رجعنه البيت الاهلي ضليت كاعده يم اهلي نسولف ونضحك وطبيعي بعدين حمزه ترخص وطلع وطلعت ورا
حمزة : سورايتي شصار ع تبارك
سارة : والله يا حبيبي حرب راح ياخذهة فصليه
حمزة : شنوووووو
سارة : يي يكول بعد ما اتحمل كل سوالفهة وعرف لي صار وياي اليوم من وراهة دزهة ع عمامهة يوم ياخذهة ويطلعون
حمزة : الله يهديهة ويصلحها أنشالله
سارة : امين يروحي
حمزة : يله. عمري انتي هم دير بالج ع نفسج وطبي جوه هسة تاخذين برد
سارة : انت هم حياتي دير بالك على نفسك
حمزة : الله وياج حبيبب
سارة : مع سلامه
سديت باب ورا و بيت جوه كعدت شوي يم اهلي حجيت لهم ع تبارك وانو لكت بيت عمهة بس ما كتلهم راح ياخذهة فصليه كتلهم هية راح تروح هناك تعيش بعد يمهم وتضل يمهم خالتهة راح تسافر باجر بس يوم باقيه بغداد وخلصنه حجي وكمت صعدت الغرفتي فتحت جهازي لكيت ارمان متصل كومه
اتصلت عليه عبالي اكو شي ضل بالي
سارة : ارمان شصاير
ارمان: المفروض اني اكلج شبيج شصاير
سارة : ليش شبيه
ارمان :اتصلت ع كرار وكلي بس ساره راحت يم تبارك تخربطت ومن هل خريط وعرفت سوت لج شي احجي مو طك كلبي عليج
سارة : لا عيني هاهية بعد اني بخير يله
مرت ولا ضرت صار لي صار لا تهتم
ارمان : وحق ربج تبارك بعد مو مال واحد يسكت عليهة لج زودتهة كلش وعلي لي افضحهة يم بيت عمامهة وما اسكت عليهة
سارة : وانت وابوك هم هواي زودتهة وياي وما حجيت شي لحد هسة محد يدري ابوك شسوه بية ولا احد يدري انت شسوت بي خلونه ساكتين كلام لي بكلبي هواي وساكته هواي وجاي اسمح هواي لا تضر احد لا إنيهم اضركم وما اسكت ترا مثل ما هية غلطت وياي انتوا غلطتوا وياي بس غلطته ابوك ما تنغفر لهل سبب ما عفته بحاله وذابينه بل سجن رغم هيج ساكته وما كلت لكم ارمان اني سامحتك صح بس خلي بالك ما نسيت شي لي عشته بسببكم واحد واحد ما انسا انتوا اخذتوا من طاقتي زياده لهل سبب ضل ساكته احسن من ما يطلع الحجي ومثل ما تدري الحيطان لهة اذان
ارمان : والله حقج شنو تحجين احجي واني غلطت وابويه غلط وتبارك غلطت وياج ولازم كلنه نتعاقب مو بس ابويه ولازم الكل يعرف ذنبه مو هسة يحبونه وساكتين وكله بفضلج
سارة : انتوا سامحتكم بس ابوكم الابد ما اسامحه
هواي اذاني عيني برعب لو ميته احسلي
ارمان: حقج والله حقج
سارة : اي يا ابن خالتي خليني ساكته مارد احجي شي بلي عشته خليني هيج عايشه وساكته بس ما ناسيه والله يهديكم كلكم وانشالله تعوض ذنبك شغلات احسن واقرب الربك
ارمان : أنشالله اكدر اغفر عن ذنبي
سارة : أنشالله
سديت الاتصال من ارمان وكمت ارتب شوي بغرفتي اريد باجر اروح اشتري ملابس ما بقه شي ع دوام واني ملتهية يا مرضت يا وكعت يا مستشفى
كملت وكمت بدلت وكعدت اتفرج ع مسلسل صارت ساعه ب1 بليل طفيت ونمت
تبارك........
بعد ما اجه حرب وعرفني اني لي سويت هيج ب ساره كبل سحلني من شعري وصعدني بسياره واخذني للبيت مالته ضل ضل يحجي نوب طلع برا اتصل ورجع نفس الحاله هم جرني من شعري حيل ورجعني البيت خالتي وصعزني وحبسني بغرفتي تقريبا ساعتين واجوي زلم هواي وسيارات شفتهم من شباك غرفتي ضليت خايفه هذمي منو وليش حرب واكف يحجي وياهم هذمي اكيد عمامي اكيد هسة راح يكتلوني يربي شنو اسوي ضليت ابجي وكاعده اجتني خالتي طلعت لي فستان مستور ولبسته لي وكعدت تكلي ما احجي شي وما ارفع راسي بوجه احد واسلم ع كبار وابوس ايدهم وراهم وشباب اعوفهم ايشي يحجون ما ارد واضل ساكته
وبعدين لبست شال ونزلتني جوه اجن حرب اخذني وفوتني لهم كبل رجال جبير بل عمر صاح وهواي صاحوا اجتني صدمه هذمي كلهم أهلي اني عندي أهل وعايشه بنص غربه وباسم يتيمه وصاحني شيخ جبير كلي بنتي انتي لي هيج غلطتي بس حرب ما خلاني احجي هوة حجه بمكاني بس من شيخ كال راح ناخذ فصليه انصدمت وكبل رفعت راسي ع حرب انكر هذا شي بس حرب كبل خزرني ورجعت نزلت راسي واجه طلعني من المضيف بعد ما راحوا الزلم كلهم بقة هذا رجال لي اول ما شافني حضني وكام يبجي وعرفته هوة اخو ابويه يعني عمي وابو حرب عرفته منه شكد تعب وهوة يدور عليه وعرفت شكد تمنوا بس يلكوني كعد يحجي لي ع ابويه وشكد جان يحبني واني ما حجيت شي بس ساكته يبجي ويتعتب ليش هيج سويت بروحي وره شوي حرب اترخص من عندي ومن عند ابو كال رايح اشوف ساره شون صارت وراح ورجع وره ساعتين وبهل ساعتين ابو يحجي وياي ويه ميلا واني حسي ما طلع ضليت ساكته َميلا تكله أنشالله تتغير مدام لكت اهلهة وعمامهة تبو راح تتغير وتصير زينه وتعيش احس بنين وياكم وابو حرب دموعه ما وكف وكل شوي يحضني ويبوسني من راسي ويصيح افيش يا ريحه الغالي شكد حنينه ع غالي انتي بنتي ربج خلاني لكاج قبل لا ياخذ أمانته
يتبع
لا تنسون التصويت
اسفه ع تأخير بارت لانو المفروض بارحه ينزل بس ردته ينزل بارت طويل مو قصير فهسة كملته ونشرته
