صاح حمزه ل راهب
عمي اليوم كلش نزعت حيه
راهب عمي شسويت
حمزه شفت روحك اشلون ركصت
راهب عادي ابن عمي و بنت خالي نخطبو فرحان بيهم ماتريدني افرح لهم
حمزه افرح ما كلت لا تفرح بس انتبهه لروحك ناس انتقدك
راهب طز بيهم حشاك عمي و اعتذر حجيته بوجهك بس ناس آخر همي همه ع الله حجو بقت عليه ما يحجون
حمزه ضربه راجدي كدام ناس راهب طلع من خطبه مهضوم تلكاه ابوه
بويه شبيك وين رايح باع ناس شلون تباوع لك بسبب وجهك الي تغير بثانيه
راهب بجه بويه ترضاه عمي يطكني كدام ناس لان ركصت بخطبه كلت طز بيهم همه ع الله يحجون بقت عليه
رائد بابا حبيبي ع كيفك احجي حجايه حجايه و لا تبجي خلي افهم صار بضبط
راهب بويه خليني ارجع للبيت مااريد ابقى
رائد اهده شوي تعال يمي
كعده ع كرسي شربه ماي بابا اهده شويه حبيبي روحي انته اهده لا تبجي
راهب بويه خليني ارجع للبيت
رائد بابا هسه اهده لا ترجف احجي لي
راهب بويه عمي صاح لي عمي اليوم كلش نزعت حيه
كتله عمي شسويت
كلي شفت روحك اشلون ركصت
كتله عادي ابن عمي و بنت خالي نخطبو فرحان بيهم ماتريدني افرح لهم
كلي افرح ما كلت لا تفرح بس انتبهه لروحك ناس انتقدك
كتله طز بيهم حشاك عمي و اعتذر حجيته بوجهك بس ناس آخر همي همه ع الله حجو بقت عليه ما يحجون كام ضربني كدام الوادم بويه رجعني للبيت رجلي خدرن ماجاي احس بيهم
رائد ماشي بابا انه اتصرف ويه عمك لا تنقهر تعال وياي حبيبي
رجعه للبيت خلا بغرفته نومه رد للخطبه خلصت
رائد حمزه اريد احجي وياك
حمزه بلي
رائد ليش هيج سويت ويه ابني
حمزه شفته شلون ركص
رائد شنو يعني و اذا
حمزه ناس صارت تحجي عليه
رائد طز بيهم هاي اول مره و اخر مره تمد ايدك ع ابني مالك ايي حق تمد ايدك ع ابني فاهم مره ثانيه ايدك تنكسر
حمزه لا تجاوز
رائد انته احترم ضيوفك حتى ما تسمع هيج حجي
حمزه تصيح عليه و تهددني ع مود ابنك ب حرام
رائد ولك حمزه اكل تبن لا تجيب طاري ابني بهاي سالفه هذا ابني رضيت و ما رضيت هذا ابني من صلبي فاهم
حمزه طلع بره بيتي
رائد البيت الي انهان انه و ابني بيه ماابقى ثانيه و خلي بالك بعد ماعندك اخو
اخذ عائلته و طلع راحت غرفت راهب لكاه بعده نايم باسه براسه وايده و طلع من غرفه
