الصايعين الضايعين ‼️

5 ⛺️🚨.

- صارت الساعه 10:20 الليل ، وقررو انهم يشوون للعشاء وفعلا كانو حاسبين حسابهم وجايبين دجاج ولحم وبرقر وكباب واكثر من شي لانكم تعرفون عايله الصايعين الضايعين بلاعات ماشاءالله -

- تايجو كالعادة قاعد بمكانه يشفط بذا القهوه الي ماتخلص ويحكي قصص من كيسه للباقين ، وشين وواكاسا وتاكيومي قررو هم الي يشوون لهم مساكين كل شي بروسهم لأنهم الكبار ، وهيناتا وايما جوا الخيمه يقطعون السلطات ويسولفون ، ولونا تلعب حولهم وتكلمهم بعدها تتذكر انها زعلانه منهم وتسحب عليهم -

- فجاءة سينجو سحبت يوزوها مع يدها بعيد عنهم وقعدت تهمس لها -

سينجو بهمس : يوزوها
يوزوها : وجع عورتيني شتبين
سينجو : عمى قصري صوتك - تصفق راسها -
يوزوها : طيب لاتضربين تخربين اللوك حقي !! شفيك
-تتلفت تتأكد مافيه احد وتناظرها مره ثانيه -
سينجو : شرايك نسوي فيهم مقلب ؟
يوزوها شهقت : ايش ؟؟ لالا مابي اخاف انا حركات سمايلي ومايكي
سينجو : خايفه ؟ من وش خايفه غبيه انتي بعدين نسيتي ان حنا طالعين نستانس ؟ هم بيعصبون شوي علينا ومع السنوات بتصير نكته العايله ونصنع ذكرى شفيك
يوزوها : افف امري لله
سينجو بأبتسامه : يلا تعالي - تسحبها وراها -