في بيت الجد قاضي ..الصباح..
في غرفه خالد
الجد : لا اله الا الله قومو ياعيال قومو الصلاه
سلمان فوسط نومته : خالد قسم لو ماتنقلع لاكفخك
الجد : ايا قليل الادب تكفخني ؟ قم قم لاوريك شغل الله
سلمان صحصح : سم سم قمت
الجد : قوم العفاريت معك يلا
سلمان استانس و قام و غسل و حصلهم نايمين و همس : انا اوريكم .. جاب مويه بارده و كبها عليهم وهو يضحك و العيال يصارخون
تركي :ياكلب والله ما اخليك
نواف : ياجعلك الجن احد يقوم كذا
فراس كان صاحي و مارش عليه مويه : كفو عليك ياسلومي
سلمان : كفوك الطيب يافروسي
سياف : خلصتو؟ قومو الصلاه
سعود : اي والله راحت علينا
فارس : يلا ياعيال
نواف : الحين فيصل كيف بنصحيه؟
تركي : سهله يارجال عندنا جودي تعرف كيف تقومه الحين غسلو و بعدين نناديها
قامو كلهم و غسلو و صلو جماعه في الغرفه
عند البنات
سلمى: يابنات قومو يلا الصلاه راحت
فزت في : الساعه كككم؟
سلمى : ياربي خوفتيني و تو اذن شفت العيال يصلون قومممي
في قامت و راحت الحمام تاخذ لها شور
راحت سلمى لجودي : جودي حبيبي قومي بتروح عليك الصلاه
جودي :دقايق طيب
سلمى :قومي بس
قامت جودي و سلمى راحت صحت كل البنات و طلعت هي و جودي و راحو لصاله كانو كلهم موجودين بدون العيال: صباح الخير شلونكم
كلهم : صباح بالنور ، بخير ، الحمدلله
جودي :صبحهم بالخير
كلهم : صبحهم بالنور ، صبحهم بالنور و السرور
حنين ام راكان: جودي ياماما صليتي؟
جودي ابتسمت : ايوه
امجاد ام سياف : جودي روحي لتركي ترا كان يبيك بغرفه خالد
فزت جودي و قالت : الله لعبتي فييصل و راحت جري
سلطان ابو راكان ضحك : هههههههه اهم شي محد يصحي فيصل غيرها تبي تهبل فيه
كلهم ضحكو
فغرفه خالد دخلت جودي و شافتهم يناظرون فيصل (معلوممممه هم مايتغطون عن عيال عمهم )
سياف بهمس مسموع : جودي صحيه تكفين تعبنا
جودي دقت صدرها بخفه و قالت بهمس مسموع : معللييك
و راحت لفيصل و جلست جنبه و شالت راس فيصل بشعره و كاتمه الضحكه و قربت من اذنه و قالت : فصولي حبيبي قوم يلا طفشت لوحدي
العيال يناظرون و كاتمين الضحكه مايبون يطلعونها و فيصل انخرش : اعوذ بالله مين انتي والله مالي دخل فييك انتي مييين
جودي شدت على شعره و هي تقول : اقسم بمن احل القسم لو ماقمت يافصفص لاور..
قطع فيصل : قمت اقسسم قمت و ناظر فيها :اعوذ بالله سليم فجعتني
العيال ماقدرو يمسكون ضحكتهم و انفجروا ضحك وبقوه و قامت جودي من عندهم لانها تضايقت من الكلمه الي تذكرها بشخص ... وطلعت و جلست جمب ابوها ساكته لاحظها ابوها وكانت عيونها تلمع و قال : افا جودي السلطان زعلانه و ضمها و صارت تبكي و ابوها يحاول يعرف ايش فيها بس لاحياه لمن تنادي و دقايق و دخلت العيال و شافو جودي تبكي بحضن سلطان (بقول اسماء الاباء ابو راكان اسمه سلطان و ام راكان اسمها حنين و ابو سياف اسمه عبدالعزيز و ام سياف اسمها امجاد و ابو فارس اسمه متعب و ام فارس اسمها الماس ) و البنات ساكتين جلسو العيال كلهم بدون فيصل الي كان يصلي وقال تركي : جودي شفيك تبكين ياعين اخوك؟ من زعلك فيصل ضايقك؟
جودي بصوت مهزوز : فيصل ماسوا شي انا بطلع وطلعت على دخلت فيصل لصاله وشافها تبكي وتشاهق وعيونها حمرا
فيصل: جودي؟ ضايقتك بشي
جودي : لا ماضايقتني
وطلعت جودي و لحقوها فيصل و نواف و سلمان و فراس و تركي و دخلت غرفتها و كانت بتسكر الباب بس وقفتها يد فيصل و تركت الباب و انسدحت على السرير وانهارت بكي و كتمت نفسها بالمخده و بكت زياده و دخل فيصل و العيال وراه و جلسو على الكتبه و فيصل و نواف جلسو على السرير و ضمها و قال : افا تبكين يابنت السلطان؟ وش يبكيك يااخت فيصل وراكان وتركي
جودي انهارت اكثر و قالت وهي تحاول تتكلم : ف...يص..ل ليييه قل...ته...ااا ليه قلت الكلمه الي قا..لها؟ ماتدري انه يذكرني ف...يه
تركي بهدوء: كنت شاك من بعد ماقلتها وانت صاحي حسيت
نواف بفهاوه: يهو ايش فيكم و مين الي يذكرها و ايش الكلمه
جودي شدت على فيصل و دقايق و حس فيصل ان جسمها ارتخى و كان يحاول يصحيها بس كان مغمى عليها و قال : جيييبببووووو مممموووييييييه ووووششغغللو السسييياااااره!
فز فراس و راح يجيب مويه و تركي شغل السياره و نزلو كلهم لسياره تركي و راحو المستشفى
ف الصاله
الجد : جودي لها ٤ شهور مو عاجبتني بس تتذكر
الجده: صادق حتى صارت ماتاكل و طول الوقت سرحانه
حنين : ياعمه مدري شفيها كل ماحولنا نعرف شفيها ترفض تعلم
متعب : يابناتي اسمعو اليوم العبو ذيك لعبتكم و اسالوها و احشروها
تالين : ترا هي صايره كذا كتومه و ماتبي احد يعرف شي عنها
سياف : خلاص اسمعو كلام عمي
نوره : طيب ياجد بطلبك؟
الجد ابتسم : امريني
نوره:نبي نسهر بالجلسة الخارجيه عادي و ترا كلنا مع العيال
البنات اييي ، تكفى ياجدي
الجد تنهد : زين عشانكم
في المستشفى
دخلو جودي و حطو لها مغذي و العيال كانو خايفين و على احر من الجمر و طلع لهم الدكتور
العيال : طمنا يادكتور
الدكتور : حالتها كويسه لاكن فيها فقر دم و نقص فيتامين و حطينا لها مغذي و ان شاءالله ترتاح
فراس : طيب نقدر ندخل؟
الدكتور : ايوه بس ابي ولي امرها يجي معي
العيال : انا
الدكتور انصدم
تركي : كلنا نقرب لها لاكن انا اخوها
الدكتور :تفضل معي و راح الدكتور و تركي وراه
الدكتور: اسمعني كويس استاذ ...
تركي : تركي
الدكتور :تمام يا استاذ تركي انا بعطيك ورقه تروح تجيب لها الادويه و لازم جودي تحافظ على صحتها كويس لان صحتها مو كويسه نهائياً و مو قاعده تاكل صحيح هالكلام؟
تركي تنهد : اي نعم صحيح
الدكتور : تمام يا استاذ تركي تفضل و عطاه الورقه
تركي : يعطيك العافيه
الدكتور: يعافيك و نحن في خدمتكم
طلع تركي
عند العيال دخلو غرفه جودي و جلسو فيها و ربع ساعه صحت جودي تبكي و تنادي فيصل
فزو العيال و فز فيصل و ضمها : بسم الله عليك انا جمبك لاتبكين
جودي : ابي اطلع
فيصل : استني المغذي يخلص و اطلعك
دخل تركي و قال : شفيك؟
جودي :ابي اطلع مابي اقعد افهمو!
فراس : طيب اسمعيني استني المغذي يخلص و نطلعك
جودي :تمام
سلمان لف لتركي : شقال لك
تركي تنهد : ابد عندها فقر دم و نقص فيتامين و تحافظ على صحتها و ما تاكل كويس و عطاني ادويه لها و قال لازم تاكل كويس ولف على جودي : جودي اكلي كويس يعيونه عشان مايغمى عليك
جودي هزت راسها ب طيب : بس ابي اطلع
فراس تنهد : الله يعيننا بروح اسوي لها و على مسؤوليتنا
و طلع يسوي لها خروج و نواف راح يجيب ادويتها و طلعو
ف البيت (عند البنات)
في : تتوقعون فيها شي؟
سلمى ضربت راسها بخفه : بسم الله عليها لا تتفاولين
في تحسست الضربه : الله حسيبك ذي يد ولا حجره
تالين : اساساً بديت اشك بأنوثتها
