" ကလေး နေထိုင်ရအဆင်ပြေရဲ့လား..."
လများစွာဖြတ်သန်းပြီးတဲ့နောက် သိသာစွာပူဖောင်းလာသော အမောင်ငါးစပူဗိုက်လေးအား ရဲရင့်ဟန်သာတစ်ယောက် မျက်ခြေမပျက်စောင့်ရှောက်နေသည်ကြားက တဖြည်းဖြည်း ဖောင်းလာခဲ့သည့် သမီးရတနာတည်ရှိရာ ဝမ်းကြာတိုက်လေး။
ဖခင်ကြီးအပါအဝင် ဒေါက်တာဧကရီကျော်ပင် မကြာခဏ ပြည်တော်ပြန်ဝင်ခဲ့သည့်အကြိမ်အရေအတွက်ပင် ကြိမ်ဖန်များခဲ့ရသည့် အကြောင်းအရင်းသည်ကား အမောင်ငါးစပူဗိုက်လေးအား ထိခိုက်မှာစိုးရိမ်သည်ဆိုသည့် အကြောင်းကြောင့် Germany မှ အမိမြေသို့ မကြာခဏ ခြေချမိ၏။
သားကြီးဖြစ်တော့မည့် ကောင်းစစ်ဟန်သာသော်ပင်လျှင် ဖခင်အနီးနားကပ်ကာ တစ်နေ့သုံးကြိမ်မက ပူဖောင်းနေသည့် ငါးစပူဗိုက်ဖောင်းလေးအား ထိတွေပွတ်သပ်လိုက် အနမ်းခြေရာထင်ချန်စေလိုက်ဖြင့် မမွေးရသေးသော ညီမအလှရတနာအတွက် မောင်နှမသံယောဇဉ်ကြီးစွာ တုပ်နှောင်ခဲ့သည်မဟုတ်ပါ့လား။
" ခြေထောက်နည်းနည်းကိုက်ချင်တယ် ကိုကို....ခါးတွေရော..."
" မွေးဖွားကာနီးလို့လား ကလေး..."
" အင်း...due date က လိုပါသေးတယ် ..."
" ပြောမရဘူး ကလေးရာ...ကိုကိုစိတ်ပူတာပဲ...ညကြ ရေနွေးလေးနဲ့ ခြေထောက်စိမ်ပေးရင်ရော.ကိုကိုတိုင်းရင်းဆေးနဲ့ နှိပ်နယ်ပေးမယ်နော်..."
" အင်းပါ...."
ဖြူလွလွသားမွှေးအိပ်ယာပေါ်ဝယ် ခေါင်းအုံးလေးမှီကာ ထိုင်နေသည့် ၉လနီးပါး ထမ်းထားရသော ကိုယ်ဝန်ဆောင်အမျိုးသား ကောင်းပြည့်လေး၏ ဒုက္ခအလုံးစုံကို ငဲ့ညာသနားမိသည့် အိမ်ထောင်ဦးစီး ရဲ့ရင့်အတွက် စိုးရိမ်မူကမြင့်သထက်မြင့်မားခဲ့ရသည်။ အလုပ်ကိစ္စကိုပင် လူယုံလွဲရသလို တချို့လူမူ့ရေး/စီးပွါးရေးအစည်းအဝေးများစွာ တာဝန်လစ်ဟင်းခဲ့ရသည်။
အမျိုးသားကိုယ်ဝန်ဆောင်ခြင်း၏ များပြားလှသော အန္တရာယ်ကို အသက်ပေးကာ ခက်ခက်ခဲခဲသယ်ပိုးထားရသည့် အမျိုးသားအနီး အချိန်ပြည့် ခြေဆုပ်လက်နှယ်ပြုစုနေသည့်ကြားက စိုးရိမ်မူမြင့်မားခဲ့သည်မှ အချိန်စက္ကန့်၊ မိနှစ်အမျှ တိုး၍သာ ထိတ်လန့်နေခဲ့ရသည်။
YOU ARE READING
ချစ်ခြင်းတို့အလွန်
Romanceကျွန်တော်ဘဝမှာ ချပြစရာဆိုလို့ ခင်များ ကို ချစ်ခဲ့မိတဲ့နာကျင်စရာနောင်တ ကလွဲ ဘာမှမရှိဘူး။ အဆိုးထဲကအကောင်းဆိုရမယ့် သားသားလေးက ကျွန်တော် ဘဝ ၊ကွန်တော်အနာဂတ် နဲ့ကျွန်တော် ရှေ့ဆက်နေရတယ် ကောင်းပြည့်ဝေလျှံ ကိုကို ဘယ်လိုတောင်းပန်မှ ကလေး တို့သားအဖ အနာ...