11:08
عندي انا وغاني
حليت عنيا بسيف ااااراسي راه يوجع سمعت صوت موسيقى عند ودني حليت عنيا نجري
وين راني خزرت قبالا قابلني غاني
خزر فيا وقتلي نضتي
كان معنقني وانا راقدة ويشوف فليريلز فتيليفونو
زدت عنقتو ريحتو تهبل تخليني نحس بالامان
كي عنقتو حاط تيليفون وزاد دناني ليه وعنقني قااع بيديه وقتلو شحال راهي ساعة قالي لحداش قتلو اممم رقت بزاااف وقتلو تعشيت قالي ايه تعشيت قتلو واش كليت وعلاه منوضتنيش قالي جيت لقيتك راقدة خليتك راقدة وخرجت شريت سندويتش كليت وجبتلك نتي تاني واحد نوضي تاكلي قتلو ايه راني مية بالجوع
طلقتي بيديه وناض جابلي ناكل وقعد قدامي تكسلنا نشوفو فتيليفون وخطرة على خطرة نمدلو ياكل معاها
كملت وحطيت الساشي فوق الطابلة ودرت ليه عنقتو ورقد وهوا قعد ساهر
ولله معلبالي لوقتاش وهوا ساهر منكذبش عليك مقدرتش نزيد نسهر مور قااع واش درنا فالنهار بالمعاونة وعييت منعرف واش تكون دارت فيها ايناس زعما تعشاو منعرف انا نرقد حنمووت بنعاش
في الصباح
نضت غسلت وبدلت حوايجي لبست بيجاما وطلقت شعري وخليت غاني راقد بيسك اليوم الجمعة ميخدمش غطيتو بيسك كان البرد وحبطت نطيب قهوة
لقيت إيناس سبقتني وطيبت وشرب راجلها وخرج وانا وراجلي راقدين هههه
دخلت حطيت نشرب معاها وقعدنا نقصرو اومبعدا نضنا خملنا قاتلي نديرو ميوزيك ونخملو قتلها تعيشي لالا غاني راهو راقد لبارح مرقدش بكري قاتلي اوكي معليش
خملنا واومبعدا انا دخلت ندير لفطور وهيا طلعت لشمبرتها تسقمها
دخل غاني للكوزينة مغمض قاااع ينوض كي لبيبي الصغير
غير شتو درت ليه قتلو راه ناض لبيبي تاعي ضحك وجا عندي عنقتو وهوا تاني عنقني ونحيتلو شعرو على وجهو وبستو في خدو وقتلو غسلت وجهك قالي ايه غسلتو قتلو اقعد دوك نجي نسربيلك قهوة طلقني اومبعدا عاود ولا قالي بوسيني ضحكت وهوا دنا باسني وراح قعد يبان عجينة خمرت 😂
شللت يديا ومسحتهم ورحت ليه لطابلة نسربيلو قهوة سربيتلو وقتلو نمدلك قاطو ولا كورواصو قالي قاطو تاع شيكولا قتلو مكاش قاطو تاع شيكولا كول هاذا قالي لعشية ديريلي تاع الشيكولا قتلو اوكي معليش كول برك ندرلك
بظا ياكل وانا رجعت لفطوري كنت ندير قغاتا تاع باطاطا وفيوند
كمل غاني وناض جا عندي قالي صبرينة راني خارج شوية ونجي كشما نجيبلك معايا قتلو لالا مجيبلي والو كاين كلش قالي ايه وباسني وخرج حبطت ايناس كملنا درنا الفطور
اومبعدا درنا فيها قهيوة وقعدنا فصالو نتفرجو ونهدرو
قتلها ايناس خطبة هبة راهي قريبة وحنا مادرنا والو قاطو
قاتلي ايه صح
قتلها واش رايك نبداو نديرو ونخبو شوية للي يجو يهنولنا على دار قاتلي اوكي قتلها فليل نبداو قاتلي علاه منبداوش مور الفطور قتلها لالا مول لفطور ندير لغاني حبات قاطو تاع شيكولا عندو شحال وهوا يقلي مسكين ومدرتلوش
قاتلي ايه صح ديريلو مسكين
قتلها ايه
قاتلي ولحوايج
قتلها ساهل نلبسو واش عدنا لموهم نروحو
قاتلي الروحة فيها فيها
قتلها راني خايفة ميخلينيش يلقا الدار سبة ويقلي جديدة متروحيش
صوطات ايناس قاتلي ياااااخاااه كيفاش متروحيش هاذي هبلتي ولله غير تزعف منك بزاااف
تنهدت وشلت راني شامتها
مكملناش هدرتنا حتى جاو الرجال نضنا حطينالهم الماكلة فطرو
وكل واحد طلع لشمبرتو يريح
درت لعطينة تاع القاطو وخبيتها ترتاح وايناس غسلت لماعن وطلعت انا عند غاني نهدر نعاه على ااخطبة تاع هبة
دخلت لشمبرة لقيت غاني مكسل على البونك وداير يديه تحب راسو ومغمض عينيه
قعدت قدامو فوق البونك وحطيت يدي فوق شعرو وقعدت نخلطلو في شعرو قتلو غاني قالي امم يزيم كي البقرة قتلو غاني علبالك بلي نهار الجمعة الجايا خطبة هبة سما جيبلي الدوزان تاع القاطو باش نخدملها القاطو راك علبالك وتمدلي نشري ربة باش نلبسها *سكت شوية اومبعدا قال نجيبلك باش تخدمي راني معاك. ونشريلك. الربة الي حبيتيها (انا فرحت حتى قال) مي هاءي تاع تروحي نحيها من بالك *تشوكيت خزرت فيه وقلت تتمسخر بيا كيفاش منروحش هاذي (قلتها بصوت شوية عالي وهوا مان مقلق بزاااف) سما ناض بنصو الفوقاني ودنا ليا وعيط وقالي متعيطييييش ماناش سكنين وحدنا *سكت وخزرت فيه منكذبش عليكم جاتني البكية مي شديتها وقتلو بصح غاني صحبتي هاذي كيفاش منروحش خزر فيااااا خزرة سكني تحت لرض سكت وقعدت نخزر في يدو الي شادة يدي واومبعظا قتلو غاني نروح نرووووح خزر فيا طرطق عينيه وقالي وشنوووو واش قلتي قتلو نروح سيك نروح قالي صبرينة راكي تخلطي سما غير بلعي فمك وعاود تكا قتلو وشنووو سما نتا وين تفحلك تروووح وانا قولي لالا انا قلت نروح سيك نرووووح(وقاعدة نعيط جامي هدرت معاه هكاك) ناض بنص الكور تاعو وشدني من شعري ودنا وجهي من وجهو وقالي كي نقلك لالا لالا متزيديش معايا ااهدرة *بداو دموع يتعمرو في عينيا سما عرف واش راه يدير وطبقني وناض شاد راسو ودنا للباب كان حيخرج عاود ولا وجا عندي عنقني ودفني قااااع في صدرو وباسني في راسي انا بديت نبكي بيسك اول خطرة يضربني وهوا قاعد يعنق فيا ويبوس فيا ويقلي سمحيلي ولله غير كنت مقلق ومقصدتهاش عنيا ومنا ومنا اومبعد قالي خلاااص نخليك تروحي لخطبة هبة طلعت راسي وقتلو صح قالي ايه ودوك شوية وجدي روحك نروخو نشرو ربة اوكي قتلو اوكي مي متزيدش تضربني قالي ولله منزيد نضربك نتي عنيا بلابيك نضيع كيفاش نضربك
مسحت دموعي ونضت لبست حجاب باش دافي وخيمار مارو وباسكات بيضة وساك مارو وهوا بقا لابس حوايجو ورحنا
حبطنا مالطونوبيل قدام البازار ودخلنا حوسنا مليييييح ولقيت ربة عجبتني بزاف بزاف جايا طويلة ومشلوقة من جيهة وكتافها عريانين ومالفوق مزيرة جايا كشغل غوب برنساس جايا فلبلو سيال وفيها عقاقش وشريت صباط طالو فلاغجو وشريت شوية مكياج كان خاصني محبش يشريلي بسيف قالي عندك بزااااف قاع معجبوكش لموهم شرينا اومبعدا تعشينا برا ورجعنا لدار مفهمتش كيفاش تعشينا برا بيسك غاني ماشي مجور الي يكسيبتي تاع ناكلو برا لموهم ركبنا فطونوبيل ورانا رتجعين
كنا ساكتين حتى نطق غاني قالي وشبيك خزرت فيه مور ماكنت نشوف متاقة قتلو لالا مابيا والو برك راني نسوف فالبلاصة هادي قالي اوكي وانا سكت
زدنا شوية شدلي يدي وقاعد يصوق منكذبش عليك مرقري ولا راجلي مي مزال هاذ الصوالح يديرولي الفرشات في كرشي
بقا شادني حتى لحقنا طلقنا وقارا وحبطنا رفدنا واش شرينا ودخلنا للباب
طبطبنا فالباب بيسك غاني نسا المقتاح تاع الدار في الدار
فتحت ايناس قالت راهم جاو عصافير الحب ضحكنا ودخلنا
راح غاني ديركت لصالو يريح وانا قاتلي ايناس يالهجالة وين تعشيتي قتلها اصبري دوك نحكسلك
دخلنا نجاراو للكوزينة حطيت الساشيات فوق الطابلة وغلقت لباب تاع الكوزينا نحيت خيماري وقتلها ريحي نحكيلك ريحت قتلها اليوم كي رحت نهدر مع غاني على الخطبة تاع هبة قالي لالا متروحيش قتلو سييي نروح هوا يقلي لالا وانا نقول ايه وبديت نعيط سما تقلق وشدني من شعري بديت نبكي باش يسكتني قالي ايه تروحي واداني نشري روبة شريت وجيت
قاتلي اااااااااااي اااريلي ضربك قتلها ايه مي شوية ماسي بزااف ماشي الي تبكي مي انا غاضتني قاتلي معليش معليش
كملنا هدرنا اومبدا انا طلعت لشمبرتي بدلت حوايجي وحبطت
