'البـَارت 11'......
- بسم الله الرحمن الرحيم
لااتنسون التصويت والتعليق لطفاً
عن هيرميس وهوه يوصف حيرته من السان محمود درويش
لا أنت بعيد فأنتظرك.. ولا أنت قريب
فألقاك، ولا أنت لي فيطمئن قلبي.. ولا أنا
محرومٌ منك لأنساك.. أنت في منتصف كل شيء-
حَارث:- بعدما صارت سالفه خالي مالك واخذوه للسجن احنه رجعنا لبغداد تواصل عمي ويا الضباط الي يعرفهم في سبيل انطلعه لكن ماكو فشلنا بكل محاولتنا لأنو شهدو عليه شباب اثنين عل انو هوه واحد من الدواعش وبما انو لكوو شاهد بعد مييفيد أي حجي باتت كل محاولتنا بالفشل وخالي هم من كد التعذيب بانواعه الكهرباء الحرك التعليك بكل أنواعه معترف عل شغلات هوه مامسويها اباله يخلص من التعذيب لكن ازدادت حالته من سيئ لاأسوء وانحكم عليه مؤبد وبعد ماكو أي فايده للحجي
كعدت الصبح ميت تعب من رجعنا وأحنه من شغله لشغله يأخذنا الصبح ويردنا الليل انه وعضايدي نشتغل ببساتين وبيوت الشيخ اقل شي ممكن نسوي حتئ انرد فضله علينا
باوعت حواليه جراز وجارش وهيرميس رايحين بسابع حلم عفتهم وطلعت بره الدنيا كلش بارده رحت غسلت واتوضيت حتئ اصلي بعدني داتوضه وشفت جراز أجه باتجاهي صبح عليه ..
جراز :- صباح الخير اخويه وعضيدي .
حارث:- صباح النور يبعد اخوك .
ابتسملي ووكف يغسل ويتوضه كملت ونشفت وطلعت اتمشئ كدامه للكرفان وهوه اجه وراي امشي وأستغفر استوقفني مانعني أكمل خطواتي صوت الخليفه..
الخليفه :- هاا يابه حارث صباح الخير وليدي
رحت يمه بوست رأسه وأيده وكلت،،،
حارث :- هلا بعمي صباح النور يعيوني
ابتسم وكال...
الخليفه :- ادري بيكم تعبانين بس هاذ الشغل دين بركبتنه ولازم انرده
احنه خوما انغلس عل الي الفضل علينا ومنفضل عليه!
ابتسمت وكلت،،،
حارث :- لاااخليفتنا أكيد نرده وأحنه اللمنوونين الي سواه ويانه محد مسواه وشنسوي قليل بحقه والله،
طبطب عل جتفي وكال!
الخليفه :- عفيه عليكم ولدي السباع انتو شاد ضهري بيكم والله هسه ابني روح كعد اخوتك وتوكلوا عل شغلكم خوش ابني؟
حارث :- تؤمر خليفتنا؟
عفته وطلعت عايده أدراجي للكرفان وصلت فتحت الباب وطبيت توني سديت الباب وسمعت صوت هيرميس نايم ويهلوس
بصوت كوه ينفهم..
هيرميس :- بَ بَ بَ برنووووي لاتركضين كولدني اجيتج اجيتج لكفتج تعالي عليه تعالي اكعدي لاتنامين لاتبجين بعمري لاتبجين الله لايخلي اليبجيج تعاااي ابوسچ انه .
