احـٰـببت قـٰـفصـي
(حب التملك)
(بقلم شهلاء عماد)
علك ع الوجه ضحكه وامل بلروح
وبزوايه العين كافي شجم حزن راكن
وفك باب القفص خلي الاحلام اطير
ونت من الطفولة شجم حلم ساجن
وخرها الستارة الشمس خلي تفوت
ولتخلي الجروح تبين الباطن
الَـ سمير صبيح ♡
ريماس: باوعت ع امي وعمتي سمعني وركزن ويايه بس تخلص الفاتحة اذا متحجلي الي صار وليش ابويه هيج جان يعاملني وليش مبتعد عن اهله وطلعت عندي عمه واني مادري بيهه ما ابقة بلبيت ولا دقيقة افتهمتن طلعت براا بلحديقة وضليت ابجي وصيح ليش يربي ليش يصير وياي كل هاذ ليش حسسني هوه ابويه باخر لحضة ادري يريدني اتعذب من كلامه
محمد: اباوع ع ريماس تصيح وتبجي بلحديقة رحت يمها ريماس لتبجين تراا ابوج يحبج بس اعتقد جان يكابر ميبين مشاعره وحب يبينلج قبل ليموت
ريماس: لا اني ابويه اعرفه بس لازم اعرف ليش جان هيج وبعدين انتٓ شعليك بيه وليش تبررلي وبصفتك من تحجي وياي بلا زحمة ميخصك بيه ولتدخل ترا يصير شي ميعجبك
محمد: تراا مكلت شي يستوجب الهاذ الحجي امج صديقة امي وحاولت اواسيج اعتبرج صديقة؟
بس اذا الموضوع يضوجج خلاص مثل متردين
اني اترخص راح اروح
ريماس: حسيت تصرفت غلط شنو ذنبه الولد طلعت بي حرگة گلبي لا احسن ميدخل بغيره
عوفينه من هاذ الموضوع هسه ريماس لازم تعرفين السبب الي من وراا ابوج ميريدج
سمر: غسق ريماس تراا مراح تسكت وتضل ادور ع الموضوع الحد متعرفه وهذيج الساعة شنو تكوليله
واجهيه بلحقيقة احسلج تراا راح تتندمين
غسق: لا سمر لا ريماس اذا عرفت راح ادمر اني
بنتي وعرفهه خليه اني احاول انسيه الموضوع بطريقتي
ام محمد: يلا تعالن الناس تريد تروح اكعدن بلصاله
يسلمون عليجن ويعزوجن ويرحون
سمر: غسق ليش ختمتي الفاتحة ابيوم واحد
غسق: اني تعبانه وختمته بيوم واحد والفلوس الباقيه اوزعه بثوابه ماكدر اني موته تعبني كلش حيل ماعندي بعد
سمر: الله كريم يلا تعالي نروح يم الناس عيب كاعدات اهناا
غسق: الناس بدت تروح والبيت فرغ وعيني ع بنيتي والحسرة البيهه ادري هواي حجي يدور ابالهه ودهه تحجي البخاطرهه بس هيه كتومه
سمر: اني راح اروح للبيت عذروني بس ماكدر ابات يمكم ابني وحدة بلبيت يلا يروحي ريماس راح اروح ديري بالج ع امج مع السلامه غسق لا تقهرين بروحج
كلشي كاتبه الله ترحميله
غسق: الله وياج يعيني انشاء الله خير الله يرحمه بكبره ويجعل مثواه الجنه يارب
ريماس: الله وياج روحي ارتاحي بلكي من تجين تجيبين بعد وحدة وهم تكليلي عمتج واذا اجيتي وجايبه ابوي هم ما استغرب
غسق: ريماس عيب هاذ الحجي هاي عمتج تراا
احترمي نفسج من تحجين وياهه اني ما ربيتج
هيج ولا علمتج تحجين ويه الاكبر منج بهاي الطريقة هاي مو اخلاقج لتخلين الحقد يعمه عيونج
ريماس: اني محترمه نفسي وعرف شنو احجي ومحجيت شي غلط بس ممكن تفسريلي ياا عمتي وين جنتي كل هاي السنين هسة يلا بينتي وتذكرتينه
ليش حته طاريكم ما سمعنا بهاذ البيت لو ماعندج مبرر السؤالي هلكد صعب؟
غسق: ريماس كاعد اكلج كافي وهاذ الموضوع بلذات تسدينه ماريد ينفتح بعد واذا انفتح صدكيني راح تتندمين اني بيا حال ونت بيا حال
سمر: غسق كافي عيفيه لتضلين تقهرين بروحج وبلاخير تعبين وتخسرين صحتج روحي رتاحي انت تعبانه ونت ريماس هاذ الحجي تفسيرة مو عدنه ونت ياريت تعيفين هاذ الموضوع مثل ما كلتلج امج راح تتندمين ولتضلين تقهرين بامج تراا تخسريه بلحضة مثل ما خسرتي ابوج حطيه ترجيه باذنج هاي السالفه
يلا اني رايحة ديري بالج ع امج فتحت الباب لكيت كدامي مهاب؟
يتبع....
