أنتقام بلا غُفران.

مشَاهد

-طحــت..
جمرَه على طرف فْراش..
گلما تريد تبعَدنــﻲ.

الحياة حلوه؟

-اي حلوه بس مو دائماً مرات مرهَ من گد مرارته تحس نفسك خلص هاذا آخر يوم بـ حياتك بس تقاوم وتواجه گل شده.

هاي اني اليوم راح احچيلگم عن حياتي الحلوه والمرهَ..

(المشهد الأول)

-اجيت بگل سرعتي للبيت اريد بس اوصل واحچي ويا بعد ما اتحمل الي جاي يسوي.. شنو احنا لعبه بيدهَ..
وصلت باب البيت دفرته برچلي بگل قوتي واني متعصبه.. شفت امي بلـ صاله چفلت..

-وجدان: هاي شبيچ يمه شصاير ليش وجهچ اصفر منو وياج؟..

-سوآد: حچيت وياهه واني صاگه على سنوني وين ابوي؟؟؟.. ضلت صافنه بوجهي و ما حچت..
اردفت واصيح بعلوا صوتي بلـ صاله..

-سوآد: باااااابااااا وينگگ؟ باااابا تعااال..
نزل بابا على الدرچ ويباوعلي مصدوم، يريد يفسر الحاله الي بيه اني حالياً..، نزل وصار قريب مني،
جاوبني بحيره وصدمه خازرني..

-حسام: سوآد؟؟ شبيچ شگو ليش جاي تصيحين؟.
شصاير احچي يلا...

-سوآد: بابا اني كم مره حذرتك من هاذا شغلك وانو راح يدمرنه واحد وره الثاني...
عاجبك الي جاي يصير بينه.. احجي بگل حرگه وصوت عالي بنبره خوف وتوتر وقلق من المستقبل ويه ابوي وين راح نوصل...

-حسام: ليشش شگو شصاير غير افتهم؟؟؟..
ولچ احححجي شصاير؟.

اردفت بصوت خايف ومتوتره من رده فعل بابا على الشي الصاير...

-سوآد: بابا اليوم...

#يتبع...

(المشهد الثاني)

چاي اركض بگل سرعتي احاول اضيعهم..
شارع ضلمه فارغ جو بارد اركض والهوه ثلچ يلفح وجهي احس تجمد... محد موجود محد ينقذني منهم.. كله بسبب ابوي اي اي كله بسبهه..
دمر حياتي.. اركض وابجي خايفه اذا كدروا..
يلزموني راح يدمروني كلهم مجرمين شراح يسوون بيه....

-فجأه شفت شخص بواكف بنص الشارع ما شفت وجهَ الان دنيا ليل وضباب.. فرحت گلت يمكن يطلع شخص زين وينقذني.. صرت اركض اسرع قربت منه وشفت وجهَ.. جان لابس لثام اسود   وبنطرون اسود وقمصله سوده وشماغ اسود  لافه على راسه كلشي بي اسود.. بس عيونه طالعه.. مگدرت اركز بيهم الان ضلمه هواي.. بس تقربت عليه..

-فتحت حلگي اريد احچي واطلب مساعده من هاذا الشخص المجهول..
محسيت غير شال ايده بگل خفه وسرعه عجيبه.. حطه على حلگي جان أكو گلنس بيده.. بعده حطيت ايدي على ايده اريد اوخره مني..
بس شويه شويه صرت احس نفسي جاي اضعف وعيوني تغمض قاومت لحد ما اغمى عليه ومحسيت على اي شي بعده...

#يتبع...

(المشهد الثالث)

-واگفه بنص غرفة التدريب ساعه 2:17 بلـ ليل..
لازمه المسدس گل شوي افگكه وارجع ارتبه وخلي گل قطعه بمكانه.. طلعت الشاجور ماله شفت بي رصاص.. ضهرت على شفتي ابتسامه جانبيه.. لبست سماعات خاصه بلـ تدريب.. بديت أدرب اقنص على اللوحات الي بشگل اشخاص،

صرت اضغط على الزناد وارمي بدون توقف واني اتذگر كلشي صار وياي، لحد ما خلص الرصاص

باوعت للوحه الي گدامي صارت كله زروف هواي وگلهم بلـ دائره المحدده.. ابتسمت واني اشوف نفسي صرت متفوقه بلـ سلاح... محسيت غير شخص وراي يصفك بقوه.. التفتتت عليه واني ابتسم..

-الوحش: لكك فصعون صاير محترف..
اردفت بأبتسامه صغيره. طبعاً اصير محترفه غير انته دربتني انته مصدر قوتي... تقرب مني ضل يباوع بعيوني فتره نزل باس راسي وخشمي..

-الوحش: انتي مصدر قوتي انتي شريان گلبي..
غيرتي حياتي وغيرتيني.. مستحيل يچي يوم واعوفچ ابد مستعد احارب الدنيا كلها على مودچ
.. حته هذاك السرسري أبوج ميگدر ياخذج مني.

ضحگت وحچيت هذاك السرسري والله مشتاقتله هههههه والله اذا يسمعك اله يگص السانك هههههه..

الوحش: اضحگي اضحگي أذوب بـ ضحگاتچ
يرحولج فدوه گل الكحا* الي عرفتهم بـ حياتي

-سوآد: ضربته على صدره حيل وحچيت...
لا تذگر الي عرفتهم گبالي مره ثانيه مفهومم؟
رد عليه بسرعه..

-مفهوم مفهوم حبيبي لا تعصب لكك فصعون ههههه.

-ابتسمت على كلامه.. فجأه نسمع صوت رمي كلش قريب علينه اتفاچئنا شنو هل صوت ليش قريب؟...

#يتبع...

بـ قلَمـﻲ//بنيـن آل عابد.

الڪاتبه: الي هنا نگون وصلنا للنهايه..
اتمنى تگون الاحداث عجبتگم وتنال أعجابگم..
حبايبي لا تنسون ☆التصويت حته استمر بل قصه ياريت تگتبولي آرائگم بلـ تعليقات حته استفاد منگم احبكم وشڪرا🫶🏻🧡.

"في حفظ الرحمن"

حسابي انستا 👇🏻

@kdj_jl