في قُبضة الخولع "متوقفة"

part "2"

ـسمَ اللّٰه الرحمٰن الرحيم 🤍 .
{ وَاذْكُرْ رَبَّكَ إِذَا نَسِيتَ }.
- الحمدللّٰه .
- سبحان الله العظيم .
- أستغفراللّٰه واتوب إليه .
- اللّٰه أكبـر .
- لا إله إلاّ اللّٰه وحده لا شريك له له الملك وله الحمد وهو على كل شيء قدير .
- لا حول ولا قوة إلا باللّٰه .
~~~~~~~~~~~~~~~~~~~~
شڪثر وصيتك؟
وگتلك مالي غيرك؟
يـا ملاذي
وغيرتي
ولَـذة شبابي
ههنة بس أنت وعيونك
چا بعد ياهـم أحـبابي؟
~~~~~~~~~~~~~~~~~~~~
هستوني اريد اسد الباب واندفع رفعت راسي واني اشوف خـولع اردفت بأستغراب
فـاطـمة:: خـولع؟
الخـولع:: ها
فـاطـمة::  هذا انــتَ؟
الخـولع:: اي هذا انه چا ياهو الچني
فـاطـمة:: خوفتني عبالي چلب دفع الباب او
- بعدني مامكمله كَلامي واجاني راشدي خفيف مَـن خـولع باعتله واردفت بأستغراب احاول افهم ليش ضربني
فـاطـمة:: هاي لـُيش ضربتني؟
الخـولع:: انعم الله عليج طلعت اني چلب؟
فـاطـمة:: مقصدي انــتَ
الخـولع:: هاذهو ماصار شي
فـاطـمة:: خـولع
الخـولع:: ها
فـاطـمة:: شتشرب؟
الخـولع:: چاي
فـاطـمة:: تَـمام
- گعد ورحت اسويله چاي، خلص الچاي صبيتله ورحت انطي لخـولع انطيته الچاي وگعدت بدينه نحجي، دنحجي طبيعي فجأه سكت خولع صفن عليه واردف بهمس وقهر .
الخـولع:: احجيلي شويه عن ماضيج شَـلون ماتوا اهلچ؟
- بديت احجيله وكُل جرح انفتح.
فـاطـمة:: باع اني عشت 14 سنه مرتاحه و15 سنه متعذبه قبل 15 سنه توفوا اهلي ابويه مات بسبب سكته قلبيه وامي حرگت نفسها وراه بسنتين لأن تحبه همه تزوجوا عن حب امي نگول كُرديه لأن امها كُرديه وابوها اصله بغَداد بَـس عايش بالنجف ابويه جان يروح للنجف يزور جداده ومره شايفها ومنعجب بيها رايح خاطبها موافقين تزوجوا وعاشوا حياتهم تزوجوا وهمه بعدهم ماصيرين 18 سنه اجيتهم اني حليت حياتهم توفه ابويه وهوَ ابن الـ32 سنه وامي وهيَ بنت الـ27 سنه تعبت اني وراهم نذليت نهانيت بَـس في سبيل اعيش نفسي عشت ويه مدرستي ورجلها ماجانوا يقصرون ويايه بَـس اني جنت مااخذ منهم شي جانت نفسي عزيزة كُلش جنت لو اموت مَـن الجوع مااگوللها، ضليت ادرس طلعت معدل كُلش عالي ودخلت طب عام درست بره العراق بأحسن كُليات دبي والفلوس كُلهم مَـن تعبي فلوسي جبتهم بتعبي ماخليت احد يفضل عليه ويگلي اني انطيتج، وره ماتخرجت ضليت سنه هناك وبعدين رجعت للعراق اسست حياتي وهاي هالتشوفني گدامك .
- خلصت كَلامي وحاولت مابين غصتي وبلعتها باعلي وتقدم لزم ايدي واردف بكُل ثقة وفخر .
الخـولع:: انــــتِ مثال للشجاعه والقوه والصبر والتضحيه، انــــتِ اول بنيه قويه تشوفها عيني انــــتِ اول بنيه صبوره تشوفها عيني وانــــتِ اول بنيه شجاعه تشوفها عيني وطموحه وصلتي للتريدينه وحققتي رغم حياتج المره والصعبه بَـس ماوگفتي عن حلمج وصلتيله حييييييل فخور بيج ، كفو منج ماضاعت تربيتج .
- ابتسمت بوجه وعفته ورحت اجيبله كرزات ، خلصنه كمت شلت  المواعين وسويت جاي شربنه واخذت الگلاصات غسلتهم ورجعنه  نسولف لـ12:30 يلا راح گمت نضفت ونمت، گعدت سبحت وتريگت وطلعت للشغل، خلصت شغلي ورجعت للبيت ميته تعب سبحت ونمت حتـى بدون مااكُل، گعدت الصبح صليت ونزلت انضف البيت بلشت مَـن السطح لحد باب الشارع خلصت وبلشت انضف البنكات والشبابيك خلصت منهم رحت ع الكاونتر مسحته ورحت ع الطباخ نضفته رغم اني قبل شكم يوم منضفه البيت، خلصت رحت طلعت المواعين غسلتهم ورجعتهم خلصت گعدت ارتب بالبيت لأن عطله وماعندي شي خلصت طلعت غسلت سيارتي وراها الباب طبيت ليجوا سبحت وتغديت ونمت گعدت العصر طلعت افتر بالسياره رحت اشتريت عطور وشكم قطعة ملابس واشتريت مكونات كيكة حتـى اسوي، رجعت بدلت وبلشت اسوي بالكيكة خلصت وگعدت اگصگص بيها خليتها تبرد ورحت للأسواق اللي بالفرع اشتريت عصير ورجعت، خلصت غسلت وصعدت فتحت تلفوني وبلشت ألعب بالتلفون، شوي واندگ الباب نزلت دااشوف منو وسمعت طلق خفت اتصلت ع خـولع مايرد صعدت وقفلت عليه الغرفه شوي وتلفوني يتصل فتحت خط وخولع گلي اني بالباب نزلت فتحته أله دخل وأردف بأستهتزاء
الخـولع:: جيرانج مافهمتهم غير ابوهم قبل اسبوعين توفه شو هسه مسوين عرس؟
فـاطـمة:: يعني الطلق ألهم؟
الخـولع:: ااي الهم
فـاطـمة:: واني خفت عبالي صاير شي
الخـولع:: تؤ ماصاير
فـاطـمة:: خـولع
الخـولع:: عيونه
فـاطـمة:: احجيلي عن حياتك شوي؟
الخـولع:: انشالله بس مو هسه بالوكت المناسب
فـاطـمة:: خـولع
الخـولع:: عيونه
فـاطـمة:: يعنـي انــتَ اسمك بالجنسية خـولع؟
الخـولع:: دقيقه
- مد ايده لجيبه مدري شيطلع طلع محفظته ودارها عليه وقريت اسمه
فـاطـمة:: لـيث
الخـولع:: يا كل حيله 
فـاطـمة:: اسمك لـيث؟
الخـولع:: ااي اسمي لـيث
فـاطـمة:: عزاا تدري عُبالي خـولع
الخـولع:: لا، اگلچ
فـاطـمة:: گُلي
الخـولع:: اتذكر شعر عادي اگوله؟
فـاطـمة:: اي عادي وهم كُلش، وازيدك للشعر بيت اموت ع الشعر اني
الخـولع:: جبار رشيد سنة ١٩٩٤ كتب :
أدري بيك تحبني ماداعي الكلام
وأدري بدموعك صدگ تبچيلي
مِن تجيني لا تكلمني بغرام
وعفيّة عوف الشوگ لا تحچيلي
آنه ليلي بلايه واهِس ما انامة
شلون لو صرت أنتَ واهس ليلي
فـاطـمة:: حلو
خـولع:: انــتِ الأحلى
فـاطـمة:: عيونك الحلوات
- ضلينه نسولف تقريباً ساعه وراح، رجعت صعدت فوگ شوي واجاني مسج مَـن خـولع داز اغنيه طلعتها وبديت اسمعها لـ وليد الشامي "الصدفة"
"الصدفه اللي خذتني يومها صوبه"
" لا بوها لا بو الي صحى گلبي الساهي"
" اللي كَلامه عسل وعيونه اعجوبه"
" يـ عيونه ومِاذبح خفاقي إلا هي"
" مجنون گلبه وجنن عقلي فدروبه"
" مَـن يوم شبه عـليَ ومِا لگى اشباهي"
" وأمسى حبيبي وانا للموت محبوبه"
" فديت روحه وفديت احساسه الراهي"
- داسمع الأغنيه واجاني مسج ثـاني مَـن عنده كاتب
الخـولع:: كَلامه عسل وعيونه إعجوبه، اريدچ تركزين ع هذا السطر لأن حيل ينطبق عليج .
- ابتسمت لارادياً، سديت التلفون ونمت گعدت صليت وسويت ريوگ تريگت وغسلت المواعين صعدت سبحت وشسورت شعري وبدلت اخذت جنطتي والسويج ونزلت، رحت للدوام وصلت وبده الشغل بيـن المرضى والعمليات، خلصت شغل ورجعت للبيت سويت غده تغديت وسبحت وبدلت ورتبت وجهي حطيت شوي مكياج وطلعت افتر رحت ع المول اشتريت هديه ساعه مرتبه لخـولع، دگيت الباب طلعلي مبين هستوه گاعد مَـن النوم دخلت واردفت بأبتسامه . 
فـاطـمة:: شونك خـولع
الخـولع:: الحمدالله، وانتِ؟
فـاطـمة:: الحمدُالله
الخـولع:: شعجب جيتي؟
فـاطـمة:: اجيت اطلعك نروح للكاظم عليه السلام
الخـولع:: سلام الله علي، يلا بَـس ابدل واجيج
فـاطـمة:: تمام
- صعد ليفوگ، نص ساعه ونزل وهوَ بكامل اناقته وعطره اللي سبقه ابتسمت واردفت بأبتسامه
فـاطـمة:: بعدلك شي واحد وتكمل كشختك
الخـولع:: شنو؟
فـاطـمة:: خـولع انطيني هايه ساعتك
الخـولع:: ادللي
فـاطـمة:: شكراً
- انطاني ساعته خليتها ع الكُرسي وطلعت الساعه الجديده مَـن جنطتي ورحت ألبسها أله، دلبسه الساعه وحسيت عيونه عليه رفعت راسي وشفته يباعلي بكُل تأمل ابتسمت واردفت بكُل هَدوء عكس الأستغراب اللي بداخلي
فـاطـمة:: كملت، صدُك انــتَ تسوق مو اني
الخـولع:: لوتيه
فـاطـمة::انــيييي؟
الخـولع:: لا جدي
فـاطـمة:: حرام عليك زلمه ميت
الخـولع:: يا ميت هذاك يسمع صوتج الله وكيلج اذا انتِ بيج شي هوَ مابي اصحه مني ومنج وعلي
فـاطـمة:: ههههههههههه
الخـولع:: دوم يلا خلينه نطلع
فـاطـمة:: تمام
الخـولع:: جبتي عبايه وياج؟
فـاطـمة:: اي بالسياره
الخـولع:: عفيه
- طلعنه بده يسوق وطلع اغنية كُلش يحبها دائماً يسمعها مَـن عرفته لحد هاليوم .
"حبيبي وانا وياه"
"انسى الحزن وانسى الآه"
" مَـن الله اني اتمناه"
"حَـبيبي هـوَ"
"حبيبي لو راح بعيد ماحس انا بطعم العيد"
"بدنيا غيره مااريد"
"حَـبيبي هـوَ"
"هَـسه شنو والجو حلو"
- يدندن وياها طول الطريق، وصلنه للأمام الكاظم عليه السلام زرنه وصلينه وطلعنه افترينه ورجعنه، وصلني لبيتي وراح، مرت الأيام هيج نطلع اني وخولع ونطب وناكل صرنه اصدقاء لكَن اكو شي چان بداخلي يحبه، گمت احب وجودي ويه خـولع جنت اتمنى يخلص الشغل حتـى بَـس اشوفه واگعد وياه واسولف واسمع سوالفه الحلوه قررت ارجع للخارج لـ دبي عمود شكم شغله رادوها مَـن يمي ووين درست فـ سافرت هوايه ضجت لأن بعد مااشوف خولع، مر شهر واني ماشايفه خولع بَـس اتصل بي ونحجي وهم شويه لأن عنده شغل، تقريباً اني وخولع صارلنه سنه اصدقاء غمضت عين فتحت عين لگيت خولع صديقي صدُك الأيام تمر بسرعه وخاصه الأيام الحُـلوه تركض ركض حتـى ماتحس بطعمها لكَن الصعبه لا تمشي بطيء بحيث تگول شوكت تخلص؟، بعدلي اسبوعين وارجع للعراق واشوف خـولع حاولت اسويها اليوم بَـس ماگدرت، مرت هالأسبوعين كُلش بطيئه رجعت وشفت خـولع بالمطار ركضت عليَ حضنته وابتعدت عنه اخذني ورحنه للبيت سولفنه شوي وگلي حروح حتـى اخليج ترتاحين صدُك راح وگمت سبحت ونضفت البيت كُله مااگدر انام اذا وصخ عنـدي وسواس قُهري مثـل امي الله يرحمها بَـس دااحاول اتعالج مَـن يمه لأن تعبني بحيث لو هستوني غاسله الگلاص ارجع اغسله مره مرتين ثلاثه يلا ارتاح، دنحجي اني وخـولع فجأه وگف وطلع جگاره ورثها وبده يشرب وهوَ يحجي .
الخـولع:: حياتي جانت عاديه مابيها شي عمري مايقارب الـ١٧ سنه وتوفوا اهلي مثل الطلقه اجت بگلبي، مشت ايام فاتحتهم تكسر الضهر اجلت سنتين وبعدين رجعت ادرس ماألي واهس رسبت سنه بالخامس، ٣ سنين ضاعن من عمري ربعي صاروا كليه مرحله ثانيه واني خامس قررت اجتهد، نجحت ودخلت كليه وهاي گدامج ضابط، عمامي اذوني همه وخوالي شجم مره اني داخل مستشفى من وراهم وصلت للموت بحيث مره دخلت بغيبوبه شجم شهر بَـس بكل مره يسون بيه شي ربچ يكتبلي عمر جديد حتـى اعيشه واغفر ذنوبي لأن جنت مقصر بواجباتي بس الحمدالله گمت أدي واجبي اصلي واصوم وحياتي صارت احلى صار بيها طعم وره مارجعت اصلي واقره زيارة عاشوراء وره كل صلاه وانـــتِ مَـن گلتيلي مَـن اخلص صلاة الفجر اقره سورة الكرسي مَـن يومها وحياتي حلوت رب العالمين حشى مَـن التقصير رزقني رزق ماچان بالحسبان بَـس حياتي مال الماضي اصعب من حياتج بس ربج يعوضج يخليج تسجدين شكر اله .
- لا ارادياً گمت حضنته وبلشت ابچي بحرگة گلب انهاريت كأنوا لمن حجه فتحلي جروحي مر شريط حياتي گدامي كُله بچيت بحرگه بچيت بوجع السنين التعبت بيهم، شدد حضنته ألي وبده يقره ع راسي حتـى اهدء، شوي وهديت بده يمسد ع شعري وهوَ يردد .
الخـولع:: عسى ربكم ان يبدل احزانكم فرحاً قريباً .
فـاطـمة:: خـولع
الخـولع:: يا كل حيله
فـاطـمة:: احجيلي قصه شي ايشي بَـس لا تسكت
الخـولع:: تمام، تعاي اسولفلج استشهاد عضيدي اني وياه گاعدين بأحدى المهمات بسنة ٢٠٠٣ انــتِ تعرفين الوضع شلون چان قبل، ف عالعموم گاعدين ناكل شوي وصار قصف متعودين عليَ گلنه هسه يروح دقايق هيَ دقايق وحسيت منـاف يدفعني ويصيح ثواني هيَ ثواني ومنـاف صار عباره عن وذر گمت اركض لميت وذره لحظني واني بصدمتي مامستوعب مناف توفى وعافني صاحبي وصديق عمري مات مامستوعب لأن هوَ واعدني مايعوفني مَـن الطفوله هوَ صاحبي هوَ الوحيد الوگف ويايه مَـن ماتوا امي وابويه الوحيد الساعدني وحفزني وخلاني ارجع اوگف على رجليه وحيلي مامستوعب ولحد الأن مامستوعب مناف ابو طول الحلو يتوفى صاحب عمري هذا راح وراحت ويا احلى ايامي الحلوه هوَ الوحيد اللي چان يوگف بوجه عمامي عيشني ويا ع شجم مره اهله يطردوا بسببي بس بقى متمسك بيه مناف زلمه شهم شجاع كسر كلام اهله علمودي، چان دائماً يگلي اذا صار عندي بنت اسميها زينب وذا ولد عباس قبل وفاته بشجم ساعه وصاني چان يعرف راح يموت گلي اذا اموت اسمي ابني عباس وبنتي زينب ومااضل افكر بالماضي واضل بالقوقعه نفسها مات وضليت حزين عليَ تقريباً مرت ع وفاته ٤ سنين مره نايم واجاني بالحلم عاتبني لأن حزين ومنهار گلي مرتاح اني بس انتَ جاي تعذبني گوم فعلاً صحيت ثاني يوم گمت اكمل رحلت حياتي اللي ألها بدايه وما ألها نهايه .
- يحجي ويغص لأول مره اشوف خولع منهار يبچي مثـل الطفل بحظني ماعرفت بشنو اطفي نار گلبه ولا اواسي الكَلام كُله ضاع مجرد حظنته وگمت ابچي ويا، مرت ساعه ووخر من حضني يضم بوجه مايريدني اشوفه عافني وراح، وهاي صار شهرين وخولع مختفي اتصل ماكو اروحله للبيت مقفول قلقت عليَ لكَن مابليد حيله، واگفه بالبلكونه اشاهد المطر وهوَ ينزل وشريط حياتي مر كُله نزلت دمعه ضايعه وبعدها بدت دموعي مجراها شوي وسمعت واحد يصيح بأسمي رفعت راسي ومسحت دموعي بكف ايدي گمت ادور بعيوني ع الصوت لمن انتبهت اي والله هوَ هوَ نزلت ركض مثل المخبله، حظنته وگمت ابچي بصوت اشهگ واعاتبه .
فـاطـمة:: لـُيش عفتني؟، لا ليلي ليل ولا نهاري نهار بَـس افكر بيك واتصل عليك ماكو اروحلك للبيت ماكو سألت الجيران يگولولي صارلنه هوايه ماشايفينه، دخلت ع حسابك فيس هم ماناشر شي لـُيش هيج يعني اني اضل دوم مشلوع گلبي ومتعلعل حرام عليك تسوي بيه هيج .
الخـولع:: اهدي اهدي شوي حبيبي اهدي بَـس خلي افهمج شو عاينيلي
- رفعت راسي أله خليت عيوني بعيونه لحظه هيَ لحظه وحسيت شفايفه تخترق شفايفي، اول مره احس بهالأحساس كأنوا الدنـيا كُلها صارت بحظني لكَن مابادلته بعدته عنـي بكُل هدوء واردفت بأستغراب وصدمه عكس الفرح اللي بداخلي .
فـاطـمة:: هاي لـُيش هيج سويت؟
الخـولع:: شني اللي ليش هيج سويته !
فـاطـمة:: بستني
الخـولع:: قبلتج مو بستج
فـاطـمة:: ماكو اختلاف ثنينهم نفس المعنى
الخـولع:: لا تعاي اشوفج شني الأختلاف بين القبله والبوسه
- هستوني اريد احجي ورجع اتهم شفايفي لكَن هالمره بكُل شغف وحُب دقايق وابتعد ابتسم وباسني بخدي واردف .
الخـولع:: القبله هيَ للشفه اما البوسه للخد
فـاطـمة:: معلومه جديده استاذ لـيث
الخـولع:: اي طبعاً... اگلج راح نضل واگفين بالمطر !!  .
فـاطـمة:: ها لا طبعاً تفضل تعال
- دخلنه ليجوا ملابسه كُلهم مي واني هم گمت بدلت وجبتله ملابس انطيته عندي جبتهم حتـى ألبسهم بالبيت لأن عراض دائماً الملابس الرجاليه تكون عراض، انطيتهم أله راح بدل واجه وأردف بأستغراب
الخـولع:: هاي شني على قياسي 
فـاطـمة:: صدُك؟
الخـولع:: بالعباس
فـاطـمة:: يلا بالعافيه
الخـولع:: شني مال حبيبج ولج؟
فـاطـمة:: لا ألي ملاتي
الخـولع:: الج؟
فـاطـمة:: اي ألي
الخـولع:: شتسوين بيهن؟
فـاطـمة:: ألبسهم شسوي بيهم يعني؟
الخـولع:: شبيج گمتي تصيحين
فـاطـمة:: سؤالك تافه شتسوين بيهم؟
الخـولع:: مو استغربت
فـاطـمة:: اي اشتريهم واخليهم للبيت لأن عريضات ومريحات
الخـولع:: اها هيج السالفه
فـاطـمة:: اي استاذ لويث شكو ماكو
الخـولع:: ماكو شي سلامتج
فـاطـمة:: لـيث
الخـولع:: يا كل حيله
فـاطـمة:: تريد اسويلك اكُل؟
الخـولع:: لا بس بلا امر عليج تعاي دلكي راسي
فـاطـمة:: تمام لحظه
- رحتله تربعت وحط راسه ع رجلي بديت ادلكله راسه شوي واردف بأبتسامه واسعه ع ثغره . 
الخـولع:: اگلچ اسمي حلو بحلگچ، بس بعد لا تگولين ليث گولي خولع مامتعود على اسمي
فـاطـمة:: تمام
الخـولع:: شطوره
فـاطـمة:: خولع
الخـولع:: عيونه
فـاطـمة:: جوعان؟
الخـولع:: لا، وانتِ؟
فـاطـمة:: هم لا ماجوعانه
الخـولع:: بَـس اريد من اديناتج الطيبه گلاص چاي راسي حينفجر
فـاطـمة:: ادلل
- وخرت راسه وگمت اسويله چاي خلصت ودزيته أله شربه ورجع تمدد على رجلي وجه صار ببطني دقايق وحسيت نفسه ثگل بديت ألعب بشعره واباع الملامحه اللي رخت بديت امشي اصبعي على حواجبه وخرت اصبعي مَـن حواجبه وبديت اباع لشكله هوَ حلو، اسمر شعره مو اشگر هيج شلون يعني مو اصفر مثل لون الحنه اخضر ع جوزي وحواجبه هم خشمه صغير فكه حاد عنده تكساس واضح حواجبه مثـل السيف صايرات وذا عگدهم يصيرون يخبلون وعيونه لا همه كبار ولا همه صغار وسط، هستوني اوخر راسه مَـن حضني حتـى اگوم انام وگعد فرك عيونه باعلي واردف بجديه .
الخـولع:: فاطـمه......

__________________________________

خلص البـارت اتمنى يعجبكم طبعاً اعرف بي مو طويل بَـس ماعندي وقت انشالله الجاي اطول 🥹♥ .

حَـسّابـيّ الأنَسـتّا حَـلوّاتُـي 🥹💋 .

احـــــــــبكم سَكُراتي انتوا 🥹🩵💋 .
~~~~~~~~~~~~~~~~~~~~

بـسمَ اللّٰه الرحمٰن الرحيم 🤍 .
{ وَاذْكُرْ رَبَّكَ إِذَا نَسِيتَ }.
- الحمدللّٰه .
- سبحان الله العظيم .
- أستغفراللّٰه واتوب إليه .
- اللّٰه أكبـر .
- لا إله إلاّ اللّٰه وحده لا شريك له له الملك وله الحمد وهو على كل شيء قدير .
- لا حول ولا قوة إلا باللّٰه .
~~~~~~~~~~~~~~~~~~~~