"بســـــــــــم الله الرحمـٰن الرحيـمِ"
لا تنسون التصويت والتعليق بين الفقرات
ومتابعة للحساب فراشاتي 🦋🤎
قراءة ممتعه لكم عمري 🥹🩷
ــــــــــــــــــــــــــــــــــــــــــــــــــــــــــــــــــــــــــــــــــــــ
وكفت واني مصدومه من الكلام السمعتة لُيش لُيش لهل
درجة ميحبني شلون آله گلب ينطيني هيج، اني بنته
حالي من حال سارة، اني بنته من لحمه ودمه، اني أمانة
ماما، لُيش هيج يسوي لُيش يرخصنييي لهل درجة، مشيت
وصلت للباب فتحته ردت اطلع جان يفززني صوته وهوا
يكول
حرب:- هاذ الحجي ما ريد احد يعرف بيه بوية
هزيت راسي واني مصدومة حقة ميقبل احد يعرف
بعدها طلعت بقيت واكفة بمكاني ما اندل رغم البيت
صغير شوية طلع حرب رفع حواجة من شافني واكفة
بمكاني راد يحجي جان اني سبقته وحجيت بسرعة
ليالي:- ماندل
حرب:- ههههه تعاي بويه تعاي
رحت وراه دخلنا للطبخ لكيت البنات وحدة دا دغسل ماعين
وحدة دا دعجن وذيج الصغيرة جاي تقرة من دخلنا للطبخ
لتفتت حرب على البنية اللي لابسه مناظر وكال
حرب:- رقية بعد اخوج ستكان چاي، جيبيه بيدج وتعاي
رقية:- خوش خوية
سوت الجاي رُقية صبتلة وراحت، وخالة ام حرب هم راحت
وراها بقن بس البنات والحجية اللي بس تسبح حتى بدون
صوت،واني بقيت كاعدة يم اختهم الصغيرة، صافنة اريد
ابجي اريد اصرخ اريد امي اريد خالوو هوسة هوسة براسي
ماعرف شلون احلها لُيش هيج بابا يشمرني هل شمرة حيخليني
ضايعة ماعرف، جنى هسة كدرت توصل لخالو لا كدرت تحجيلة،
شلون اراسلها واني حتى رقمي كسروه وحذفو كُلشي دخيلك
ربي ساعدنيي بقيت غرگانة بأفكاري لحد ما فززني صوت البنية
اللي جانت تقرة
منى:- خاب ضحيوة تتعاي قريني شبيج
ضحى:- وعلي بطرانة ولي مني وراي ميت الف شغلة
منى:- يييمههه تعاي ليهة ما تقبل تقريني
ضحى:- وعلي بطرانة توخري خل اروح اكمل شغلي احسلي
عافتها وراحت اللي اسمها ضُحى، جان تحجي مُنى بصوت خافت
منى:- صخونة گون، حقيرة
تقربت عليها شوية واخذت الكتاب جانت تدرس كيمياء، بتسمت
باوعتلها وحجيت
أنت تقرأ
ليالي الحرب
Mystery / Thrillerالفقر هو عدم قدرة الفرد على توفير حاجاته الاساسية فى الحياة، كالمأكل، والملبس، والمسكن، وغيرها من الحاجات الاساسية نظرا لصعوبات عديدة قد يواجهها الانسان بحياته. وبالرغم من صعوبة الفقر الا ان هناك اناس عزيزة النفس تأبى المذلة والاهانة. وعلى الانسان ا...
