FALL FOR HIM 🏳️‍🌈🖤( BL )

Thikthu pe chhe pa 🔞

CHAPTER - 10

FALL FOR HIM

·͜· ·͜· ·͜· ·͜·

Nickson - I duh duhna hmunah ka hruai ang che , mahse naktuk lamah lo chuan kan hman tawh lo ang ...

Alfie - Tak tak maw kan leng chhuak dun dawn tihna maw ?!!!

Nickson - Ummm ni e , kan pahnih chauh in , hmun nuam deuhah kan kal dawn nia .

Alfie - Mahse tunah pawh thil min lei tho la / mitmeng cute zet a nicksona melh chung chuan a han ti a .

Nickson - Mami te dawrah chuan ka kal peih lo ania aww / a mitmeng leh âw ka ah chuan a uang lo hle a ni tih a lang thei hial awm e.

Alfie - Chutah chuan ka kal ngun tawh alawm , ka rilru ah pawh alo awm lo hrim hrim / tim deuh dai chuan a ti let ve a .

Nickson - Ummm a tha nihchu , chuang rawh khawilamah maw kan ei ang ?

Alfie - Bawngkawna restaurant an hawn tharah khan chawl ang , an siam tui lutuk an ti , chinese food te pawh a awm / phur hmel zet chuan ati a , nicksona pawh bawngkawn lam pan chuan a in khalh chhuak zui a

Chulai hmun an thlen chuan Restaurant thar lawm a lo chuangkai ve an awm nual mai , kilkhata dawhkan awl chu an pan ding ve nghal zat a .....

Chulai hmunah chuan alfie classmate pui te pawh an lo awm ve nual a , nicksona an hmu tel ve leh chu an phul hlut hlawm a , nicksona ah an mit a fu leh deuh thup tawh , naupang chhia ni zawk zawk tawh bik lo ta na fam chuan thikthu te alo pe chhe ve tawh khanglanga ....

An thil order pawh chu a ei tui hmel teh chiam lo , a classmate te chu a melh leh khui khui thin , a thikthu han tih lan vak a rem chuang bawk silo nen Nicksona lahin engteh ualah ngailo ang maiin thil chu a ei mial mial a ......

Chutah a classmate te zinga hmeichhe pathum common em em mai te chu an bulah rawn hnaiin " U Nicksona " aw no zet chuan an rawn hu a ....

Nickson - Awiah !!!

Thla kan lo lakpui che aww , an tih chuan a nui ri hak a , " unmm " ti nghutin a ding uai a , chung hmeichhe ho chu an te rawih rawih mai , pangai deuh chuan a ding a , chutia an che tla vel chu alfie tan a hneawm tawh dawn teh lul nen a thinrimna ti zual turin " alfie lo hmet lawk teh aww " an la ti zui a , a chhungril tak tak ti lang ta se an hriatthiam mai a ring bawk nen , nui lui sang chung chuan a hmeh sak mawlh mawlh a .

" U nickson kan lawm e aww " tiin an thut hmun lam an pan leh sap sap a , " a hmeltha thlawt tiraw mizo diktak ani bawk sia a mak ka ti e kei chu " an ti zui sap sap bawk.......

Nicksona chuan a phone khawihin ei tur chu a ei leh mial mial tih loh chu a hawi chhuak mang meuh lo , chu erawh alfie thinrim ti zualtu mai a ni .

Rum tak chuan a melh leh râm râm thin a , a ngei em a ni , a ngaihtuah chian lahin a thil tih chu awm a awm lo hran lo tih a hria , mahse a chhungril chuan a tur na ve em a , a thik ve tur zia te a dawn phalo em ni tih te chu ngaihtuahin thil pawh chu a ei tui thei tawh mawlh lo .....

Nickson - Ei zo la , kan haw dawn nia , hmanhmawh suh / alfie rawn melh zeuh chung chuan ati a ....

Alfie - I duh leh ei zo la ti nia , ka haw dawn / ati hmuk a , nicksona chuan alfie a melh chho nghal kawk a , hriatthiam loh hmel zetin a melh bawk ....