"يجذبني ما لا يجذب إنتباه أحد." 📷

للحبّ أهلٌ و لسنا أهله أبدا نحن الظلامُ الذي ما زاره قمرُ 🖤

_ بقولك ايه يا حبيبي، إيه رأيك في تسريحة شعري ؟

= تحفة، مخلياكي قمر

_ يعني انا قبل كدا كنت وحـ.ـشة ؟

= لأ كنتي حلوة بس بقيتي أحلى

_ يعني انت بتحبني عشان شعري بقى

= وفيها إيه لما احبك عشان شعرك، هو انا بحبك عشان فلوسك

_ أفهم من كدا انك هتبطل تحبني لو شعري وقـ ـع ؟

= إيه اللي هيوقع شعرك ؟

_ صلع وراثي مثلا

= هفضل احبك في كل حالاتك

_ شكرا، انا مش هشـ ـحت منك الحب، ومش عايزة اشوف نظرة الشفـ ـقة دي في عينيك

= مالك يا حبيبتي النهارده

_ إيه مالي دي، شايفني باكل ورق جرايد وللا بتمضمض بشاور چيل

= مقصدش كدا، متفهميش كلامي غـ ـلط

_ قصدك تقول اني غـ ـبية مبفهمش

= يا سـ ـتي انا اللي غـ ـبي وابن ستين كـ ـلب

_ يا سـ ـتي؟ انت بتلمح لإيه؟ انا مش كبيرة للدرجادي على فكرة

= محدش قال انك كبيرة، انتي صغيرة

_ متقـ ـللش مني لو سمحت، إيه صغيرة دي ؟

= صغيرة سنا وكبيرة حجما

_ ااااه، انت عايز تقول اني تخنت وجسمي بـ ـاظ، بقيت شبه الكومودينو

= أوووووف

_ انت بتنفخ في وشي ؟ معناها ايه النفخة دي بقى ؟ مخنـ ـوق مني ؟ وللا يمكن ريحتي وحـ ـشة

= مش بنفخ في وشك انا بنفخ شوية تراب على المكتب

_ الله .. إديني وانا اضيع، دا انت شايفني سـ ـت معـ ـفنة بقى ومبنضفش البيت

= أنا شايفك أحسن سـ ـت في الدنيا

_ وانت شوفت كام سـ ـت غيري عشان تعمل المقارنة دي

= مشوفتش أي سـ ـت غيرك، وعشان كدا اتجوزتك

_ قصدك تقول لو كنت شوفت غيري ما كنتش اخترتني انا، اتغـ ـفلت يعني، وللا أهلك غاصـ ـبينك على الجوازة

= بالعكس أهلي مكانوش عايزينك وانا اللي اتمسكت بيكي

_ إلعب يا مُلعب .. وأهلك مكانوش عايزني ليه ان شاء الله، مش قد المقام؟

= قد المقام ونص، هما اللي جهـ ـلة وأغـ ـبيا ربنا يغفرلهم

_ ممكن متشتـ ـمهمش لو سمحت عشان اللي مالوش خير في أهله مالوش خير في مراته

= حاضر، أهلي أحسن أهل في الدنيا

_ اه دا انت بتنصرهم عليا بقى، ما انا الـںںںيكںںںي توي اللي انت شاريها من أمازون

= مش انتي اللي قلتي

_ إنتي ؟؟! اسمها انتي ؟ ما تشتـ ـمني بالأم بقى وتحسسني اني رخـ ـيصة

= حضرتك

_ بتكلمني رسمي ؟ عايز تقول اننا بقينا عايشين مع بعض زي الاخوات وان البيت بالنسبالك لوكاندا وانك مستحملني بس عشان العيال

= لا انا مستحملك عشان بحبك

_ إضـ ـرررررب، وقعت في الفخ يا حلو، وليه تستحملني أصلا هو انا تقيلة عليك أوي كدا

= بالعكس دا انتي نسمة

_ يا ليلتك السـ ـودا انت كمان بتغـ ـلط في إسمي، طلـ.ـقناااااااااااي

                    * * *

= إيه يا حبيبتي انتي واقفة بتكلمي نفسك قدام المراية ليه

_ لا مفيش كنت براجع حوار كدا في دماغي، بقولك ايه يا حبيبي، إيه رأيك في تسريحة شعري ؟👹