سبحان الله وبحمده سبحان الله العظيم ♡
(بـيـت بـهـاج - اخـر اللـيـل )
دخل بهاج البيت مستانس بخطبه اخته غدير ويغني : ادخلي عمريي بخطوتك اليمين
استوقفته نوره الي متخصره ومعصبه ومعها ملعقه خشب
نوره برفعه حاجب وتمثل العصبيه : كم الساعه !
بهاج مستلطف عصبيه نوره : اقعددد ست البيت معصبيه وتبي تجلد
نوره : تنام بالمجلس اليوم على تأخرك هاذا !
بهاج : ياختي كان عندنا خطوبه انتي وش عرفك ولا ام زكي مانقلت العلم غريبه بالعاده تنقل العلم بسرعه البرق
نوره عقدت حواجبه : من خطب من وانت مين وانا مين والبيت مين
بهاج : انخطبت بخور السوق ابشرك
نوره بأبتسامه تخالطها الفرحه : اماا كذاب صدق ؟! يمهه ماني مصدقهه
بهاج يطالع فيها من تحه لفوق بأستهبال : انا اعرفك عشان اكذب عليك حضرت الست نورتي ؟
نوره : اثبت لي انك تعرفني من ياء التملك "نورتي " ي بهوجي ولابهاجي ؟ ايهم تبي تبي حقت هيام ولا من ؟
بهاج تكى وتنهد بذوبان : اهخخ ياء التملك منك يخقق اول مره احب اسم بهاجي بالعاده كل الي اكرهم ينادوني بهاجي اول مره احبه ياشيخه انتي كيف تضبظين النبره والكلام انتي كيف تسرقين القلب لو اتكلم من هنا لبكرا والله ماوفي حقك وحق حبي لك يانوره احبك احبك احبك ياشيخه والله انك اقرب من الوريد انتي اقرب من هاذا العرق شفتي هاذا اقرب منه
نوره استحت : بهيج ترى استحيي واتوهق ماعرف ارد
بهاج تقدم وحضنها : يانور قلبي انتي من دخلتي حياتي وحياتي منوره
نوره بادلته الحضن وماكلها الحياء وخدودها ورديه من الحياء وفكها تشنج ماقدرت تنطق بحرف
وبهاج يعرفها ويعرف وش بقلبها حتى لو ماعرفت تعبر يعرف عيونها تتكلم عنها وبهاج يفهمها من نظره
نوره بأبتسامه: الف الف مبروك ومنه المال ومنها العيال
بهاج بأبتسامه : الله يبارك فيك يالحب ، عيال اختي بيجون وعيالي عادهم ماجو وربي غش وبهتان بحقي
نوره زمت شفايفها بوهقه وتشتت انظارها وكميه احراج بوجهها مو طبيعيه
بهاج حس بأحراج نوره ورقع الموضوع بـ : خلاص خلاص مو لازم ورعان اهم شي انتي معي
نوره تضيع السالفه : متى الرحله ؟
بهاج مسك خدود نوره الباقي ورديه من الاحراج : شوفي هي الصبح بعد صلاه الفجر لازم نكون بالمطار
نوره : مايمديي ننام ساعتين بس
بهاج : نامي نامي يمدي عشان ماتتعبين
نوره هزت راسها برضى
بهاج شاف صرصور يتمشى ويعرف ان نوره من مخاوفها الصرصور صرخ بهاج : نورههه صرصور جاك جاك
نوره فزت ونطت على بهاج : يمه اذبحه اذبحهه
بهاج ماسك نوره بحضنه ومبتسم على قربها : مدري معجبني وضعه هنا عندي بالبيت هاذا شيخ الصراصير مذبح القعدان ببني له بيت عنديي هاذا خلا حبيبه القلب تنط بحضني
نوره استوعبت ونزلت من حضنه وصارت ورا ظهره وشاده على ثوبه : اذبحه تكفى
بهاج مستانس على خوف نوره : ازهليني يابنت محمد يام مطلق
نوره : تكفىى يابو مطلق انا بوجهك
بهاج جته حميه : سميي
وتقدم ونوره لازالت متجوده بثوبه وجاء بيذبح الصرصور تحرك الصرصور نوره صرخت ونطت عليه وتعلقت بظهره : بهاج تكفىى اذبحهه
بهاج بضحكه : طقوع هههههههههه
وذبح الصرصور وكنسه وخلاص راح الصرصور الا نوره الي خايفه يجي صرصور ثاني ولازالت متعلقه بظهر بهاج وطبعاً بهاج في اسعد لحظات حياته ويتمنى صرصور ثاني يطلع
بهاج اتجهه للغرفه بينام : يالقراد الي لاصق بظهري ممكن تنزل ؟
نوره بخوف : بهاج لالا اخاف في حشره ثاني
بهاج بطقطقه : صدق فيه حشره؟ يايي بنات فارس احلامي قتل الحشره المقززه وايي يابنات شكله يجنن وهو يقتل الحشره المتوحشه يايي
نوره رفعت حاجبها : ورع تكلم زين
بهاج خشن صوته : سمي على خشمي ست نوره ! ممكن تنزلين لاني بقولك موضوع مرهه مهم
نوره : ملزم ؟
بهاج : الله الله مصمم
نزلت نوره : اسمعك
بهاج جلس بالسرير ونوره جلست قباله وبهاج مسك يدين نوره ويمسح عليها بحنان
نوره بخوف : بهيج وش فيك خلعت قلبيي
بهاج بأبتسامه : وينن لا شي يسعدك
نوره : اسمعك ياروحي
بهاج : قبل لادخل سألتيني وين كنت قلت لك بخطبه غدير صح
نوره : اي
بهاج : تمام خلصت خطبه غدير الله يتمم لهم على خير ورحت لـ .... وكمل السالفه لها
~ بعد خطبه غدير~
بهاج طلع من خطبه غدير بعد مابارك لها وفرح لها طلع للمحكمه يطلق رهف وخذا ورقتها واتجهه للفندق وطق الباب ودخل
بهاج بهدوء: السلام
رهف : لاسلام ولا كلام ورقتي وينها؟
بهاج مد ورقتها : هاذهيي وقعي عليها ويتنهي كل شي
رهف سحبت الورقه : هاته بس
ووقعت وخلصو كل شي وانتهى كل شي بينهم
وجمعت اغراضها وطلبت من بهاج يرجعها لـ بيت اهلها وفعلاً بهاج نفذ طلبها ورجعها لااهلها وانتهى كل شي .
~ نرجع للواقع ~
نوره ابتسمت : اما بهاج صادق
بهاج بأبتسامه: ايي ياعيونيي صادق
نوره حضنت بهاج بفرحه وضحك خفيف يعبر عن فرحتها
بهاج بادلها : دوم دوم يانورتي دوم هالفرحه والتضاحيك ، اصير لك فرحه بس لاتروح ضحكتك
نوره : تدوم ليي
بهاج بصوت عالي : اميننننننن يارب العالميننن
نوره بأسلوب تهديد : بس اوعدني ماتتزوج بعدها ولاتحب غيري والله يابهاج ماعاد تشوف وجهيي للابد
بهاج شد على حضن نوره : تحرم عافيتي اذا تزوجت عليك ولاحبيت غيرك
نوره بأبتسامه : بهيجج احبك
بهاج : ياحبيبتي والله انتي من طلعتي على الدنيا والله واضع بـ قلبي غلا لك صح يوم كنا صغار نتهاوش وماكنت اعرفك اساسا الا يوم قلتي لي ان انا البنت الصغيره الي تتنمر عليها وانا حابك من يوم اتنمر عليك من حبك سبك يانورتيي احبكك
نوره ابتسمت وفكها تشنج من الابتسامات
بهاج : يلا عاد ارقدي بعد ساعتين وانتي قايمه
نوره : ابشر
وانسدح بهاج وبحضنه نوره
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
