< بيت عبدالعزيز >
ام عبد العزيز : عبد العزيز!
عبد العزيز : نعم
ام عبد العزيز: اسمع العيد ذا لازم تروح ل عمامك اخر مره جيتهم قبل ست سنين تقريبا ماينفع تتخبى عنهم كذا
عبد العزيز : ي امي ياحبيبتي انا ماطيقهم محد يعبرني وكلهم نفسيين!
قامت ام عبد العزيز صفقته على يده
: اص انا ماطلب رايك انا اقلك غصب
عبد العزيز : اف طيب!!
راح تجهز واشترى لبس العيد وهو يحاسب
عبدالعزيز: يالليل الحين وش اقلهم لمن يسالوني عن كل ذي المده؟ اساساً حتى ناسي اسمائهم! الله يعين
< بيت نجد >
نجد : ي بابا متى نرجع نسكن ف المدينه ؟ طفشت من القريه !
ابو نجد :شسوي عاد عرضت البيت للايجار بعد خمس سنوات نرجع له ان شاء الله
نجد : اف طيب
ابو نجد : تصدقين ي ام ضافر ان عبد العزيز بيجي العيد ذا غريبه ؟
ام نجد : والله اني مادري غريبه صدق بس تلقاه امه قايلتن له
ابو نجد : يمكن
نجد : مين عبد العزيز؟
ابو نجد : افا ماتعرفينه؟
نجد : لا بالله ماعرفته
ابو نجد : ذاك الي كان ساكن معنا
ام نجد : صاحي انت اخر مره شافته وعمرها ست ولا خمس سنين وين تذكره؟
ابو نجد: اي بالله والله انه سلوقي قاطعن عننا
نجد : هههههه لا حرام لاتقول كذا يمكن عنده عذر؟
< بيت عبد العزيز >
عبد العزيز : يماااه جبت ثياب لي ولاخواني هاك
امه: يعطيك العافيه
عبد العزيز: يمه وش الي الله حادنا عليهم؟
امه : عيب والله انك ماتستحي عمامك هذول!
عبد العزيز : طيب امزح شفيك هههه
و قام راح لغرفته بينام و
هو منسدح على السرير يفكر
الحين انا ماذكر الا عمي ابو ضافر وعمي ابو ... شلون اسلم عليهم؟ الا صدق عمي ابو ضافر وش صار عليه؟ خلني اسال امي
و قام راح لمه
عبدالعزيز : يماه
امه: هاه
عبد العزيز : يمه بسالك عمي ابو ضافر وش صار عليه اذكر اخر مره كان ساكن في مدينتنا وين اختفى؟
امه: نقلو من زمان
عبد العزيز : والله اني مشتاق لعلوم نجد وسوالفها سبحان الله هالبنت تحسين على انها صغيره وماعندها سالفه ونص سالفتها كيس بس بشوشه مره وتحب تضحك
امه: والله اني مادري على وش عمانك منهبلين عليها تخرع وجهها تقل مصفق وتعبان وسوالفها ماتخلص وضحكتها عاديه كل البزارين يضحكون محسسييني انها مسويه شي واو
عبد العزيز : يمه حرام عليك والله تهبل
امه : قم انقلع نم
عبد العزيز : ابشري
< اليوم الثاني بيت نجد >
صحت نجد من النوم ولفت على اختها
نجد : متى العيد؟
هنوف : شدراني بس اضن بكرا او الي بعده المغرب يعلنون
نجد : طيب
و قامت راحت لمها
نجد : ماما بساعدك بالفطور عادي ؟
ام نجد : طيب امسكي الحليب ذا وديه للثلاجه
نجد : ابشري
اخذت الحليب وهي تمشي طاح من يدها وانكب
ام نجد : ي مال العمى ان شاء الله شفيك انتي امسكيه زين! ماتشوفين؟
نجد : ماما والله يدي ترتجف ماقدر امسك الاشياء زين اسفه والله اسسفه!
(بالعربي جلدتها امها )
نجد راحت تبكي وهي بفراشها :والله ماسويت شي يدي ليه ترجف كذا؟ وتناضر يدها وراحت لاختها
نجد : اسمعي هنوف هاتي يدك
و مدت يدها الهنوف
نجد: ليش ماترجف زي يديني ؟
الهنوف : اي لانك ماتاكلين شوفي كيف وجهك تعبان
نجد : طيب
جا على المغرب و راحو كلهم و اكلو
نجد : مااما بروح العب بالشارع
ام نجد : طيب
