تَره معـدله ومَاطيـح شِمـا حفـرتولي!
وبـالمشِي اضَـل مَهيوبه فنڪم لـو گِدرتـولي.
••••••••••••••••••••••••••••••••••••••••••••
كعدت راسي شوي مصدع غسلت وفرشت اسناني وبدلت ملابسي لبست جبه لون اسود ورصاصي وشال رصاصي ونزلت لكيت بيبي بالمطبخ دا تحضر ريوك حضنتها من ورا..
-صباح الخير يا احلاا بيبي بالعالم.
-هلا حبيبه هلا بعد كلبي صباح النور شلونج.
-الحمدلله بخير.
. سمعت صوت هاشم يخابر جاي من برا....
-الوو اي اي أن شاء الله احاول بعدين يمكن ما اكدر.
-هلا يمه هلا ها منو تخابر.
-لا بيبي ماكو هذا الشغل جزعني.
. تباوعلي وغمزلي خزرتهه ضحك وصعد فوك
-بيبي اني راح اطلع للحديقه شوي اشم هوى
.
-جا بيبي ماتتريكين.
-لا بيبي مااشتهي.
طلعت وضليت كاعده على مرجوحه اتمرجح شوي شوي بيها ورايحه بغير شي واجتني سالفه هاشم منو جان يخابر ماادري ليش فكرت بهل شي بس اجاني هيج تفكير ليش ماادري؟
سمعت واحد يخابر عرفته هاشم رحت ورا الشجره اسمعه....
_كلتلج كافي تتصلين مااريد رُقيـه تسمع شي مااريد اخسرها اريد ازوجهه وانتي وراها ازوجج بالسر اكمل من شغلج واطلكج.
انصدمت كلش واحس الدمعه بطرف عيني رحت لـ غرفتي ابجي بـ صمت بس صوت شهكاتي طالعه ندك الباب مال غرفتي......
كلت منو سمعت صوت هاشم يكول اني..
-كول شتردين.
-فتحي الباب ليش هيجي قافلته.
-ماكو شي اريد اكعد وحدي.
-فتحييييي كلت.
كمت فتحته صار بـ وجهي سئلني....
-شبيج عليمن وجهج احمر جنتي تبجين؟.
-لا ما بيه ماكو شي.
-لا بيج شي شكو.
مااحس الا انطلقت بالحجي وطلعت الي بكلبي كله بدون ماحس.
-لهل درجه تريد تعرف شبيه؟
اسئل روحك تريد تضحك عليه تزوجني وراها تزوج فوكاي ليشششششش شفتنيي يتيمه مااعنديي احدد تريد تستغلني هاشمممم خلي الله بين عيونك اني يتيمه هيج لهل درجه تريد تستغلني، بـ صياح.
-نصيي صوتجج فضحتنيه عرفتي شكو انتي علمود كبل حكمتي هيجج بدون ماتعرفين شكو؟.
-هاشم شنو اعرف هاشم كلشي واضح كدامي مااحبك ولا راح ازوجكك لوو تموتت فهمتت اطلع براااا.
كمت اصيح واتهسترت كعدت بالكاع اشهك حضني ومااحس الا نمت، كعدت لكيت روحي على جربايتي نايمه ومتغطايه شفت الساعه لكيتها بـ ٤:٣٥ عصر طبعًا هذا كله لا متغديه ولا متريكه.....
كعدت سبحت وروحي طالعه ولا الي نفس اكل ولا شرب ضلتيت لمدة تقريبًا شهر ونص مااحجي وي هاشم ولما يكعد بـ مكان اني كاعده بيه اكوم ومن يريد يحجي وياي اصده واعوفهه واروح واتجاهلهه
لحد ما فد يوم بـ غرفتي كاعده افكر اندك البابب عبالي بيبي كلت تفضل طب اني دايره وجهي يعني مااشوف الي وراي اذا احد طب اللتفت لكيت هاشم كبل كمت كلتله...
-اطلع هاشم حباب تعبانه مااريد احجي شي.
-اوكفي افهمي بعدين حكمي يا كل كلبي.
-ماشي اكعد.
-سمعيني هاي مرا من المرات جاي امشي بالسياره لكيت وحده طايحه بالكاع وكفت السياره وشلتها للمستشفى عالجوها وخلصو..
طبيت الها كمشتني من ايدي كلتلي انتَ زوجي مو اي اي انتَ زوجي طبعًا اوكفي لا تتهورين خلي اكمل (فديته عارفني خبلهه😂😭).
كلتلها لا زوجج ولا شي لكيتج مطموره بالكاع وشلتج عالجتج وهاي هيه لا ضلين تاكلين ت**بن..
ضلت مستمره وياي اني ما انطيها مجال بس هيه تتجرء وياي هواي لحد ما ذبت عليه تهمهه اني ماخذها وهيه حامل مني وعمامها الا تزوجها وتستر عليها مااكدر يسوون شي الي لان بالدوله كلت خلي اخلص منها علمود اني وياج نعيش حياتنا.
-شلون تثبت هذا كلامك اليي؟.
-ماشي لعد باجر حضري روحج ساعه بـ ٩ ضبط نطلع واراويج الدليل.
-ماشي هسه اتسرسح اريد انام.
-هاا اني اتسرسح موو.
-هههه اي.
-يلا تصبحين على خير كلب كلبي.
-وانتَ من اهل الخير.
كعدت بـ ساعه ٨:٣٠.........
#يتبع...
للڪاتبه: بنين آل عابد.
هلو حبايبي الحلوين شلونكم كل عام وانتم بالف خير وصحة وسعادة دائمة يارب. 🤍💋
شنو رأيكم بلـ بارت كتبولي بلـ تعليقات ولا تنسون تصويت ☆حته استمر بلـ نشر وشاركو القصه الاصدقائڪم 🫶🏻🤍.
انستا
@kdj_jl
(في حفظ الرحمن)
