اين الطريق ؟!

الفصل الاول (1)

روايه: آيَنِ آلَطِريَقُ 🫀؟
بقلم الكاتبه : جّوٌدٍيَ آحًمًدٍ
**********************
تعريف بسيط لابطالنا:
عماد الحديدي البطل محقق جنائي عمره 25 سنه شخص جد جدا وقت الشغل و عصبي عنده صديق مقرب ليه
سليم المنشاوي صديق عماد و هو دكتور و رئيس مستشفى المنشاوي عمره 26 سنه لكنه اكبر من عماد بكتير عقليا و هنعرف ازاي في الفصول الجايه
روان الشرقاوي البطله عندها 22 سنه و مرحه جدا و شعرها بني و طويل عينها لون السما و تسحر اللي يشوفها
تاليا حسين صاحبه روان طيبه و قريبه من ربنا و شعرها متوسط و لونه اشقر و بيزيد جمالها الحجاب
ماري صاحبه روان شعرها اسود قصير و عينها خضراء
بنسبه لباقي الابطال نتعرف عليهم في الروايه
**********************
ام روان: قومي يبتت هتتاخري علي المحاضره يلااا يا بتت يروااااان
روان بنعاس: حاضر يست الكل اخطفلي حلم بس و اصحا
ام روان ب زعيق: ما تقومي ياااابتتتت
روان بسرعه: انا صاحيه اصلا يا ست الكل يسوسو يا قمر انتي
ام روان: قومي علي المحاضره يلا و البت تاليا مستنياكي برا في الصاله
روان بمزاح : ضيوف تقال بصحيح
روان جهزت نفسها عشان المحاضره و خرجت ل تاليا
تاليا: خير يا هانم ساعه مستنياكي؟
روان: حد قالك تيجي يوليه انتي كنتت عاوزه اعرف الوااد عمار هيعمل ايه
تاليا بصدمه: يخربيتك انتي بتحلمي ب افلام يروااان
روان: ايوه فيها ايه اهو بتسلي شويه
تاليا: يلا اخره صبري
روان: كنتيي امي عشان تقولي اخر صبري؟؟
تاليا: كلمه كمان و هندهلك طنط اسراء تلمك (ام روان)
روان بخوف: لا و علي ايه يلا علي الجامعه
**********************
نروح لمكان جديد عند بطلنا ✨
سليم بغضب: ايههه دااا يا عمااااد؟؟؟
عماد: عااوز ايهه يا سلييم مانتا عارف اني مبحبش حد يدخل عليا وانا بشتغل!!
سليم بغضب شديد : انت عاوز تلعب ببنات الناس عشان تثبت انك تقدر توقع اي بنت ل عيل في تانيه ثانوي يا عمااااد؟؟؟
عماد ببرود : ايوه بظبط كويس انك عرفت لوحدك
سليم بغضب: يا برودك يا شيخ يابني ممكن تترد في اختك في بنتك الدنيا دواره و بعدين من امتا وانت كده دا انت دايما بتتباهي انك عماد الحديدي اللي عمره ما بص لبنت و مش مهتم غير بشغلك و عيلتك من امتا وانت كده؟
عماد: ممم..من دلوقتي اهو و فيها ايه لما نتسلي شويه؟
سليم بيأس من صاحبه: براحتك يا عمااد بس انا جنبك يصحبي وقت ما تحتاجني.... سلام و يارب تفوق
**********************
و عند عماد و ماجد

عماد: اعمل ايه يا ماجد مش عاارف حاسس انها ممكن تترد في اختي مثلا انت عارف الدنيا صغيره،
ماجد بخبث: هو انت هتخطفها انت هتتكلم معاها كلمتين اهو تتسلي و بعدين... ما البت مزه يعني،
عماد بخوف من حاجه ممكن تحصل: ماجد انا مش كده انا واحد عارف ربنا كويس و دي عمرها ما كانت سكتي اني اكلم بنت و اتسلي و بعدين انا عماد الحديدي يعني مش بخاف غير من اللي ربنا و اللي بعمله دا يغضب ربنا،
ماجد: انت معقد بشكل يسيدي تجربه و ربنا غفور رحيم بقا (و ربنا شديد العقاب برضو هاا ) عماد:.. طيب مواافق و امري لله
ماجد. بخبث: ايوهه بقاا امسك يا معلم دا رقمها رقم روان الشرقاوي بنت الدكتور شادي الشرقاوي
**********************
روان خلصت المحاضر و قابلت الشله السيئه من تاني للأسف
روان: ثواني يا تاليا هروح اسلم علي شلتي و اجي خليكي هنا
تاليا بخوف علي روان: ما بلاش دول يا روان انتي عارفهم مش كويسين
روان: متقلقيش يبنتي انا واخده بالي و في نفس الوقت عاوزه يبقا ليا صحاب
تاليا بفقدان امل: براحتك يا روري
روان راحت للشله المختلطه مكونه من خمس اشخاص و روان الساته ماري و قمر و رانيا و سالم و حمزه
روان: هاايي عاملين ايه؟
ماري بحب مزيف: روان وحشتينا اويي بجد فينك يبنتي؟
روان: مشغوله في المحاضرات والله
رانيا: هو في حد بيحضر محاضرات اصلا؟
روان ايوه عادي
ماري: طب بقولك يا رورو في حفله عيد ميلاد قمر النهارده تحضري؟
روان: بجد كل سنة وانتي طيبه يا قمر و عقبال مليون سنه يروحيي... طيب اشطا هشوف و اقولكم يلا اطير انا بقا عشان امي هتعمل مني بطاطس باللحمه لو موصلتش في المعاد
سالم بضحك: والله انتي مشكله يا روان
حمزه بضيق: مشيت يعم
سالم: اخيرا مش فاهم ليه يا ماري البنت دي بذاات اللي بتلعبي عليها
ماري بحقد : عشان جميله و محترمه و مفيهاش غلطه هي احسن مننا في ايه يعني؟... هنخليها مننا

**********************
بنسبه ل روان و تاليا فا مروحين نسيت اقولكم هما صحاب من و هما اطفال لانهم جيران
تاليا: مش فاهمه ايه حبك في الشله دي يحبيبتي دول مش شبهنا دول اصدقاء السوء متخليش الشيطان يأثر عليكي
روان: عادي يعني يا تاليا مش مهم و متقلقيش انا مش عبيطه يعني
تاليا: انا عاوزه مصلحتك والله
روان بغضب: خلاص يا تاليا عرفناا...هروح اجيب كرت شحن اسبقيني انتي يلا
تاليا روحت فعلا بس و هي مدايقه جدا من روان
**********************
روان روحت و استأذنت بابها و مامتها و اخوها انها تروح الحفله ووافقو و جهزت نفسها و لبست فستان احمر لحد الركبه مع كعب اسود و شنطه سوداء و ميكب خفيف برز جمالها اكتر و سابت شعرها الحرير اللي وصل ل بعد ضهرها و من ثقه اهلها فيها و ان اخوها هيوصلها و يجبها فا سابوها براحتها في اللبس
**********************
في العربيه و مراد اخو روان بيوصلها
مراد: بس ايه الشياكه دي يا رورو؟
روان بفخر: اقل حاجه عندي ياباا انا مش زي الاشكال اللي حضرتك بتشوفهم في الشغل عمليات تجميل و قرف انا و الحمدلله هو ايشادو و بلاشر و ليب جلوس و ماسكارا و ايلاينر بس
مراد بصدمه: بس!!!؟.. اوماال لو عمليات تجميل بقا طلعت البضاعه بايظه الواحد يروح ب جردل مايه لما يتقدم لبنت دلوقتي
روان بمزاح: والله في ميكب ضد المايه احسلك تروح بمايه نار منها تعرف يمكن يكون سيد ابن خالتك و متنكر علي هيئه بت مزه
روان وصلت الحفله و خطفت الانظار و كانت حفله لطيفه و روان قدمت ل قمر بوكس مليان شوكولاته كا هديه بسيطه (تلاقيها سرقت الشوكلاته من امها اصلا)
**********************
ام تاليا: مالك بس يا توتو
تاليا: روان داخله علي مصايب و هي مش حاسه دخلت شله مختلطه و هي اسوء شله في الجامعه اصلا و بتقولي عادي ولما افهمها انو غلط بتتعصب عليا
ام تاليا:خليكي وراها برضو و حاولي متستلميش يا توتو دي زي اختك وانا بعتبرها بنتي التانيه
تاليا: هحاول..... حاضر يا ماما اوعدك اني هفضل وراها لغايت ما ترجع روان القديمه المحترمه
**********************
ماجد: يلا يبرنس اللعبه هتبدأ
عماد: يلا... ثواني تلفوني بيرن
{في المكالمه}
سليم بغضب: برضو يا عماد صممت و روحت ل ماجد قلتلك ركز في شغلك وانت مصمم علي السكه دي
عماد: صدقني مجرد. تجربه بس
سليم: انا حيوان عشان بنصح واحد حقير زيك
عماد: سليم هتكلم معاك بعدين الو.. الو.. قفل في وشي منغير ما يفهم
ماجد بخبث: يلا بقا ولا ايه
عماد: يلا
**********************
و في الليل عند روان
روان ماسكه الفون و بتقلب في تيك توك و فجاءه جالها رساله علي واتس دخلت لقت رقم غريب
روان: و يطلع مين دا بقاا اما ندخل نشوف
(في شات الواتس)
عماد: عامله ايه؟
روان: مين؟؟
عماد: واحد كده
روان: بجد
عماد: اه والله... متعرفناش بالقمر
روان و الشيطان لعب في دماغها: طريقه شقط قديمه علفكره
عماد في نفسه: شكلها هتلعب فعلا
عماد: طب ايه مش هنتعرف؟
روان: مم طب اسمك ايه؟
عماد: اسمي عماد الحديدي عندي 25 سنه وانتي؟؟
روان: روان عندي 22 سنه تشرفت
عماد: انا اكتر بس ايه هنفضل في جو الرسميات دا كتير؟
روان بسخريه: لا هنقوم نعمل شاي بلبن احنا لسه متعرفين اصلا
عماد: احمم بصراحه يا روان انا كنت معاكي في حفله النهارده و اعجبت بيكي جدا و بصراحه انا براقبك من زمان وانا بحبك يروان!
الكلمات دي نزلت علي روان و صدمتها جدا و لسه كانت هترد بس فجاءه
**********************
اعتذر لو في اي غلطات او اي اخطاء في السرد لكن دي روايتي الاوله فا اتمني ان الروايه تعجبكم 🫶🏻
انتهي الفصل الاول انتظروا الفصل التاني 🤍🦋
روايه: آيَنِ آلَطِريَقُ 🫀؟
بقلم الكاتبه: جّوٌدٍيَ آحًمًدٍ