اشباح العاصمه

bart(1)🦅

{بسْمِ اللَّـهِ الرَّحْمَـٰنِ الرَّحِيمِ}

بـقـلم:: سـرور كـنـعـان

لاتـنـسـون مـتابـعـة الـحـساب تـصـويـت+تـعلـيق بـيـن الـفـقـرات

-------------------------------

          𖣔 اشــبـاح الـعـاصـمـه𖣔

مُــهـاب:

_مديت ايدي اخذ بطل المي ماكو حاولت افتح عيني ماكدر راسي يأذيني صحت بصوت عالي.

مُـهـاب:*** سفله منو شال البُطلل

_محد جاوب المكان هدوء فتحت عيني بـالكوه اشوف
جنت متمدد كعدت باوعت يمنى ويسرى..

مُـهـاب:: شنهاي

فركت عيوني بقوه ..

مُـهـاب:: شنو السالفه وين احنا؟

_انداريت لكيت جماعتي نايمين تقدمت بأتجاههم ما لكيت بس صُهيب والباقي فراشات فارغه جنت دايخ حيل وبعدني مامصحصح

مُـهـاب:: صُهيب ولك اكعد يمكن متنا
يمعود صُهيب

_بدون ما يفتح عيونه ويشوفه كال

صُـهـيب:: ولي منا الصبح عدنا مهمه روح نام خلينا نرتاح

مُـهـاب:: خاب اكله متنا ياقزرقط

رجع كمل نومة شلته من الفراش وشمرته بالكاع صاح بصوت عالي..

صُـهـيب:: شبيك يمعود

من شاف المكان سكت وباوع بوجهي وكال

صُـهـيب:: احنا مو نمنا بمركز التدريب شجابنا هنا
احنا وين؟

مُـهـاب:: اكُله متنا يكلي وين احنا

صـُهـيب:: مخطوفين احنا لو شنو

مُـهـاب:: لا حَجي هاي لو بيتنا بالجنه لو من دكاتهم الناقصه مال تدريب

عفته ومشيت افتر بالبيت

مُـهـاب:: خنطلع بره بس اخذ وياك أي شي حتى إذا صارت مواجهه نضرب ونطفر

صُـهيـب:: شنو راح نضرب الملائكه ونشرد

مُـهـاب:: اكُل تب* يمعود

كام ويايه وثنينه نتفحص المكان بتحذير اخذ عوده مال برده واني كسرت الرجل مال الجربايه (القريوله) حديده مزنجره وطلعنا باوعت عليه واشرت بأيدي يروح يدور بالسطح راح ثواني ورجع كال..

صُـهيـب:: ماكو سطح

طبينا كل واحد غرفه هم ماحصلنا شي

مُـهـاب:: شنو حتى الملائكه عدهم نجارين خوش كنتور هذا

طلعنا خارج البيت

مُـهـاب:: وضحت السالفه

عرفنا روحنا بچوله وعدنا حضيره صغيره مال طليان