زهراء
البنية ودتني بغرفتهة وكلتلي هاي غرفتي
ضلي بيهة منا من يجي السيد يعقدلكم.
عافتني ونزلت جوة اني ضليت وحدي اعاين
علئ الغرفة اسودن جنهة مال عرايس.. اشوية
اجت نفس البنية كلتلي كومي وياي اجة السيد
اني سمعت هيج وحسن جسمي يرجف من الخوف
نزلت وياهة. واني راسي بل كاع ولا رفعتة
الشيخ ذيب:
اني من طلبت الفصلية كلت اخذت بثار اخوي
منهم واني اغذت بتهم وكسرت ضهرهم
مثل ماهمة كسرو ضهري من كتلو اخوي...
اليوم راح تجي الفصلية اني رحت يم امي
كعدت يمهة وكلتلهة يمة هاي الفصلية راح
اصير غدامة تحت رجليج وحتين انتي تكدرين
منهة تاغذين بثار ابنج منهة.. باوعت علئ مهرة
وكلتلهة مهرة اني اريدج من اليوم ورايح اي
شي بل بيت مالج غرض بي وذا شفتج كاضة
شي من البيت الة ايكون احسابج عندي فاهمة
هية الفصلية راح تجي غدامة الكم فاهمة مهرة
لو اعيد كلامي...
باوعت علي اختي وكلتلي
مهرة:
صار شيخ بس خوية هية مالهة ذنب بل
الصار والله خوية انتة مو كلتلي انة ابن عمهة.
هوة الكتل اخوي شيخ ونتة تذري شنو احمد شجان قبل..
اني كلت هيج جو ماحس اخوي ذيب اجو
علي وغنكني اني ضليت ارافس بس هوة
ماوغر مني الئ اجة اخوي عمر ونقذني من
يمة.. واني لبدت وراة وكمت ابجي..
هوة باوع علي وكلالي..
الشيخ ذيب:
من كلتلي هيج اني كمت عليهة كمت غنكتهة
وغليتهة اترافس بيدي مناء اجة عمر وغرهة
من يمي لبداهة ورة ضهرة.. اني باوعت عليهة
وكلتلهة....
شوفي ولجج مهرة قسم بالله العظيم
اني اذا سمعت منج هاذ الكلام مرة ثانية
اني اذبحج بيدي سامعتني ولججج انتي
كحبة تحجين علئ اخوج ودافعين علئ
الفصلية ياكحبة مو همة الكتلو اخوج كليليي
اني كتلهة هيج وطلعت برة رحت بل بستان
وكعدت ادغن وفكر بل فصلية.. اني شراح اسوي
بيهة بس كلت والله الة اغليهة تمنة الموت
اني كاعد ودغن ونسيت كلشي وشوية اجة
اخوي عمر وكلالي
الشيخ عمر:
خوية عمامي اجو ويريدوك جوة
الشيخ ذيب: يي خوية روح واني جاي
وراك
الشيخ عمر: صار خوية
الشيخ ذيب:
. راح عمر واني كمت رحت يم عمامي
كعدنة وشوية وجة ابن عمي وكلالي انة
الفصلية اجت كمت اني وعمامي طلعنة
. برة الهم شفتهم نزلو من السيارة نفس
الزلم الجو هذيج المرة واني اباوع عليهم
نزلت بنية نزلت بس ركضت لبدت ورة اخوهة
ليث.. اني رحت اتقربت منهم بس اني اريد اشوفهة ملامحهة بس هية ولا تشاف ولا تبين
ملامحة اني رحت عليهم وصار الحجي..
وشوية وراحو واني اشوف الفصلية كامت
تبجي بصوت عالي اشوف اخوي عمر راح
عليهة.. ودغلاهة جوة واني وعمامي رحنة
بل مضيف وشوية اجة اخوي عمران راح
جاب السيد.. علمود نعقد انة.. راح اخوي
الشيخ عمران: علئ مهرة ايصيح الفصلة
اشوية ونزلت بس ورة اختي مهرة اني اباوع
عليهة ترجف من ورة الخوف.. بس والله
فرحت وكلت بكلبي.. بعدج ماشايفة شي
زهراء
اني نزلت وياهة بس احس جسمي يرجف
من ورة الخوف اباوع علة البنية اجت وطتني
عباية لبستهة وكفت ورة الباب. واني كمت
اردت ورة السيد.. وكلشي ايكولة اكول
وراة واني كلت نعم ونتة وكيلي بس والله
حسيت بروحي راحت مني بس وشوية
سمعت صوت غشت رجولي وكال نعم ونتة
وكيلي... اني، رحت وية البنية انصب غدة
اني صبيت تمن ومركة.. وسمج ودجاج. وسويت
زلاطة ناعمة والله امكن اسفرة اترست الطولهة
امكن عازمين عمامهم كمت صب الغدة.. واني
كمت منا منا من همة كملو جابو الماعين اني
كمت غزلت الماعين بس وحدي والله واني احس
ضهري الكسر اني كملت كلشي وضليت بل
مطبخ.. وشوية اجة واحد وكلالي..
