نهاية طريقي إليك

إعلااان✨️.

اعلاان رواية جديدة✨
.
_كنت مترددة وخايفة.. تخيلت روحي كيف ح نكون في مكان مضلم وضيق بروحي..
بس تشجعت ودرتها ...غمضت عيوني ودفيت الكرسي واخر شي سمعتة صوت حاجة قووويه وآلم مش طبيعي🔥ومعش نعلم بروحي

__________
_كانت في نسمة ريح خفيفة والجو حلو خذيت كرسي وقعمزت نشوف للمنظر الحلو يلي قدامي
نافورة ومعشب وإضاء هادية وحلوة ومريحة للعين❤️ …قعدت نفكر وسارحه
ليش الناس واخذين عليا فكرة زي هكي؟؟
بسبب لبسي؟
ولا بسبب اسلوبي؟؟
أو لأني عايشة بروحي مع أمي؟
بس!
بس أنا مش هكي.. صاح ندافع ع روحي!… ولو حد غلط فيا نطلق عليه لساني عادي جداً !!..ويلي يحاول يقرب مني نضربة سواء كان شاب أو بنت!
بس انا مش بنت حرام.. انا مش فاسدة ولا بنت ليل!؟
انا كل يلي نحاول نديرة نحمي امي ونحمي روحي من اولاد الحرام
نحاول نحمي روحي بروحي لأن لاعندي أب يحميني ولا أخ يدافع عليا!… ليش صار هضا كلة ؟ ليش فقدت بابا وانا مزلت صغيرة؟؟.. ليش اعمامي خلونا بروحنا نعانوا انا وأمي بدون مايسئلوا علينا؟؟… ليش انااا ليششش؟..
ومن بين الافكار هذي نزلوا دموعها يلي كانوا نادراً ما ينزلوا بس هالمرة ماقدرتش تتحكم فيهم💔..
وزي العادة مسحتهم ع طول وصبت خشت جوا

_____________
_غمض عيونة وذكرياتة معاها كلهن هدوا عليه الليلة وحاس قلبة ينعصر بقووة💔🔥
بس شنو يدير؟ شنو الشي يلي يرجعلة حبيبتة يلي اكيدة توا راقدة في حضن راجلها؟
مش قادر يطلعها من قلبة ولا من راسة.. يحبها مووت بس هيا خناتة!
والخيانة ابداً مش ساهلة🔥❌

_____________
_ كان يحاول يرقد بس التفكير كان واخذ نومة… عايش مع وحدة متزوجها بالغصب لانها بنت عمة و غلطت🔞
وعشان مكانتة وسمعتة قدام الناس يلي هنا ويلي في ليبيا كان ضروري يتزوجها ويلم الفضيحة!
كيف راح يعيش معاها وهوا مش طايقها ومتقزز منها؟؟ …تنهد بضييييق وكمل يفكر امتى بيكمل هضا كلة ويطلقها ويفتك من همها!!

يلا عاد همتكم… ديروا لايك عشان تنزل الحلقة الاولى🔥❤️.
رواية#نهاية_طريقي_اليك للكاتبة فاطمة العبيدي.