اعتقد وصلنا للنهاية، ما عاد ارجع انشر خلاص تبت. صارلي فترة طويلة بكل صلاة و بكل دعاء ادعي ربي يساعدني اتوب لأن ما اقدر اتوب وحدي احتاج مساعدة، مو من أي أحد من ربي تحديدا
و حسيت هذي الفترة صاير مالي خلق اكتب أو اترجم أو اي شي و حتى الروايات شغفي راح فيهم مو بنفسي اقرأ اي رواية أو شي
و قبل شوي سمعت محاضرة لعلي المياحي و كلامه كان حقيقي و اكثر من حقيقي هم يعني حرفيا شوكت اتوب؟ اني ضامنه لنفسي اعيش للأبد؟ ضامنه لنفسي اعيش ليين اتوب؟ لا ما ضامنه لنفسي اعيش منا لدقيقة! كيف يعني… ما اعرف كيف اوصفلكم كمية الخنقة الي فيني حاليا تعرفون ليش؟ لأن هذا كله ذنوب متكدسة على قلبي و جالسة تخنق فيني.
ربي يحبني انه ما موتني لهسه. تخيلوا اني ميته قبل ساعة و قبل ما احذف الرواية؟ منو الي راح يحذفها راح ابقى احصل ذنوب بعد ما اموت و اتعذب
اتمنى كلكم تتوبون قبل ما توصلون لمرحلة ما تردون توصلولها حتى لو كنتم مذنبين لأبعد درجة حتى لو كنتم قي اصلا أو كنتم عدكم ذنوب لا تعد ولا تحصى أو اي شي الله بأنتظاركم تتوبوا مهما كان عدد ذنوبكم دامكم تبتم الله راح يغفر لكم و تذكروا الله غفور رحيم والله يحب عباده كلهم و يريد لهم كلهم الخير و يريدكم تتوبون علمودكم ليش هو الله شنو يستفاد من توبتكم؟ انتم تسفادون لا اكثر ولا اقل صدقوا
توبوا قبل ما تندمون قبل ما يفوت الاوان. ما ندري شوكت نموت كيف مستمرين نسوي ذنوب !
اتمنى الكلام اثر فيكم و صار عندكم نية تتوبون
تدرون هستوه علي المياحي كال شي حرفيا نفس الي افكر فيه دائما
قال انو واحد عنده فلوس كثير و بنفس الوقت ذنوب كثير تروح تسأله انت مرتاح؟ راح يقلك لا ما مرتاح لأن عنده ذنوب. هذا تدرون ليش ما يتوب؟ خايف لو تاب تروح فلوسه و تروح صيته. و الشيخ كال خلي يروحن خلي كل شي يروح و يضيع بس لا تضيع ربك… نفس الي افكر فيه دائما اكول خلي اعوف الكيبوب و اتوب بس اكول لا خاف صديقاتي يعوفني و ما يصير عندي شهرة مثل قبل و مو الكل يضل يحبني.
زين اني صدك لو اشاقة؟ شراح استفاد لو ما راحوا الناس! شراح استفاد لو ضيعت ربي! ما استفاد شي غير اني اروح للنار!
شكرا للي قرأ الكلام و انتبهوا لنفسكم و اوعدوني انكم راح تتوبون. بكره بعد ما اتأكد انو احد شاف كلامي راح احذف الواتباد و ابدي حياة جديدة أن شاء الله خالية من الذنوب بمساعدة الله
احبكم 😞💋
