.......
امواج
_______
كعدت الصبح كفشتي طاكة كمت غسلت وجهي
ونزلت جوه شفت امي تسوي اريوك .
فتون : يلة ماما كوم جيبي صمون خلي ناكل
امواج : حاضر ماما
اخذت الفلوس ورحت اجيب صمون واثناء جاي امشي شفت نفس ذالك الشخص الي تعاركت وياها ذاك اليوم گُلبت عيوني وكملت مشيتي جبت صمون ورجعت ركض ماطيق اشوف وجهَ يسد النفس
كعدت اكل انه وامي وابوي طبعا انه اليوم مادامت لان ماعندي امتحانات
كملت غسلت أيدي وصعدت العب بالتلفون
باوعت للساعه عجيب الساعه 1 ليش طولت اوتار يمكن عدها درس إضافي كلت خلي اشوي العب بروح يعني احُط مكياچ واسشور شعراتي اخذني الواهس احط منا واجيب منا
_____
أوتار .
جمدت بمكاني وينج يمه عني تعاليلي خفت منهم دخلو هما وصارو يفتشو للحد ما اجه سطري بالتفتيش زاد خوفي بالزايد معاانو انه متأكده ماعندي شي فتش الجنطه وجان يطلع من الجنطه حـُبوب بيض وصغار اول مارفعت عيني اباوع علي الضابط جان يصيح بصوت عالي رعد المدرسه رعد
الضابط : سيدي لكيتت المخد*رات
انه ضليت مصدومه شحچي شكول مادري اريد ابرر اريد احجي ماكدر بس ابچي اجه ضابط منهم وصاح علي كووممييي ويايي يلااا
لزمني من ايدي وسحلني سحل مثل ابو قاط الرصاصي
صعدت للسياره
أوتار : سيدي سيدي وداعت بيبيتي موانه ماعرف مـ منو جاب المخدرات للـجنطتي
هوا ساكت مايحجي
صحت بصوت عالي
أوتار : جااي اكلك مووانههه نزلني انههه بريئه
وكف السياره ودراه وجه عليه وخنزر علي حجه بنتر
كفيل : صوتچ مااسمعه اكتلچ واذبچ هنا ومحد يدري بيچ مفهههوومم؟
سكتت خفت لا يسويها صدك
وكف السياره يم مكان خاص بالضباط وجان كُلش چبير نزل وسحلني من ايدي اريد ادفره ترا اعرف امشي چفن حتى چفن
اول مادخل شفت كميت الضباط يمهه دخيلچ يالزهره انه بس ابچي دخلني لغرفه وجان كاعد بيه ضابط مدري شني جان كاعد عـ كرسي وشكله يخوف طلع الضابط وسد الباب ردت اطلع وراه بس صاح علي هذا الـ خوف
مُحارب : انتِ ام المخدرات
درت وجهي فاتحه عيوني مصدومه حجيت بعصبيه
أوتار : لحضه لحضه اول شي انه مو ام المخدرات ثاني شي احترم نفسك
رفع حاجبه وخنزر بيه
مُحارب : هم ام المخدرات وهم صلفه
كام من مكانَ وصار يفتر ويدور علي ويدخن وكال
مُحارب : الچ 5 دقايق علمود تحجين الصدك علمود تشوف شغلي وياچ
اوتار: جاي اكلك مو انه وعيون امي مو انه حتى ماعرف شنو هذا
مُحارب : من طريقه كلامچ مبينَ تبلعين
أوتار : شبلع؟
مُحارب : حُبوب حُبوب لا تصيرين شريفه براسي
حجه بعصبيه
ماعرف شحجي الحجي وياه ينداس بالكاع
مُحارب : وياه منو تشتغلين
أوتار : محد
مُحارب : من شوكت تشربين حُبوب
أوتار : ماشاربهَ
سد الدفتر الي جان لازمه وتقرب علي وحجه بنتر
مُحارب : احجي عدل لا حلكچ اشكه
أوتار : چا اچذب عليك واكول اشرببب؟
مُحارب : شنو اسمچ؟
أوتار : شنو اسمي
مُحارب جر حسره وكال احجي عدل اي انتِ شنو حضچ
أوتار : اوتار
مُحارب : ابوچ وجدچ
أوتار : احمد ذي الفقار
هز راسه وكال
مُحارب : روحي
ماصدكت وكبل ركضت افتح الباب وطلعت أخذت تكسي ورجعت للبيت
اول مادخلت اشوف ابوي
احمد : خير وين چنتي شبي وجهج
أوتار : جنت بالمدرسه جان عندي درس ايضافي واتخرت
هز راسه بس مامتاكد من كلامي صعدت فوك سبحت اجه امواج تدك بالباب الحمام
طلعت من الحمام وعفتها رحت نمت .
_________
جُلنار .
مريت باصعب فتره حياتي صرت لا اطلع لا اكل حتى امي خافت علي قررت شوي اغير من نفسي باوعت عـ روح بالمرايه وجهي اصفر وعيوني من جوه سود غيرت ملابسي لبست تنوره سوده كالون اسود وبوت اسود طويل وابلوز ابيض وفوكاه قمصله سوده سويت ضفيرتين ولبست كبوس وماننسه الجنطه وخليت بيها كتابي نزلت شافتني امي ابتسمت
هـيله : تخبلين يبعد عيون امچ
بسته وكلتلها راح اطلع هزت راسها
وطلعت افكر اروح لبيت خالي أحمد رحت امشي اثناء جاي امشي شفت ليلى رادت تجي بتجاهي درت وجهي ومشي بسرعه ماريد احجي وياها جمدن رجليه من سمعت صوت شخطه طرشت اذني مال سياره وضربه قويه .
يتبع .
أنت تقرأ
عُظيم آل شرف
Teen Fictionيوجد ثلاث بنات كُل بنت لها حگايه هل سوفها تنتهى هذا الحگايه ياترى او سوفَ تبدأ من جديد . - بقلم الكاتبه ساريه " 2023/12/12 "
