Second Love

Second Love (one short)

“ So, I'm gonna hate you...

  I'm gonna hate you......

  Paint you like the villain....

  that you never were...

  I'm gonna blame you....

  For things that you don't do...

  Heating you's the only way it doesn't hurt...."

တီဗီဖန်သားပြင်ပေါ်တွင် တိုက်ရိုက် Liveထုတ်လွင့်ကာသီဆိုနေသော နိုင်ငံကျော် အဆိုတော်တစ်ဦး၏
အသံချိုချိုအေးအေးလေးကို
နားထောင်နေသောသူသည် ပါးပြင်ပေါ်မှ
မျက်ရည်တစ်ကြောင်းဖြတ်ပြေးသွားသည်။
ထို့နောက် ထိုသူသည် အလျင်အမြန်ပင် လက်ဖမိုးဖြင့်
မျက်ရည်စများကို ပွတ်ဆွဲကာ သုတ်လိုက်လေသည်။

“ We weren't perfect....

   but we came close...."

နောက်ထပ် စာသားတစ်ကြောင်းအား
အဆိုတော်လေးက အကောင်းဆုံး သီဆိုနေချိန်
ဖန်သားပြင်ပေါ်မှ ကြည့်နေသူသည်
မထိန်းနိုင်တော့စွာ ဒုတိယအကြိမ် မျက်ရည်များ
တစ်ရဆက် စီးကျလာခဲ့ပြန်သည်။

ခက်ခဲလိုက်တာ ။
မင်းရဲ့ ဒီသီချင်းကို နားထောင်ဖို့ရာ ခက်ခဲလိုက်တာ။
ကိုယ့်ကို တိုက်ရိုက်နည်းလမ်းမျိုးနဲ့မဟုတ်ဘဲ
တွယ်ဝိုက်ပြီး ဒီလိုအသိပေးလိုက်တာများလား။
မဟုတ်ပါစေနဲ့။ ကိုယ်တွေးသလိုမျိုး မဟုတ်ပါစေနဲ့။

သီချင်းနာမည်က " Hate you "ဆိုတော့
ကိုယ့်ကို အဲ့လောက်ထိတောင်မုန်းနေခဲ့ပြီလား။
ကိုယ်မတွေးရဲဘူး။ ကိုယ်မတွေးပါရစေနဲ့။
ဒီသီချင်းလေးက ကိုယ့်ကိုရည်ရွယ်ပြီး
သီဆိုသာ မဟုတ်ပါစေနဲ့။ မဟုတ်ပါရစေနဲ့။
ဒီလိုသာဆို ကိုယ်ခံနိုင်ရည်ရှိမယ်မထင်ဘူး။

ကိုယ်မှားခဲ့တယ်။ ကိုယ်မကောင်းခဲ့ဘူး။
ဒါပေမယ့် ဒါတွေက မင်းကို မချစ်လို့မှမဟုတ်တာ..။
ချစ်လို့ဖြစ်ပေါ်လာတဲ့ အမှားတွေလေ။
အဲ့တာတွေအတွက်လည်း ကိုယ်နောင်တရမိတယ်...
တကယ်ဆို ကိုယ်တို့ ချစ်နေကြရင် ပြည့်စုံနေခဲ့ပြီကို။
ကိုယ်ကြောက်ရွံ့ခဲ့မိတယ်။
အဲ့အတွက် ကိုယ်တကယ်တောင်းပန်ပါတယ်။
ပြန်တွေ့တဲ့အခါမှာ မင်းစိတ်ဆိုးပြေတဲ့အထိ
ဒူးထောက်ပြီး အနူးအညွန့် တောင်းပန်မှာမို့
ကိုယ်တို့ ဒုတိယအကြိမ် ထပ်ချစ်ကြရအောင်.... ဂျွန် ။