#دية_الفصل
💙💙💙💙💙💙💙💙💙💙💙💙💙💙...
#تعليقاتكم تصويتاتكم......
'' '' '' '' '' '' '' '' '' '' '' '' '' '' '' '' '' '' '' '' '' '' '' '' '' ''
(( جميلة هي الصدفه !
لكن احياناً نتمني لو لم يكتب الله لها
وجوداً في حياتنا ليتها تتغير اقدارنا
لمحونا تلك الصدفة من قواميس السنين ))
......................................................................
سولاف : باوعت من فتحت الباب شفت ماما لابسه سيت نوم
دخل رجال وتباوست ويا ودخلته للصاله
بقيت جامده بمكاني كعد الرجال واجتي ماما
كعدت بحضنه لمن شفت هذا المنظر نصدمت صدمت عمري الرجال هو صديق بابا المقرب
وكان مأمنه علينه شلون صدفه وشلون صدمه اني جنت دائماً اعتبره مثل بابا كرهت أمي وكرهت روحي وركرهت هذا الرجال الي جنت يوم من الايام احبه
صديق بابا ممقصر مد ايده على صدرها وكالته لا مو هنا تعال للغرفه كامو دخلو للغرفه
اني بكل هدوء فتحت باب غرفتي بهدوء
وطلعت امشي على اطراف اصابعي صار
عندي فضول اعرف شنو راح يسوون
جان باب غرفتها مو مقفول واكو فراغ يعني مفتوح شويه وكفت اباع صديق بابا متمدد ع
الجربايه بمكان بابا كلش انقهرت هذا ياخذ مكان ابوية الي جان اقرب صديق وجان يعتبره مثل اخوه هيج يطعن بي اووف يا بابا لو تجي وتشوف
واجتي امي نامت بصفه سمعتها تحجي ويا
ام سولاف: حبيبي شوكت نتزوج وتصير تجي بكل وقت
الرجال : حبي كم مره كلت الج حتى اذا نتزوج
اني مااكدر اعلن زواجنه
عندي بيت و زوجه وراح اخسر كلشي
ام سولاف: ليش حبيبي اتركهم وتعال يمي اني عندي
فلوس واكدر افتحلك احلى شغل
الرجال: واطفالج شلون
ام سولاف: لتفكر بشي اطفالي اذبهم لبيت جدهم
الرجال: شلون مو هذا بيتهم
ام سولاف : لا حبيبي هذا البيت بأسمي
ابو سولاف لمن اشترى الارض معنده فلوس واخذ
ذهبي باعه وخليت عليه شرط يكتبه بأسمي
الرجال : لعد الفلوس مالت ابوهم اكيد اهلهم
راح يطالبوج بيهن
ام سولاف: لا حبي اني كلت الهم نطيت المحامي هوايه فلوس حتى يسويلي راتب مال شهداء ويحوله بأسمي وبيت جدهم ميعرفون اذا عندي اي شي مجرد الراتب واني كلت الهم ميكفيني
الرجال : عفيه عليج حبيبي هذا التصرف الصحيح شكد عندج فلوس هسه
ام سولاف : بقت عندي ٢٥ مليون
وعندي قطعة ارض الأبو سولاف اخذها قبل سنتين محد يعرف بيها هسه تجيب ٥٠ او ٥٥ مليون
الرجال : هاهيه لعد من الاسبوع الجاي نحاول نتزوج .
ام سولاف : ياعمري انت
سولاف : انصدمت بيها لعد شكد قاسيه في سبيل
نفسها اتنازلت عن اطفالها وتريد تتمتع بخير ابونا .
رجعت للغرفة وجسمي يرجف دموعي منشفت
للفجر سمعته راح انتظرت شويه وكمت شفت ماما رايحه بالنومه قررت انتقم منها بس بطريقه عفوية
دخلت للغرفه طبعاً نايمه بدون ملابس وريحة
الغرفه كلش تلعب النفس من الجكاير وطيحان الحظ
شفت الذهب مالتها على الميز اخذته وطلعت الحديقه حفرتله وضميت الذهب
ورجعت لفراشي نمت كعدت الساعه ١١
وخواتي على نومتهم
كمت فايتني الدوام كعدت ماما كامت كالت
شو انتي هنا
سولاف: مااعرف ماما ماحسيت على روحي
ام سولاف : مصار شي بس بعد لتنسين المدرسه
اطلعي بره متشوفيني بدون ملابس شكد
وكحه انتي
سولاف : العفو ماما اسفه
طلعت خليت الجاي ع النار وكعدت رهف ورفل وأيلاف وسويت ممه لخوية
طلعت ماما من الغرفه عيونه ناار وجها اصفر
اخذت التليفون و رجعت للغرفه قفلت الباب
اسمعها تصيح على واحد وتكول رجعلي الذهب وتهدده
اووف احس برد كلبي وكدرت افتن بينهم
طلعت من الغرفه كلش عصبيه سوت باقي الريوك وكالت هسه ارجع لبست العباية واخذت
اخويه وطلعت
اني تريكت وسويت روحي انظف البيت ودخلت للغرفه مالتها دورت على الفلوس مالكيتهم طلعت نضفت المطبخ وغسلت المواعين ورجعت ماما كالت اني كلش مريضه لحد يزعجني راح اسد باب الغرفه
رهف ورفل راحو للجيران يلعبون وأيلاف كاعده ترسم واني بقيت اريد اعرف شصار
كل شوية اجي للباب مال غرفتها بلكي اسمع شي
واخيرا سمعت صوت التليفون مالتها ركضت يم الباب
وسمعتها تحجي وي شخص تكول بس احجي
ويا خلي يرجع الذهب لو اني ادزله عقيد سالم
وهو يتصرف ويا
يمه اني كلش خفت طلعت ماما مو قليله...
يتبع...
