يوميات طالبة متوسطة💋.

الصف فارغ؟!

20424/1/6

﴿وَنَحْنُ أَقُرَبُ إِلَيْهِ مِنْ حَبْلِ الْوَرِيدِ﴾

كعدت الصبح ساعة 8 بعد ما امي كعدتني بالكفخات لان اصلا اني مامقتنعة اكو شي اسمة مدرسة.
كعدت ماطايقة روحي رحت للحمام غسلت وجهي باوعت لروحي بالمراية اسب بيهة عبالك جني شنو السالفة متفهم.

كملت رحت بدلت لبست بلوزة سودة وبنطرون اسود (cargo) كارجو مدري كارگو عريض وفوك البلوزة لبست هودي اسود جديد يشك شك لان احنة من النوع الكول وهوت cool, hot  وهاي يعني، ولبست حجاب ابيض لبست الحجاب وسويتة على شكل دائري لان الحجاب الدائري احلى شي علية.
سديت الحجاب ودخلتة جوة الهودي صار هوااي احلى. ⭐💋

كملت حضرت جنطتي بعد ما اشتريت جنطة جديدة جانت عندي جنطة بيجية بس اشتريت سودة تشئ شئ.

حضرت الجنطة حطيت بيها بس كتاب واحد ودفتر لان ادري تالي متالي اروح ماكو دروس الدروس كلها شاغر وروحتي للدوام ما استفاد شي.
الجنطة اخف من شعري حييل خفيفة شلت وياي فلوس اخذتهن وطلعت ساعة 8:30 للدوام وحدي.

داتمشى والجو بارد بيه هوا الناس كلها بردانة الا اني اشوف الجو كلش حلو ومابيه برودة بس هوا حلو وبارد، داتمشى وشايلة الجنطة على جتف واحد واباوع على الشوراع.

هدوء يخبل، ماكو احد برة الناس كلش قليلين حيل لمن عديتهم شفت بس 7 اشخاص بالطريق.
احلى شي المدرسة قريبة مو بعيدة 10 دقايق مشي.

بطريقي رحت للماركت اشتري بطل مي اشتريت مي بارد اموت عالبارد واشتريت علج، اني والعلج قصة عشق ممنوعة.
اتمشى براحتي مامستعجلة، بالي مرتاح ماكو لا امتحان يومي ولا شهري وماعدنة شي.

بنص الطريق وفجة يجين اقوى فلاش باگ لأيام الطفولة، بنص الطريق واني اتذكر ايام 2018 /2019 شگد چانت حلوة!.
فتحت صفحات الماضي وگعدت افكر شيصير لو ارجع للماضي؟ ارجع افتح ذنيچ الصفحات الي راحت.
ميار كافي بلا مضرطة عوفي الدراما مو وكتهة فكري البنات داومو اليوم لو لاع🗿💔.

طبيت للمدرسة تخوففف، المدرسة فارغة بس الحارسة برا! 💀
معقولة مجايين؟؟ لا ياربي اذا مجايين شصخم وحدي بالصف؟؟؟.
فتحت تليفوني چنت ماخذتة وياي للدوام فتحت باوعت للساعة گلت يمكن اني المتأخرة، فتحت تليفوني انصدمتت!! دخيلك ربي ساعة بال 8:40 دقيقة والدرس يبلش ساعة 9:10 وساعة بال 8:45 لازم نكون موجودين بالاصطفاف.

رحت سألت الحارسة مالتنة گلتلها وين الطلاب؟!.

(للمعلومة اني عايشة بتركيا ف يعني المدرسة الي داخلتلهة كلها اتراك بس بيهة عرب)

اني:- ?Hey güvenlik örenciler nerde
(يا حارسة الطلاب وينهم؟)

الحارسة:- onlar daha gelmediler
(بعدهم ما اجو) 

تشكرت من عدها ورحت وگفت بالساحة اباوع بلكت احد يجي المشكلة مو بس صفنة ماكو كل الصفوف بعدهم مجايين.
اتصلت على صديقتي عراقية وياي بالصف همزين جنت معبية رصيد ونت البارحة عبيت، اتصلت عليهة وجاوبت.