My Dear Cherry Blossom || ආදරණීය චෙරි මල !! || JJK

03 කොටස 🍒

" හරි ලස්සනයි නේද අයියේ...."

" ම්ම්ම්....ඉතින් ඔයත් ආසයිද..."

අපි හිටියේ පාක් එකකට ඇවිත්...ක්ලාස් තියෙන හරියෙම තමා මේ පාක් එකත් තියෙන්නේ...එයාට ක්ලාස් ඇරෙනකන් බලන් ඉදලා මං ශෙනිරුවත් එක්ක උගෙ කාර් එකේ පාක් එකට ආවා...ශෙනිරු ඩ්‍රයිවර් එක්ක කාර් එකේ ඉද්දි මායි එයයි බැහැලා ඇතුළට ආවා...

" ආසයි ඉතින්... අපි කවදහරි ලොකු වෙලා මං ඔයත් එක්ක දිගටම හිටියොත් අපිත් එයාලා වගේ මෙතනට ඇවිත් මෙහෙම ඇනිවසරි එක සමරමු...."

සනූ හිනාවෙලා දිලිසෙන ඇස්වලින් ඉස්සරහා බලාගෙන එහෙම කියද්දි මං සනූගෙ අත හයියෙන් අල්ලගත්තා...

අපි ඉදගෙන හිටපු තැනින් ටිකක් එහාට වෙන්න කපල් එකක් හරි ආදරෙන් එයාලාගෙ ඇනිවසරි එක සමරනවා...

" මං කවදාවත් ඔයාව දාලා යන්නෑ සනූ ! මේක මං පටන් ගත්තේ නිකන් ඉවර කරන්න නෙවේ !! ඔයත් මාව දාලා යන්නෑ නේද ? "

මං එහෙම කියද්දි සනූ මගෙ අත් දෙක එයාගෙ අත් දෙකට මැදි වෙන්න තියාගත්තා...

" මං දන්නවා අයියේ...අපි තාම පොඩි ළමයි...ඒත් ආදරේ කරන්න වයස සීමාවක් ඕනෙ නෑ නේද...අනික...මං ඔයාට ආදරෙයි...ඒක මෙච්චරයි කියලා කියන්න බෑ...ඒ වගේම මං ඔයාගෙ මේ අල්ලගත්තු අත කවදාකවත් අතාරින්නෑ අයියේ....ඒක මං ඔයාට දෙන පොරොන්දුවක් !! "

පොරොන්දු රකින්න බෑ නම් පොරොන්දු දෙන්න එපා සනූ...ඒක හරි පව්කාර වැඩක්...පොරොන්දු නිසා සමහර මිනිස්සු හිතේ තදටම විශ්වාසෙ කියන එක කාවද්දගන්නවා...ඉතින් දවසක ඒ පොරොන්දු කැඩිලා ගියාම...ඒ මිනිස්සුන්ට ඒක දරාගන්න හරි අමාරුයි සනූ...

මං හිටියෙ මගෙ අතීතෙ එක්ක ගිලිලා...ඉස්සරම දවස්වල සනූ එක්ක ගෙවපු ආදරණීයම දවස් මතකෙට එද්දි පපුව ගැලවිලා එන්න තරම් වේදනා දුන්නත් මං ඉවසන් හිටියා...තාමත් ඉවසනවා...ඒ මගෙ අනාගතේ මේ නිසා විනාශ කරගන්න බැරි නිසා...මගෙ හීනේ...මගෙ අම්මලාගෙ හීනේ...මට විනාශ කරලා දාන්න බැරි නිසා...මට බෑ බොලද වෙන්න...මං පිරිමියෙක් ! පිරිමියෙක්ට මේ වගේ දේවල්වලදි හිත හයිය කරගන්න පුලුවන් වෙන්න ඕනෙ !