مرحبا حبيت ارحب بيكم انا كاتبة مُبتدئة ويارب تُنال اعجابكم
القصة منقولة من صديقتي وگلنا نجرب نكتبها لان فعلًا تستحق النشر ..
في ذاتَ يوم جنت كاعده بالطرمة الدنيا العصر وشتا مغيمة كاعده ع الصبة ومرتكية ع الدنگة بنص الطرمة بيوت كُوردية قديمة اصيلة تصميم شِمالي
الدنيا كُلش باردة وامي تصيح وتعيط على اختي تريدها تمشط وما تقبل من نوع شعرها حيل كيرلي وما يتمشط بقيت اضحك عليهن وكمت العب لان عطلة نصف السنة ماعندي شي لعبتي المفضلة توكي العب وامي تضوج من صوت النعال حيللل نزعته وبقيت العب الى ان انفتحت الباب ودخلت خاله اريج وجها مخطوف لونة وتلهث
اريج: ولج كاتي وين امج
كاتي: خاله دتمشط ل اراميا شعرها ميتمشط وهيه تره عصبيه لا تحاجيها النوب تبقه تصيح وتمشط حيل ل اراميا وراسها يكوم..
اريج : ولللججج كااافي نبتلي نسألج ع شغلة
دخلت وتصيح أديللل وينچ تعاي شوفي المصيبه الوكعت على روسنا
كاتي: هزيت ايدي ورجعت العب
اديل: شكو شصاير خوفتيني يمعودة
اريج: ابويه صارت عنده ذبحة ونقلوه للمستشفى تعالي اخذيني ماكدر اروح وحدي سكري كلش مرتفع
اديل: عزاااا بعيني ولكم ابويااااااا شبي شبي شلون اجته الذبحةةةة
اريج: لج كووومي يا ذبحه حيموت ابويه خلي نروحلةةة
كاتي: امي وخرت اراميا راحت تبدل واني واراميا خاله اريج كالت روحو ع بيتنا عادد اني وارميا كيفنا ما كلنه لا رحنه نركض وفتحنه الباب شفنه بوجهنة اختي رنا تطگ بعلچها وبيدها شيرة وتسوي لجسمها وكاعده بالالكدور كالت ما رحتو وياهن المن اجيتن هنا ما حجينه ودخلنه وشفنه منوسي أَبن خالتي وهنا صااارت حفلة كمنه نهوس ونركص ونلعب اني كنت صف ثالث ابتدائي واختي ما متسجله وننوسي بالرابع ابتدائي وكلبنه البيت ونلعب وفاتت رنا عاطت بصوت خلتنه كلنه نسكت
رنا: لكمممم شنوووو شكووووووووو والرب اذا ما قعدتوا اخرجكم بالشارع خلاص كااااافي
مرت السنوات من ٥ الى٦
........................................................................
اعرفكم على نفسي
كاتيا عمري ١٤ سنه عندي ٣ اخوات واخ واحد
اختي الكبيرة رنا عمرها ٢٢ تدرس ادارة واقتصاد
اني اجي بعدها عمري ١٤ سنة ادرس ثاني متوسط صهبة
وتجي اراميا عمرها ٥ كثير صغيرة وشعرها عكش وبيضة حيل وشعرها اسود
واختي اسيا واخويا طيف تؤام عمرهم سنتين
وابويا ميثاق يشتغل عنده معرض سيارات
وماما مريضة سرطان وتتعالج عند المستشفى
... يوم الاحد الصبُح الدنيا حاره ورايحه اجيب النتيجه راح انجح للثالث والسنه التجي وزاري وتعب واخواني اني حايره بيهم اوووف ياريت رنا ترجع تعيش ويانه كلشي ذابته علية محملتني كلشي شوكت ارتاح امشي واندب حضي وصلت للمدرسه وفتت لكيت مياسة واكفه وتباوع تريد تلكاني رحت وعطت بيها كمزتها
سلمنا ع بعض ورحنا نشوف النتائج الحمدالله اني ناجحة بس مياسة بدرس بالعلوم كتلها تعوضي بالدور الثاني
رجعت للبيت طايره فرررررح ودخلت اعيطط
كاتي : مااماااااا نجحتتتتتتتتت
اديل: صدُك لج تعالي شنو شلون نجحتي
كاتي: ولج يمه هاج نجحت باوعي
اديل : عفيةةة يا امي بس انتي الي مفرحتني بدنيتي كلها يا قلبي انتي
دائما اريدج متفوقه وترفعين راسي يا روحي انتي انتي جزء من العلاج
كاتي: بستها ورحت صعدت فوك بدلت ونزلت جوه صبيت الغده واتغدينا ورحت اسوي مميات ل اخواني طيف يبجي وامي مابيها حيل تكوم تشيله رحتله رضعته وشفت اراميا تبجي تريد تروح لبيت جدو اخذتها ودخلنه للحمام اراميا لعبتها الحمام تحب تلعب بالمي وتحب الصابون والشامبوو حيلل دخلنا سبحنا سوه وطلعنا نشفت شعرها ومشطته كوووه يتمشط لمت علينا الحي كلة سمع اراميا عم تمشط شعرها ....
ان شاء الله تُنال اعجابكم القصة راح انزل يوميه بارت واعتقد اقطع لحد ما تخلص الامتحانات ارجع اكملها القصه
حيل حلوه تخص بنية مسيحية وضابط مسلم شيعي بحت
♥️🦋🦋🦋🦋🦋
YOU ARE READING
رصاصة بنص صليب
Teen Fictionما اعرف اذا راح تشتهر اول لا بس نبدي بنُبذة عن القصة كاتي: روحي رايحة ما ماكله اي شي من الصبح دخلت اسبح حمامنه مابي قفل بعدني دانزع... قتيدة: لك بس امشي ويانه ما نكدر نتأخر لهذا الحد احجيلك چلمة رعد شمااالك أَبو شيبة: سيف بروح امك اطلع هسه لا تت...
