Napaka-unpredictable ng buhay. Sa isang iglap lnang pwedeng mabago ang lahat-lahat sayo. At wala kang choice kundi tanggapin ito. Gaano man kahirap, kailangan mong lumaban para sa mga taong mahal mo.
Pero sabi nga nila, sa bawat hirap ay may kapalit na ligaya. Na sisikat ang araw pagkatapos ng ulan. Na magpakatatag ka lang at maniwala dahil darating ang oras na ligaya naman ang mararanasan mo.
Marahil ang pananaw kong ito ang nagbigay sa akin ng tibay at lakas ng loob na harapin ang anumang hamon sa buhay. Dahil sa mga pinagdaanan ko natuto akong maging matapang at piliting mabuhay gaano man ito kahirap.
At hindi ako nabigo dahil nakilala ko Sya na nagbigay liwanag sa mga araw na puro kadiliman ang aking nakikita. Siya na nagbigay ng dahilan sa akin para lumaban. Siya na walang sawang gumagabay at nagmamahal sa akin. Siya na nagturo sa akin na magpasalamat sa lahat ng meron ako. Siya na nagpahalaga sa lahat ng aking paghihirap. Siya na hindi ako iiwan kailanpqman.
