[Unicode]
ရှောင်းသခင်မကြီးသေဆုံးတဲ့အမှုနဲ့ပတ်သတ်ပြီး ရှောင်းချန်မင်က သူ့လူတစ်ချို့အား ဝမ်သခင်မကြီးကို စောင့်ကြည့်ခိုင်းထားပြီး သူကတော့ သူ့အသိ ရဲအုပ်တစ်ယောက်အား ထိုအကြောင်းကို ပြောပြ၍ အမှုကို ပြန်လည်စတင်နေသည်။
သေဆုံးသည့်အမှုက အချိန်ကြာနေသဖြင့် လုပ်၍ မလွယ်သော်လည်း အဓိကတရားခံကို သိရှိထားသောကြောင့် ထိုတရားခံကိုသာ အသေးစိတ်စောင့်ကြည့်ရမည်။
"တစ်ဖက်က ဝမ်အိမ်တော်ကဆိုတော့ အမှုကို သေချာဖုံးနိုင်မှာ...အဲ့ဒီတုန်းက ရှောင်းသခင်မကြီးက ကားနဲ့အတိုက်ခံရတာမျိုးလား"
"မဟုတ်ဘူး...သူမောင်းတဲ့ကားကဘရိတ်မမိလို့ဖြစ်သွားတာ"
"ဘရိတ်မမိတာက သာမန်လား...တစ်စုံတစ်ယောက်က ဘရိတ်ကြိုးဖြတ်ခဲ့တာလား စဉ်းစားစရာပဲ"
"..."
"ဒီအကြောင်းကို သေချာဆွေးနွေးရအောင် မနက်ဖြန် ကျွန်တော် ရှောင်းအိမ်တော်ကို လာခဲ့ပါ့မယ် အန်ကယ်"
"ဒီမှာ ဝမ်အိမ်တော်က ကောင်လေးရောက်နေတယ်...သာမန်ပုံစံနဲ့ပဲ လာခဲ့"
"ဟုတ်ကဲ့ အန်ကယ်...အာ!ဒါနဲ့ သူရောက်နေတာနဲ့အတော်ပဲ ကျန့်ကျန့်ကနေတစ်ဆင့် သူ့ကို ဝမ်အိမ်တော်အကြောင်း နည်းနည်းပါးပါးအစ်အောက်ကြည့်ခိုင်းပေါ့"
"အင်း ဟုတ်ပြီ အဲ့ဒီလိုလုပ်ခိုင်းလိုက်မယ်"
ထို့နောက်စကားပြောနေတာကို ရပ်ပြီးဖုန်းကိုချလိုက်ကာ ရှောင်းသခင်ကြီးက ထိုအမှုအတွက်ခေါင်းအေးအေးနဲ့စဉ်းစားနေပြန်၏။
ဝမ်ယွီယွမ်လုပ်တယ်ဆိုတာ သိထားပေမဲ့ သက်သေကမရှိသေးတော့ သေချာစုံစမ်းရမည်။
ခုနက ပြောသလို ကားကိုတစ်မင် ဘရိတ်ကြိုးဖြတ်ခဲ့တာဆိုရင်တော့ ဝမ်ယွီယွမ်က သူမကိုယ်တိုင်တော့လုပ်မှာမဟုတ်ဘူး။
တစ်စုံတစ်ဦးကိုခိုင်းခဲ့မှာ။အဲ့ဒီတစ်စုံတစ်ဦးက ဝမ်ယွီယွမ်အိမ်က လူယုံဖြစ်နေမလား ၊ ဒါမှမဟုတ် ကိုယ့်အိမ်ကလူ(သူလျှို)ဖြစ်နေမလားဆိုတာ စဉ်းစားစရာပင်။
![](https://img.wattpad.com/cover/354127906-288-k782109.jpg)