في مختبر الاشراق🌸
نورس: ولج شهد اليوم رنا رح ترجع من امريكا شوكت نروح نزورها؟
شهد: اي لتخافين كلشي جاهز وتمام
رنا: السلام عليكم اني اسمي رنا صديقت شهد ونورس اني سافرت امريكا من جنت بل مدرسه واليوم قررت ارجع للعراق واني دكتوره مختبريه مثل شهد ونورس
نورس: يله شهد امشي نروح للمطار
شهد: يله جاهزه
رحنه نتضرنه رنا وشفناها وسلمنه عليها انتو تعرفون بعد صديقات ونجمعن بعد اكثر من 18 سنه اواكثر
بعد مرور شهر🌸
شهد: رناوي شوفي هذا المراجع بلازحمه عليج
رنا: تدللين شهودة
ضياء: يبنات شنو رأيجن نطلع بعد الشغل للمطعم
نورس: بل نسبه الي موافقه لان ماعندي شي
رنا: اني هم موافقه
ضياء: شهد شهد هيوو يمعوده ويانه؟
شهد: جنت كاعده افكر شرح يصير بحياتي هاي وين اصفه بعدين وكلبي خانكني وتعبانه وضايجه وفجأ فززني صوت ضياء والبنات .....
ها اي وياكم شنو
ضياء: لا والله احلف عليج عاقله انتي شبيج ساعه احجي وياج وين بالج يمعوده
شهد: لاماكو شي بس شويه تعبانه اي شنوجنتو تحجون؟
ضياء: جنه نكول بعد الشغل نروح للمطعم اونورس اورنا وافقو بقيتي انتي شدكولين
شهد: ها لا والله راسي يوجعني اروح للبيت ارتاح اوانتو روحو تونسو بل عافيه
نورس: ليش ياعمري تعاي ويانه
رنا: اي ولج يله ولو انتي تحلين الطلعه انتي وضياء بسوالفكم وتحشيشاتكم
ضياء: خلص توفها عله راحتها كل وحده الشغلها اوشهد رايدج بل مختبر علمود تحليل ونتن بنات كملن ذني بين منرجع اني وشهد
البنات: اوك
ضياء: يله شهد احجي بقينه وحدنه شنو المضوجج!
شهد: هاي شبيك ضياء ماكو شي بس راسي شويه يوجعني مابيه ليش تحسسني اكو شي
ضياء؛ شهد سوالفج هاي موعليه اذا عبرت عل بنات وعله اهلج بس عليه متعبر ابد احجي لج اني ادري بيج من ضمين متعرفين جذبين شماحاولتي كلشي بعيونج ذني لجنهن غزال ميعرفن يجذبن
شهد: هههه عابتلك ولايعبر عليك شي
ضياء: لاميعبر ويله احجي اسمعج
شهد: شوف ضياء اني تعبانه من اهلي ومن نفسي ومن داغر وخصوصآ داغر مليت كلش وكلبي تعبان ومقبوض اواحس اليوم رح يصير شي بس مادري شنوه
