قـصة حـقيقـية!!!.
ࢪوايـة: الـهَيْذام (الـشُجـا؏ الأڪول)
الـڪاتبة: تـباࢪك الـوائلـي
لا أستطيع نسيانهُ أبداً، أتذكرهُ في الشارع الذي رأيتهُ فيهِ أول مرهً، أتذكرهُ في كُل صباحً تُشرق الشمسَ فيهِ، و أنساهُ حينَ تغيب، ولكنهُ يأتي الى أحلامي كعجوز ميت...
- ضي: تمام بس لا ضلين تحنين على راسي وصبيلي وياج چاي على ما اصعد وانزل. . . .
رحت صعدت دكيت الباب فتحلي الباب نبراس سلمت عليه.... . . .
- نبراس: والله وكفو منج رؤى سويتيها صدك.
- ضي: شنو الي سوته رؤى؟
- نبراس: طبي جوه خل اكلج شسوت.
- ضي: لا والله ما اكدر مستعجلة واريد انزل وخاف الچاي مالتي يبرد.
- نبراس:شبيج تره مراح اكلج.
- ضي: خليها غير مره خاف يلاحظون انو انا مو جوه.
درت وجهي ردت انزل وسحبني من ايدي ودخلني للغرفة وقفل الباب.... . . - ضي: عطت بوجهه شبيك انت مخبل!! افتح الباب لا يشوفونة بسرعة.
- نبراس: بوسيني وانا افتح الباب.
- ضي: والله انتَ مو صاحي امبين شارب شي.
- نبراس: هو الي يشوفج يبقى براسه عقل.
- ضي: نبراس افتح الباب لا اعيط وألمهم عليك.
- نبراس:واذا صيحتي راح اكلهم هيه اجتني. . . .
ضل يتقرب مني وانا ارجع ليوره لحد ما حصرني على الباب وانا اضرب على صدره وهو ولا كأن ما... نزل أيده وخلاها على خصري ضليت اكرص بأيده واخرمش بيه لدرجة ضل يطلع دم من أيده... ودفعتة....
- ضي: شبيك حيوان ماتستحي تقبل واحد يسوي هيج بأختك والله العظيم انتَ مريض مو صاحي.
ضل يسحب بخصلات شعره حجه وياي بعصبية... . .
- نبراس: ليش كلما اريد اتقرب منج تصديني ضي انا احبج ليش ما جاي تحسين بيه.
- ضي: نبراس شبيك انا معتبرتك مثل اخوي وانا مو مال هاي السوالف نبراس.... اصحه على نفسك وافتح الباب.
- نبراس: ضي الله يخليج انطيني فرصه حتى ابين الج شكد انا احبج فدووه بس فرصه وحده ضي والله اعشكج وراح اتسودن عليج.
- ضي: آسفه نبراس بس أنا ما أكدر أشوفك غير بس كـ أخ اليه.
- نبراس: حبيني أذا ماتحبيني راح أدمرج.
- ضي: شتريد سوي بس أفتح الباب خليني أنزل.
كعد على الجرباية ومد أيده الي بيها المفتاح وكلي تعاي أخذيه رحت أخذته وعصر أيدي وكال... . . . - نبراس: راح أخليج اطلعين من الغرفة بس ماراح اخليج اطلعين من المشاكل.
أخذت المفتاح وطلعت نزلت جوه رتبت ملابسي لكيت أختي ميان.
- ميان: شبيج ضي ليش هيجي خايفة وترجفين.
- ضي: من نرجع للبيت اسولفلج.
ورحنه دخلنه أنا وياها للأستقبال وانا أفكر بلي صار وياي....
