تكون لي قلب اكون لك دقاته

P4

بسم الله الرحمن الرحيم

#تكون_لي_قلب_اكون_لك_دقاته

كانت سرحانه وغسان يثرثر وكل شوي تناظر في جوالها بأمل ، صدر جوالها صوت رساله التفتت للجوال بسرعه بس خاب ظنها وتركته
كانت تنتظره بس باقي مارسل !
موج بداخلها : وش سويت ياربي
اصدر جوالها صوت مكالمه اخدت جوالها من شافت اسمه " غيث "
: السلام عليكم
موج بتوتر : هلا وعليكم السلام ذا موب جوال غيث ؟
نطق ببعض الحزن : اي وانتِ اخر من اتصل عليه ، تعرفون الحياه بها حياه وموت الرجال عطاكم عمره توفى بحادث مسرع سرعته تجاوزت 180 وانا لله وانا اليه راجعون
اتسعت عيونها وكلامه يرن باذنها وشحوب وجهها بان : وش تقول انت !! ادري انك كذاااب ! ناد لي غيث ادري انه زعلان علي ..!
تقفل الخط واخر شي سمعته صوت ابوه المنهار شحب وجهها وهي تناظر بالجوال ماتسمع للي حولها ولا الي يهزها مع كتفها ، انهارت وهي تتذكر كلام الي كلمها ، غسان بتوتر : يابنت شفيك ؟ .. قومي قومي معي
وقفها وهو يحاول يصد عنها ولا يلمسها لكنه مجبر اتجه معها لخارج الكلاس وابعد عنها بسرعه ينطق بتوتر: ليه تبكين ؟
رفعت انظارها له وانهارت اكثر : راح مني وهو زعلان قفل الخط معي وهو زعلان مني
غسان برعب لانه على باله احد يقرب لهم : مين هو ؟!!
موج بانهيار : غيث غيث !
غسان باستغراب : غيث ؟ من غيث ؟؟
ماكانت تعرف وش تهرج به فانطقت بكلمه ماتوقعت انها بتوديها بداهيه : حبيبي ..
بردت ملامحه وهو ينطق بداخله " بنت مترف الكبيره والعاقله تكلم واحد وتقول حبيبي " : الله يرحمه من ذا ؟
موج ناظرت له وشهقاتها ازدادت : غيث ز...وزوجي بالمستقبل توفى عشان بس قلت انه بدري نتزوج !!
غسان ببرود : من وين تعرفتي عليه ؟
ماتحملت موج لحكيه البارد ووقفت متجهه للخارج وبيدها جوالها تحاول تتصل عليه جلست على اول طاوله قابلتها تبكي من شيئين .. غيث
وولد عمها غسان .. قالته عن واحد غريب وبكت قدامه عشان غريب اكيد بيقول لمالك او لـ ابوي ووقتها بينحروني .. قاطع افكارها رنين الجوال اخذته بسرعه من شافت اسمه وردت : غيث غيث كنت ادري انـ..
قاطعها صوت غير صوته : هلا مين انتي ؟؟
موج بتوتر : انت الي مين ؟؟
عقد حاجبه وهو يسمع نبرتها العاليه : اخوا غيث !
بلعت ريقها بتوتر : وين غيث !!
بهدوء : ليه تسالي عن اخوي
شدت على شنطتها من شافت امجد جاي باتجاهها وواضح انتهى من المحاظره : اعرفه
: انا لله وانا إليه راجعون ..
-
-
« مدرسه سدين - متوسط - »
نزلت سدين رجولها عن الطاوله بخرشه من دخلت ريهام معلمه الدين الي عطتها نظره حاده وبسرعه نزلتها : شعوركم لموها ازرار قميصكم قفلوها لاتدخل المديره وتخالفكم
نطقت احد الطالبات : يووه ياذي المديره ماعندها الا الضعوي
ضحكوا البنات لكن سكتوا من دخلت المديره : السلام عليكم
عدلوا الطالبات بجلستهم ومنها الي تكلمت عن المديره وبعدها خرجت تبتسم ان مابه مخالفات ، سدين : كحلها بيلف راسها من طوله
ضحكت صديقه سدين وهي تتفق مع كلامها ، سكتوا من طقت ريهام الطاوله بالمسطره : انتِ وياها بسكم حش ! تعالي سدين
وقفت متجهه لريهام بتوتر : هلا استاذه ؟
ريهام : سدين جيبي شنطتي من مكتبي في الدور الثاني
طلعت سدين من الفصل ونزلت لدور الثاني دخلت غرفه المعلمات وهي متوتره ، سدين : السلام عليكم ورحمه الله وبركاته
: وعليكم السلام ورحمة الله وبركاته
سدين : فين مكتب استاذه ريهام ؟
اشرت عليه وحده من المعلمات اتجهت لمكتبها واخذت شنطتها وجوالها اتجهت للخارج بعد دقايق وهي تمشي اتصل جوال خالتها " حبيبي " ضحكت ونطقت : ذا عمي اسطي وارد
ردت ونطقت : يااهلا بعم احمد شلونك عرفتني ولـ..
سكتت بصدمه وهي تسمع صوت احد العيال : يمه وين الكبك حقي بطلع مع امجد اليـ..
قفلت الجوال وعيونها متسعه وترجف بخوف من عرفت انه " آدم " كملت طريقها ولا كانها سوت شي وهو باقي يتصل اعطت خالتها الجوال قبل يقطع ، اتجهت لمكانها بتوتر الي خرجت من الفصل عشان ترد على ولدها ، احد صديقات سدين : بناااات خلونا نسوي فعاليات بحكم انها اخر سنه
سدين بابتسامه : تم بس وش
: يوم الخميس نجيب اكل من البيت ونجيب ألعاب ورق
سدين : بسطي واجيب لكم كبسه
: طيب نستأذن ؟
سدين : لا عادي
وحده من البنات : ياشيخه ؟؟ انتي تعرفين ان ممنوع عندنا وان المديره تغث
سدين ابتسمت : اعتبروها من الفعاليات
دخلت ريهام للفصل وناظرت لسدين ببعض الشك ، توترت وعرفت ان آدم قال لامه ان في احد رد على الجوال وهي اكيد طرت اسمها : استاذه ابيك برا شويتين
طلعت سدين مع خالتها : شرفي ياخـ
قاطعتها ريهام : استاذه
ضحكت على خالتها : يوو والله انك جاده المهم جدا جداا اسفه على بالي ان عمي الي يتصل وانتِ تعرفين امون معه ماتوقعت انه ولدك وربي اعتذر
ضحكت ريهام : ماعليه اصلا استغربت يوم قال ليه قطعتي