Finey pov:
So this boy name AJ tex mi Pon gram bout hi😂
Which mi Neva expect the boy would a tex mi cazz is a famous boy and him did seems hype to me so mi tex him back and seh aye him a ask mi if mi good and thing and a ask some question....Neva did a tex fi long...den afta dat wen mi look the boy unsend all a him message dem afta we done chat enuh....so stupid.(smh)
anyways gize long afta dt mi move and go live somewhere else and di boy live deh enuh..... woiii....Neva did a medz him doh.
Live deh one good while now Neva did a really too see him on the road him always inside....or him have him oman....and lock down....who to tell??lol only one and two time mi did a see him
But afta a while mi start see cj wulleep....like him always deh near mi yard him and him fren dem.....till.....mi and him eye eva a mek four.....like good boy a pree mi enuh....Murda likkle miss ketch him eyes.
One day nw cj come up my side enuh and him and a boy a walk and mi and my fren a walk so me wid my nuff self a call to the boy.... Murda love man eeh..... anyways a true mi see seh him been a pree mi so mi just a show him seh him Nuh need fi be shy.... anyways now gize the next day him pass mi yard and mi deh deh sidung enuh....u wah hear him bout psst
Woii.....boy a tek time get brave.....so fi same night mi wid my love man self now tex the boy bout psst....him ansa same time doh like him did a wait Pon di tex..... anyways we a talk and get fi know each ada yk Dem way deh....him did a act nice yf.....but still affi memba seh man a dawg.
