يـا نجـمـه سمـاء وضحـت دربـي الغريب .

جـزء 6

نامت نوم عميقق بس قامت وهي مفجوعه وبالغصب تاخذ النفس
تبي تروح تجيب دواه بس طاحت بتعب
سمعها مصعب من برا ودق الباب :ملاك؟
ما ردت عليه من انفاسها القصيره

دخل عليها وشافها طايحه على ركبها ويدها على صدرها

ركض لعندها وقال :ملاك وش صاير
ملاك وهي بالغصب تنطق:شنط... المدرسـ..ـه.. جيبها!
ركض يجيبها من تحت
فتحها مسكت ملاك الدوا وأخذت حبه وهي بالغصب تتنفس

هدت بعد ما اكلت الدواء وقالت اخرج ابي اريح

خرج احتراما لها
رجع غرفته وهو يفكر كيف هو خايف عليها كأنها طفله كل مايشوفها ينفض قلبه
مايدري ذا حب او خوف او حتى عاده فيه
بس الي كان يدري انه يخاف عليها من نسمه الهواء
هل هاذا بسبب اول مره شفتها فيها؟
او ذي شفقه عليها؟
مو قادر يحدد شي ابد!
خرج من البيت وراح على مكان دايم يروحه لا تضايق كان مكان قدام البحر مباشره كان المكان محد يجيه وذا السبب الي يخليه يجي لا تضايق

جلس وكان يناضر أمواج البحر
كان يحبهه مره ويزيد حبه اذا شافه مين الجهه الي جالس فيها

-بعد 3ساعات-
اكتفى مصعب بهاذا القدر من التفكير واتصل على
ناصر
ناصر:هلا يامصعب وينك يارجال شكله زوجتك سرقتك مني
ضحك مصعب وقال : الحمدلله سرقتني منك!
ابيك تجمع معلومات عن واحد
ناصر استغراب لانه نادر يسوي كذا:من تعيس الحظ؟

أعطاه اسمه الكامل "مشعل ............"
ناصر :تمام بكره تلقئ كل شي جاهز
شكره مصعب وسكر الجوال

-في بيت مصعب عند ملاك-
كانت تفكر بكابوسها بعد ماحلمت فيه
"الحلم"
كانت جالسه نتاضر من فتحه الباب
على شحض فصل الأسلاك على امها
كانت خايفه ملاك رغم أنها طفله
كان بيلف وجهه وتشوفه بس الحلم يخلص هنا

ملاك:لا يارب مستحيل يكون هو!!
يارب ساعدني يارب ماني قادره أكثر من كذا
دخل مصعب وهو يشوفها حاضنه رجلها وتفكر فوق الكنب
مصعب:بـ وش تفكرين؟
ملاك وهي تلف وجهها لناحيته بسرعه:مصعب!
راحت لعنده وقالت :ابيك بموضوع ابيك تساعدني يامصعب
عقد حواجبه وقال لها بحنان وهو يمسك اكتافه ويتفحصها بعيونه:انتي بخير وش فيك؟
قالت ملاك بتوتر:امي.... ماتت مقتوله!
وسع عيونه وقال: كيف؟!
"قالت له الحلم"
كانت راصه على اسنانها وشاده على يدها عشان لا تبكي
شاف مصعب عيونها الحزينه وقال:معليه ياملاك معليه والله لا امسكه واخليه يعفن بالسجن
اعطته ضهرها زي كل مره تمسح عيونها من الدموع
مسكها مصعب بدون ادراك وقالها: ابكي قدامي ياملاك ماني غريب عليك!

كبريائها مسمح لها تلف وجهها بس كانت شهقاتها تنسمع بوضوح
طلع مصعب وقالها انا بطلع غرفتي خذي راحتك

هدت ملاك وراحت غرفتها تنام
بس جاها اتصال من لين
ملاك بصوت متعب:الو
لين :الو ياحلوه ذا رقمي انا لين احفضيه عندك!
ملاك وهي تناضر للرقم:تمام بس ليه متصله؟
لين:ابد والله بعد بكره في عزيمه ونبي تخرجين معانا انا و التوأم وكم بنت من قرايبنا