هلا حبايبي شلونكم اخباركم
طبعاً هاي بدايتي وياكم ان شاء الله تكون بداية خير ❤️
الرواية رح احجيها بلهجتنه العامية اريد
تعليقاتكم وتصويتكم عليها حتى استمر لأن هالشي كلش مهم بالنسبة الي...
السرد رح يكون ببارتات قصيرة بعدها احاول اطولها الكم قدر الامكان...
ملاحظة :-الرواية من الخيال
واخر شي متابعتكم وتصويتكم حتى استمر✨😊
.......................... ..........
خلصت ولميت البيدي كله ورجعت مهدود حيلي من التعب وانا امشي بالشارع واشوف الولد نفسة رحتلة اركض بعباتي رجع بية حيل العشرين من شفتة گبالي گاعد ويبجي..وصلتلة وگعدت يمة وگتلة
_وينك ييمة وين رحت صدگ جذب شردت من عندي ذاك اليوم هو انا شگتلك يا بعد حيلي يجدة... هو شافني گبالة ودموعة بعينة ويبجي ويگول...
شجاع:- اخذيني منا وانا ما صدگت بدون اي تفكير اجرت تكسي وخذيته ورحت للبيت بسرعة.....
شابك ايدية بالعباية وخايف ويبجي
بدموع
شجاع :- جدة مو تعوفيني
درت وجهي علية وگتلة
سكنة :- يا بعد عيني يجدة اعوف روحي وما اعوفك بعد هو انا ما صدگت لگيتك
اباوع للسايق يباوع النة بس ما سأل....
شوي ووصلنة گتله هنا نازل يمة.....
_ نطيتة الفلوس ونزلت..... رجعت الدنيا ظهرية وهيج وكت الناس جانة ببيوتهة ب١٢ الظهر خذيتة ودخلت للبيت وهو مستمر يبجي....
كافي يجدة مو فتيتة لفادي شبلاك تبجي مو گلتلك ما اهدك بعد يرويحتي...
شجاع :- جدة اذا رجعت يبيعون اعضائي
سكنة :- شنو ومنهو هذا اليبيع اعضائك اجسرة تجسر
شجاع :- جدة الجنت عدهم
باوعتلة وگلتلة تعال يمة ادخل الجوة وفهمني شنهي قضيتك انته.....
گعدت وگعدته گبالي وگتله اي جدة سولف.... ضل يحجيلي بصوتة الطفولي
شجاع :- جدة انا عايش وية ناس يضربوني شوفي..... ويراويني الضرب....
سكنة:- عمت عيني عليك جدة
_اي جدة هذول ما يخافون الله ويگلولي كل يوم اطلع جدي وجيبلنة فلوس واخذلهم وهاي صار يومين ما اخذلهم يضربوني ويأذوني وشردت من عدهم....
_زين جدة انتة ابحيدك لو اكو احد وياك
_جدة وياي هم جهال گلتلهم تعالو ما قبلو يخافون يجون من مالك ومها
_ومنو هذول مالك ومها
_هذول همة الي نشتغل وياهم
_زين مكانهم وين تندلة
_اي بس همة مهددينة اذا حجينة شي نموت
_انتة وجم طفل
اشر بأيدة يعني هواي وگال
_هواي جدة
_زين تگدر تدليني مكانهم حتى اساعدهم مثلك
_اي بس اخاف يكتلوني
_شحدهم وانا حدك يمة وليدي
حضنتة وگتلة
_انتة هسة صرت ابني وفنة اليتدنالك ابن امة وابو يا فرحة جدتك الما ضاگتهة من سنين...
شفتة غفة خليتة وگمت اسويلة لگمة اكيد هسة ميت من الجوع....
دخلنة الجوة وخليتة يحجيلي كلشي نقهرت علية كلش وما باليد حيلة انا نويت اخلي يمي واتحمل كل الي يصير وبمسؤوليتي....
.........................
شجاع جان شجاع فعلاً لأن ما بقى ذاك الطفل الي اول ما لگيتة ضعيف وهزيل بلش يساعدني ويشتغل وياي بالسوگ انا ما خليتة بس هو اصر ورغم كلشي كلش فرحانة بي اخذ روحي هذا نور طريقي لان جنت اشوف وحدتي ضلمة وهو ملاهة لمن منعتة من الشغل وياي گتله
سكنة :- جدة بس اگعد بالبيت وانا اشتغل واتعب مااريد اتعبك وياي وليدي..
رد علي بعصبية طفل وگال يمة هذا اللقب الي گتلة يناديني بي
شجاع :-يمة انتي صدگ تحجين انا ابنج بعد وبس اكبر شوي اشتغل ابدالج...
غرغرت عيوني بالدموع ومسحتهن بشيلتي قهرني هواي
سكنة:- يمة وين جنت عني قبل جنت صحراء قاحلة بعدك ومسحت على راسة....
(صحيح مقتطف قصير بس البارت ان شاء الله يكون طويل ويعجبكم 😊)
أنت تقرأ
لم تكن اماً
Mystery / Thrillerبين يوم وليلة نستطيع ان نغير اقدارنا ام الأقدار هي من تتغير لأجلنا... كانت الوحدة تحتلني بالكامل الى ان اتيت لم تكن ابناً ولم اكن اماً لك فقط؛ البدايات تختصر اي شيء والنهايات تصنع كل شيء؛حاول فقط ان تصبر عندها سوف تجد من يحتلك بالكامل ولكن ليس بأحتل...
