الألم الذي يشتعل في جوف الأعماق لا ينطفئ بطبطبة كلمات او بحديث أحد نحن نحتاج الى ان نصرخ او نُكسر او نفعل شيئاً اقرب الى الجنون كي نستوعب ان كل شيء كان بأيدينا ذهب ان كل شخص كنا نحبه رحل ان كل مرآة كُسرت كُسرَ معها قلباً بالكامل يجب ان نستوعب ذلك الكم الهائل من الألم حتى نتخطى كل احداثة رغم انني اعتقد ان لايمكن لأحد ان يتجاوز حدث اخذ منه قلباً بأكمله لكنني متأكدة أن الضربة التي تكسر تقوي وتجعل من الإنسان إنساناً يملك الشجاعة في كل حرب له وينتصر....
برأيكم الإنسان يگدر ينسى فعلاً او يتناسة بس؟!
رجعت وياكم ببارت جديد اتمنى تفاعلكم وتعليقاتكم بين الفقرات...
للكاتبة:-فاطمة صفاء
#لم_تكن_اماً
.......................................
_ما اريد اشوفك مااريد اشوفك بعد ابعد عني واياني واياك تراويني وجهك
باوعت الها بنظرات تجمع بيها كل الألم والتعب كل هموم الدنيا لبروحي هاية اصعبهن شمس لو تلمس شعرة من رموش عينها جفونها انا اتعب من يثگلن؛حبي الها يتعدى حدود المحبة بس هذا قدر مكتوب النه لازم نعيشه رغم ادري تعبي وهمي وغمي بي......
باوعتلها وگلتلها :-وانا متعوب من روحي
وشلون افهمج بعد وشبيدي عليج اذا انتي ترفة ما تتحملين التعب والضيم معلمج جان عالدلال وطحتي براسي وشلون طيحة كسرت راسي تكسير
_حتى وهو بگبره ما خلصان منك هيجي مستثقل دلاله الي هيجي بس لأن عدوك....
_شمس انتي هسة ما جاي تفهميني ولا افهمج كلش ادري بس صدگيني ما جذبت عليج بكل كلمة گلتها، والله شاهد على كل حجيي تردين تصدگين صدگي ما تردين يجي هذا اليوم اول وتالي يجي ورح تفهمين كلشي....
بين شهگاتها ودمعاتها بلعت ريگها وگالت:-روح من گدامي روح وبعد مااريد اشوف وجهك بحياتي...
_رايح بس اوصيج على روحج هي روحي لو صار بيها شي اتعب وانكسر
باوعتلي بنظرة حقد وعتب هواي بعيونها زفرت النفس بعالي صوتي وعفتها ورحت وانا بگلبي هواي عليها ما شايل ولا رح يشيل بس حملتني فوگ حمل گلبي حمل وهي تدري انا من حبها اضيع.....
تذكرت شلون تعرفت عليها بوقتها وانا اتذكر وابتسم كل موقف ابالي يمر...
جنت رايح للمستشفى بوقتها مرتضى جانت عدنه مهمة وتصوب ونقلناه للمستشفى وخلو اسبوع بالمستشفى وانا اركض وياه ورايحة روحي عليه جنت امشي بالممر مال المستشفى وما اشوفلك الا بنية سبحان من خلق شفتها ملاك بعيني مرات الانسان ممكن يشوف اكو ناس طبيعيين بس الناس التحبهم تشوفهم جوهرة بوقتها احتلني شعور الأم من تشوف ابنها احلى واحد رغم كلش طبيعي؛ انا ما اعرف جمالها فعلاً طبيعي لو بالغت لو لأن نعجبت بيها!؟
اي انعجبت بيها مالي دخل بالعادة بالبنات مااباوع مااتقبل الفكرة ابد بس اكو ناس تجذب النظر وان انته عينك مو عليها يمكن بسبب نقائها و طهارتها او شي انته تحسه مميز تجاهها مااعرف بس هو هيج شعور يحتلك بالكامل.....
أنت تقرأ
لم تكن اماً
Mistério / Suspenseبين يوم وليلة نستطيع ان نغير اقدارنا ام الأقدار هي من تتغير لأجلنا... كانت الوحدة تحتلني بالكامل الى ان اتيت لم تكن ابناً ولم اكن اماً لك فقط؛ البدايات تختصر اي شيء والنهايات تصنع كل شيء؛حاول فقط ان تصبر عندها سوف تجد من يحتلك بالكامل ولكن ليس بأحتل...
