حط يده على خصرها و شدها له و نامو
_________________
ببيت ابو سعود الساعة ٨:٠٠ الصبح كانت رشا تتجهز للجامعه و شموخ مثل تتجهز لاخر سنه لها بالجامعه دخلت ام سالم وهي تقول : رشا اخلصي اخوانك عندهم داوم
رشا : يمه شموخ ما خلصت انا خلصت ... بعدين انا هيام بتاخذني
ام سالم : الله يعين على شموخ
دخلت ام سالم بغرفه شموخ الي كانت كسر الثلج و كانت شموخ تسوي شعارها و قالت : يابنتي انجزي لا تاخرين اخوانك
شموخ : خليهم يروحون بروح معا الهنوف
ام سالم : تمام
دق جوال شموخ و كانت توها مخلصه من الاستشوار ردت و كانت الهنوف : شموخ اطلعي انا برا
شموخ : يلا جايتك
لبست عبايتها و طلعت وهي تركض و تحاول تعدل جزمتها ( الله يعزكم ) و كانت الطرحه على راسها و ما كانت تدري انو ماهر هو الي يبي يودي وافي و يوسف مدام ما عنده دوام طلعت و شافها ماهر ضرب بوري لفت شموخ و انتبهت له و حطت الطرحه على وجهها و ركبت معا الهنوف شالت الطرحه و ربطت شعرها و تنقبت حركت الهنوف و مرت كوفي و خذو قهوه وشغلت اغنيه وحدي و بدو يغنون مرت سياره ماهر وهو مسرع تكلمت الهنوف و قالت : شوفي المجنون ماهر مسرع
شموخ : طول عمره ما يتعدل بعدين ليه يسرع و معاه اخواني
الهنوف : مدري
شموخ : اللهم طولك ياروح
وصلو و وقفت الهنوف بالموقف و نزلو مرت من عندهم سياره ماهر وهو مهدي الهنوف : شوفي مشوين مسرع و الحين حنا الي سابقينه
شموخ : هاذا الي خلاني افكر اكثر و اكثر ... بس تصدقين شي
الهنوف : وشو
شموخ : العنود خلصت سنتها بسرعه
الهنوف : اي والله كلامك صح ... المهم ما علينا تاخرنا على المحاضره
بدت شموخ تركض و ركضت وراها الهنوف و كانو بنات الجامعه يطالعون لجمال شموخ و شعرها المربوط و منبهرين من جمالها دخلو المحاضرة و كانت الدكتوره توها تبي تحضر لفت و قالت : يلا ياشموخ و الهنوف ادخلو بسرعه
دخلو شموخ و الهنوف و قعدو وهم منهد حيلهم من الركض
___________________
عند ماهر تحديد بالسياره الي كان مشغل سيد الاحباب و يهوجس بجمال شموخ رجع للبيت و دخل للصاله و قابل امه و ابوه قعد عندهم و قال : يبه حبيت اخطب
ابو ماهر: من ياولدي
ماهر : شموخ بنت عبدالرحمن
ابو ماهر : وانا اقول لك تم و بكلم ابوها بس ياولدي انت مو تبي صالحه
ماهر بتردد : اي ... لا لا خلاص ابي شموخ
ابو ماهر: تمام ... رح شوف في اغراض بالسياره نزلهم
ماهر : تمام
راح ماهر لسياره ابوه و بدا ينزل الاغراض دق جوالها و كان منزل اخر كيس رد و شاف انه وافي يدق وكانت الساعه ١١:٠٠ بضبط ركب سيارته وهو متجه للجامعه و مشغل المكيف على البارد و مشغل اغنيه ياهيه وصل و شاف وافي و يوسف الي ينتظرونه ضرب بوري و وقف عندهم ركبو و لمح شموخ وهي تمشي و متجه لسياره الهنوف عرف ماهر انو طاح بحبها اكثر و اكثر بسبب انو صاير يميزها بين البنات حرك و متجه لبيت ابو سالم كلمه وافي و قال : ماهر روح للمطعم ******
ماهر: ابشر
لف ماهر و اتجه للمطعم وكمل اغنيه ياهيه و بدا يغني ماهر بتدريج شبك معاه يوسف و بعده وافي
ماعاد الوقت يمدينا اذا يستنى تثبت لي
ماعاد الوقت بايدينا ترى غيرك ينادي لي
اخاااااف اصدق عيونك انا لو جيت تحلف لي
لا لا لا تحلف لي و الخووووف القى نهايتها
دموعي في مناديلي اخااااااف اصدق عيونك انا
لو جيت تحلف لي لا لا لا تحلف لي و الخووووف
القى نهايتها دموعي في مناديلي اهه في مناديلي
________________
عند الهنوف و شموخ الي كانو متجهين للمطعم عشان متفقات معا العنود وصلو و نزلو دخلو المطعم و اتجهو لطاوله الي قاعده فيها العنود وصلو لها و قعدو و بدو يطلبون اكلهم ولفت نظر شموخ الرجال الي متجه لطاوله الي قاعده فيها هي حست انها بتدوخ بس تداركت نسفها و خذت حلاوه من شنطتها كلتها و رجعت طالعت و مكان فيه احد عرفت انه من النوم بدو يسولفون جاء اكلهم و حطت شموخ للبنات و بعدين حطت لها بدو ياكلون و لفت العنود على شموخ و قالت : وش فيه الحلو يهوجس
شموخ : مافي شي بس احس فيني شعور حلو اليومين هاذي
الهنوف : يارب خطاب
شموخ : فال الله ولا فالك
ضحكت العنود و قالت : يمكن صدق ما تدرين
شموخ : اقول كولو خلونا نطلع المطعم جابلي الضيقه
الهنوف: انتي كولي اول عشان نخلص
شموخ : ليه مربوطين فيني انتم
العنود : شدخل ياسخيفه
شموخ : ما قلت لك اضحكي
الطاوله الي وراهم : اف قصفت جبهاتهم كلهم
رن جوال شموخ طالعت و كان اشعار من امها قفلت جوالها و قامت شموخ و قالت : اذا خلصتو الحقوني للسياره و الهنوف هاتي مفتاح السياره
الهنوف : امسكي
خذته و طلعت من المطعم و لمحت وافي و ماهر و يوسف طنشت و ركبت السياره و كانت تتابع بجوالها جو البنات و ركبو شغلت اغنيه ماعرفتك و لفت العنود على شموخ و قالت : من الي ما عرفتيه
شموخ بطقطقه : غرامي
ضحكت الهنوف و قالت : بيجيك غرامك من الي تحبينه
شموخ : ياحيي اسكتي
ضحكو البنات و حركو و اتجهو لبيت ابو سالم
________________
عند.رشا وهيام
الي كانو متجهين لسياره اوبر عشان يوديهم لكوفي ****** ركبو و حرك اوبر و قال : نفس الوجه
هيام : اي
اوبر : تمام
اتجه للكوفي و كانت رشا تهوجس مرت سياره ماهر و كانت مو مدققه و ما انتبهت الا يوم علمتها هيام و قالت : رشا شوفي ماهر و وافي
رشا : اما
هيام : والله
رشا : يارب ما يكون رايحين الكوفي الي بنروح له
هيام : اعتقد اي
وصلو و نزلو دخلت هيام بعدها رشا قعدو و كانو محددين القهوه بس يبون الحلا و محتارات بين اثنين قالت ر شا : ناخذ الاثنين و خلاص
هيام : تمام
راحو طلبو و قعدو يسولفون دق جوال هيام ردت و كان حبيب قلبها : كاسر شلونك
كاسر : الحمد لله انتي و شلونك
هيام : بخير دامك بخير
كاسر : وينك
هيام : بكوفي معا رشا
كاسر : تمام اسمعي بسالك و قولي لي عادي ولا لا
هيام : وشو
كاسر : بلعب معا ولد عمتي ......
هيام : طيب وين المشكله
كاسر : المشكله انو بيدخل حبيبته
هيام بدون ما تاخذ قرار : لا لا لا لا لا
ضحك كاسر و قال : ابشري من عيوني
هيام : ابوس عيونك
كاسر : يلا مع السلامه
هيام : مع السلامه
رشا : وش يبي كاسر
هيام : يبي يلعب معا ولد عمته و يبي يدخل حبيبته
رشا : اها بعذرك يوم تقولي لا مليون مره
قاطعهم الموظف وهو جايب القهوه و الحلا بدا يحطهم على الطواله وقال : عافيه
هيام : الله يعافيك
رشا : تخيلي انو ريناد مرسله لي و تقول رشا وين بيت العنود و سالم
هيام : لا تعطينها
رشا : حبيبتي اصلا من سابع المستحيلات اني اعطيها
هيام : والله انك كفو
رشا : كفوك الطيب
قعدو يسولفون عن مشروع جامعتهم و بدو يسونه معا بعض
______________________
ببيت ابو سالم
كانت شموخ تحط السفره حقت الغدا و كان ابوها يكلم ابو ماهر ويقول : والله يا عبدالرحمن حبينا نتقدم لبنتك شموخ
ابو سالم : والله هاذي الساعه المباركه بس لازم ناخذ راي البنت و نرد لكم
ابو ماهر: خوذو راحتكم بس حبيت انو تكون الخطبه بعد اربع ايام
ابو سالم: ابشر
قفلو و كان ابو سالم يفكر بالموضوع جت شموخ و جلست لف عليها ابوها و قال : شموخي
لفت شموخ و قالت : لبيه
ابو سالم : في ناس يبون يخطبونك
قمزت شموخ و قالت : منهو ؟؟؟!!
ابو سالم : ماهر
شموخ وهي ما ودها توافق : استخير و اشوف
ابو سالم : خوذي راحتك قدامك اربع ايام تفكرين
شموخ : تمام
دخلت ام سالم وهي بيدها صحن الغدا قامت شموخ و خذت الصحن من امها و حطته على السفره و بدو ياكلون بس شموخ الي كانت ما تاكل و تتابع بجوالها دخلت رشا وهي تقول : سلام عليكم
ردو عليها السلام و جلست تاكل معا اهلها و كانت شموخ ترسل للهنوف و يسولفون قاطعت سواليفهم دقت العنود بقروبهم حق الفضايح طالعو ببعض شموخ و رشا و قمزو و ركضو وهم يسبون بالعنود الي دقت بوقت غلط و كانو ام سالم و ابو سالم يطالعون فيهم و يقولون : اللهم سكنهم بمساكنهم
كل وحده دخلت غرفتها و قفلت على نفسها ردو و قالت العنود : شموخ شوفي اخوك امس مزعلني و الحين يقهرني عشاني نمت معاه بالكنب
ضحكو البنات و قالت : طيب حبيبتي ليه داقه بقروب الفضايح لي ما دقيتي بقروب عادي
العنود : عشان تردون بسرعه المهم ما علينا من سالفتي مع سويلم وش عنده ماهر يبي يخطب شموخ
رشا : طاح على وجه ههههههههه
الهنوف : جاها كلها
شموخ : لا والله جاني كلو يوم شافني بالفستان الاحمر بعرسك
العنود: تكذبين
شموخ : والله
الهنوف : احسبك سمعتي صوته يوم قال ياولد طريق
شموخ : مشكلتك ليه ما علمتيني
الهنوف : اشوا انو ماهر ولا واحد من العيال ... بعدين ياحبيبتي انا فارس شافني
ضحكت العنود و قالت : اي والله
رشا وهي تلعب : اسمعو غيرو السالفه عشان سويلم ما يسمع
العنود : انتي الي عنده ولا انا
رشا : انتي
العنود : طيب انا بقفل مع السلامه بروح اشوف وش يبي
شموخ : مع السلامه الله يعينك
قفلت العنود و قعدو البنات يسولفون
___________________
عند العنود و سالم
راحت العنود لسالم و قالت : وش تبي
سالم : زعلانه
العنود : لا اخلص وش تبي
قام سالم و مسك يد العنود انفجعت العنود و قالت : سالم وش تبي تسوي
دخل يده و طلع شي ما تدري وشو العنود حاولت تفك يدها بس كان سالم ماسك يدها زين لمحت صندوق و بدت تتشهد و كان سالم يطالع لها وهو يضحك بعد ما طلع الخاتم من الصندوق و قال : اسالك بالله هاذا يخوفك
العنود وهي تطالع للخاتم و مصدومه دخل سالم الخاتم بيد العنود و قالت : سالم وش عندك جايب لي
سالم بطقطقة : هاذي مفروض ما اراضيها مافي لا فرحه ولا شي
فصخت العنود الخاتم و رمته على سالم لفت تبي تروح مسكها سالم معا يدها لفت عليه و قالت : خلني ما راح افرح لك ابد
سالم : يابنت الناس امزح
العنود : مدامك تمزح كذا انا باخذ اغراضي و اروح لاهلي
سالم : العنود لا
فكت العنود يدها من يد سالم و اتجهت للغرفه حقتهم و نزلت شنطتها و بدت تشيل اغراضها و تحطهم بالشنطة و سكرتها و لبست عبايتها و خذت شنطتها و طلعت من الغرفه قابلها سالم : العنود ترضين ينتهي الي بيننا و بعدين انتي تعرفين اخوك ماهر لو عرف السالفه راح يخليني اطلقك
العنود وهي متردده بس تشجعت و قالت : ما يهم
مشت العنود و راحت تبي تاخذ جوالها تبي تدق سحبها سالم و ما كانت بينهم مسافه حط خشمه على خشمها و قال : العنود وشلون ما يهم و انتي تحبيني و تعشقيني
العنود: سالم ابعد عني
ترك سالم العنود لف و قال : تبين تروحين روحي بس راح تندمين
راحت العنود و خذت جوالها و فتحت جوالها و دقت على بندر و ما كان يرد دقت على ماهر و ما يرد دقت الهنوف و ردت على طول و قالت : هلا العنود وش بغيتي
العنود : ابيك تجين تاخذيني
الهنوف : ابشري.
قفلت الهنوف و لفت العنود و شافت سالم الي كان قاعد يطالع لها بنظره حزن طنشته العنود حست باحد حضنها. من ورا و لفت وشافت سالم : سالم ابعد
سالم بنبره حزن : تخيلي لو اني ولدك و تبين تروحين و تخليني وش راح يكون شعورك
حست العنود و ما قدرت تتحمل و حضنت سالم و انهارت و كان سالم حاضن العنود و يمسح على ضهرها و قال : انا اسف و ما راح اعيدها ابدا
بدت تهدى العنود و ابعدت عن سالم و قالت : طيب بروح معا الهنوف شوي و ارجع للبيت
سالم : يعني ماراح تاخذين اغراضك
العنود : اي
سالم : تمام
دق جوال العنود و راحت العنود تتنقب جاب سالم جوالها و شنطتها و قال : بحفظ الرحمن
________________
ببيت ابو ماهر
كان ماهر يتخيل شموخ بالفستان الابيض و بسيارته و ماسكه يده قاطع تخيلاته دخلت بندر وهو يقول : العنود داقه عليك ؟
ماهر : مدري
بندر : طيب شوف جوالك
فتح جوالها و شاف انو اتصالين قمز ماهر و قال : داقه علي مرتين وانا ما انتبهت للجوال
بندر : اي عادي
ماهر : طيب انقلع و لا تدخل الغرفه
بندر : طيب اعصابك
طلع بندر و سكر الباب و انسدح ماهر على السرير و بدا يتخيل شموخ و تذكر الفستان الاحمر الي كانت لابسته بعرس العنود عض شفته و قال : ياليتها جنبي
دخل ابوه وهو يقول : من الي ياليتها جنبك
قمز ماهر و قال : محد
ابو ماهر : الا من
ماهر بتوتر : محد محد
ابو ماهر : اذا ما قلت لي بلغي الخ......
قاطعه ماهر وهو يقول : ياليتها جنبي اقصد شموخ
ابو ماهر : انت شايفها
ماهر تذكر شكلها : اي اقصد لا لا
ابو ماهر : اشوا احسب وانا مدري
طلع ابو ماهر و كان ماهر يطالع لسوني فكر انو يلعب معا رشا لانه ميت طفش ( بالحكم انو رشا اقرب وحده له و يمونون على بعض ) شغله و شاف رشا الي كانت تلعب ارسل لها دعوه و قبلت رشا بدون تردد فتحو المايك و قال : هلا والله راشد
ضحكت رشا و قالت : هلابك ماهر
ماهر : اسمع راشد نبي نفوز
رشا : بس تبي كذا
ماهر : اي
رشا : تممم
بدو يلعبون و كانت رشا تصارخ و تسب و ماهر يقول : انتي لعبك حلو بس مشكلتك انك كثير صراخ
دخلت شموخ. وهي تقول : رشا اقصري حسك الواحد يبي يذاكر عجز
ضحك ماهر و قال : راشد قول لها ذاكري محد ماسكك
قالت رشا وهي ماسكه ضحكتها : ذاكري محد ماسكك
شموخ : في احد ينقلك كلام
ضحكت رشا و قال ماهر: الله يفضحك
خذت شموخ السماعه و قالت : من انتِ عشان تنقلين اختي .........
قاطعتها رشا وهي ميته ضحك وتقول : هاذا ماهر مو بنت
جدعت شموخ السماعه و قالت : ليه ما قلتي من اول
انصرع ماهر من الضحك و سمع رشا وهي تقول : مقدر ردت فعل شموخ تضحك
طلعت شموخ و كانو ميتين من الضحك
_____________________
ببيت ابو سلطان
كان سلطان يحارش جميله و يقول : تزوج و خلاك تزوج و خلاك
جميله : سلطان مالك دخل
سلطان : الا لي دخل
دخلت جوري وهي تقول : بزران اهجدو بذاكر
لف سلطان و قال : يالهوي عندك اختبار
فطست ضحك جوري على نطق سلطان لكلمه يالهوي وقالت : انطق الكلامه زين بعدين تعال قولها
سلطان : حبيبتي ماراح اكون لك مصريه
جوري : ما قلت لك صير مصريه قلت انطق الكلمه زين بعدين تعال قولها
سلطان وهو يقلد مشيه صالحه و يقول : يلا مع السلامه عندي بزنس
ماتت ضحك جوري على مشيه سلطان و قالت : من مشيته هاذي
سلطان : صالحه
دخلت عليهم صالحه وهي تقول : من الي ناداني
شافت جوري و جميله الي فاطسين ضحك و جوري ساجده من الضحك لفت و شافت سلطان وهو يقلد مشيتها و قالت : اها الحين بطلع الضحك من عيونكم
لف سلطان و شاف صالحه وهي ماسكه سلك رفع ثوبه و عض شليله لحقته صالحه لف سلطان ويشوف ركضه صالحه و كان يقلدها و كانو جميله و جؤري فاطسين ضحك جاهم سلطان وهو من جلد من السلك و قال : توبه اقلدها
جوري: احسن من قالك تقلدها
دخلت عليهم ام سلطان وهي تقول : وش فيكم مزعجين و من مزعل صالحه
اشرت جميله على سلطان الي كان يناظر فيها و قال : ضحكتك و قلبتي علي
تكلمت جوري و قالت : اي توقفين معا صالحه و جميله و حنا عيالك ما توقفين معانا
ام سلطان : عندكم ابوكم انتم
سلطان : اتحداك اذا اعطانا وجه بس يدلع صالحه و جميله مثلك
جوري : وهند صارت ما تطلع من غرفتها بسبتكم
جت صالحه و قالت : من انتم عشان تصارخون على امي
لف سلطان على جوري بقهر تكلمت جوري و قالت : حنا اخوانك الي ما تحسبينا اخوانك احنا عيال امي الي ما تحسبنا عيالها حنا عيال ابوي الي ما يحسبنا عياله
طلعت هند من غرفتها و كانت ودها تروح لشموخ الي تصير امها او تروح للعنود الي تصير اختها مثل جوري او تروح للهنوف الي تصير صديقتها او رشا الي تلعب معاها و تستانس او تروح لعمها عبدالرحمن الي تعتبره اخوها من بعد سلطان او عمها سعود الي تعتبره ابوها او تروح لجدها و جدتها الي يخلون حياتها حلوه او تكلم يوسف يجي يخطبها و تفتك قاطع تفكيرها صراخ ابوها على جوري و سلطان جت و وقفت بوجه و قالت : من انت عشان تصارخ بوجه اخواني
كانت جوري تقول : مالك دخل
سلطان : طيب ترا جميله ضحكت عليها مو بس حنا
ابو سلطان : اطلعو من بيتي لا اشوف واحد منكم هناااا
سلطان : وفرت علينا نروح عند جدي يحتوينا
ابو سلطان : لا اشوفكم عند احد من اهلي
هند : عطنا ثلاث ايام و ماراح تلاقي شعره من شعرنا
صالحه : احسن
مشت هند و تفلت عليهم و قالت : اهل ما ينعطون وجه
نزلت شناطها هي و جوري و كانت جوري تجيب كراتين الطلبيات و توزعها على سلطان و هند و كانو ياخذون كل شي و ما خلو الا الدولاب و السرير و كان باقي اشياء بس ما كانو يحتاجونها و ما كانت تدري هند انها راح تخلص بيوم واحد قفلت اغراضها و انسدحت على السرير و نامت و اخوانها مثل
____________________
ببيت ابو سالم
قامت شموخ و راحت تفطر و تبي تعرف حاله هند و جوري و سلطان ( طبعا سالفه انو اهلهم ما يحبونهم يعرفونها كلهم ) شافت الساعه ٧:٠٠ الصبح دق جوال شموخ و كانت هند ردت على طول و قالت : هلا بزين كله
هند : هلابك
شموخ : وش بغيتي
هند : حبيت اعلمك انو نواف طردنا و انا الحين اسعد انسانه
طيرت حواجبها شموخ و قالت : رماك بالشارع
ضحكت هند و قالت : لا رحت بيت جدي محمد و جدتي موضي انا و سلطان و جوري
شموخ : طيب اسمعي بجيكم الحين اغير نفسيتكم و بخلي يوسف يجي معاي يغير نفسيه سلطان و بخليه يكلم بندر
هند : لا مو لازم شدعوة
شموخ : اصلا اليوم الاربعاء يعني جمعه عمامي ببيت جدي
هند : اجل ماراح ننزل من غرفنا
شموخ : ليه
هند: نواف يقول اذا شفتكم عند ابوي بذبحكم ما يبينا نجيكم يبينا نروح عند خوالنا
شموخ : خلاص اجل انا و البنات نرقى عندكم و خلي جوري تقعد معاك ناخذ قهوه لنا و لكم و بطاطسات و حلا و عصيرات بس عشان نقعد عندكم و ما ننزل
هند : يلا بقفل عشان بروح افطر
شموخ : تمام
قفلت و قعدت تفطر بعد ما ارتاحت دخلت عليها رشا و قالت : قومي عندك اختبار الساعه ٧:٥٦
قمزت شموخ و قالت : كذابه
رشا : والله
راحت شموخ وهي تركض لغرفتها دخلت حمامها ( الله يكرمكم ) و غسلت و توضت و لبست شرشف صلاتها و بدت تصلي بهدوء و اول ما خلصت نزلت الشرشف و لبست و جت عند التسريحه و حطت كونسيلر و ايلاينر و مسكرا و بلشر و قلوس و خذت معاها القلوس و روج و حطتهم بشنطه الجامعه و لبست عبايتها و خذت اغراضها و كانت الهنوف عند الباب طلعت شموخ وهي تركض و كانت تتحجب شافاها ولد جيرانهم و انصدم من جمالها ركبت بالسياره و حركت الهنوف و كانت تقول : امس و اليوم تاخرنا بسبتك
شموخ وهي تلبس نقابها : يا شيخه ذابحك التاخير الحين اسرعي قبل ما تحطنا غياب عن الاختبار
اسرعت الهنوف و ماهي الا دقايق وهم واصلين نزلو وهم يركضون و كانو بنات الجامعه يشوفونهم وقفو ينزلون عبيهم و ربطت شعرها شموخ و كانو بنات الجامعه خاقين على شموخ لفت شموخ و شافت الدكتوره وهي تقول: شموخ الهنوف بسرعه اركضو
ركضت شموخ و لحقتها الهنوف على طول دخلو قاعه الاختبار و الدكتوره دخلت وراهم وهي تقول : شموخ و الهنوف اقعدو
قعدو وهم ينتظرون اوراق الاختبار تجيهم
__________________
في مبنى العساكر
كان ماهر يوقع على اوراق جته السكرتيرة حقت و وقفت بدلع وهي تقول : حبيبي ماهر تبي شاهي او قهوه
ماهر الي ما انتبه لكلمه حبيبي : جيبي أي شي
السكرتيره: تمام لحظات ويكون عندك
طلعت وهي مستانسة و ماهر الي فكر و قال : هي وش قالت اصلا يوم تساليني يلا ما علينا
دق جوالها رد و كانت الهنوف وهي تقول : ماهر تعال عند جامعه العيال
ماهر بستغراب: ليه وش فيك في احد متعرض لكم
الهنوف : لا السياره حقتي طفت اول ما رجعت و سدت الشارع
ماهر بهمس : الله يعين على القذف
الهنوف: وش تقول
ماهر : يلا جايكم
الهنوف : تمام
طلع ماهر و كانت على دخلت السكرتيره وهي معاها القهوه : ماهر القهوه
ماهر : خليها على المكتب الحين جاي
طلع وهي يقول : الله يعين الله يعين
ركب سيارته وهي متجه لهم وهو مسرع و يدعي انو محد قذفهم وصل و وقف سيارته و نزل منها على طول اتجه للهنوف و شموخ الي ما انتبه لها : الهنوف هاتي مفتاح السياره
شموخ : المفتاح داخل ياحظي
لف ماهر و قال : مالك شغل
شموخ بضحكه : هاذا الي يبي يخطبني اجل
ماهر : راح توافقين غصبًا عليك
شموخ بقهر : اتحداك
جاهم واحد من الرجال و قال : تحتاجون مساعده
ماهر : لا تسلم
الرجال : طيب انا بوخر الناس عشان يعرفون ان السياره تعطلت
ماهر : جزاك الله خير
راح الرجال و بدا يوجه السيارات لطريق ثاني ركب ماهر السياره و طفها و رجع شغلها اشتغلت السياره نزل و قال : روحو لبيت وحده منكم لا توصلين شموخ بعدين تروحين بيتنا انزلي معا شموخ او شموخ تنزل معاك
الهنوف : تمام
ركب سيارته و حرك لدوامه و ماهي الا دقايق وهو واصل نزل و اتجه لمكتبه قابل السكرتيره و قال : ملاذ سوي قهوه ثانيه هاذي بردت تلاقينها
ملاذ : تمام
قعد وهو يكمل اوراقه جت سكرتيرة و قالت : مهوري اذا تبي تخطب اخطبني
طالع لها بطرف عين و قال : طسي لا اكفر فيك و بعدين انا خطبت وحده و خلصت
السكرتيره: خذني الثانيه
جت ملاذ وهي تحط القهوه : ملاذ خوذي مشاعل و خليها تطس من وجهي
ملاذ : تمام
________________
بسياره الهنوف
شموخ وهي تصارخ : اخوك يقهرررر يقولي بتوافقين على غصببببب
ميلت شفايفها الهنوف و قالت : هو كذا
شموخ بعصبيه : لا تقولين هو كذاااا !!
الهنوف وهي تسوي حركات بشفايفها : وانا شدخلني فيكم اصلا
شموخ بنرفزه: مالت عليك بس منشغله بحركاتها الي ما تخلص خليني ادق للعنود الي تسمع لي احسن منك
الهنوف وهي تمثل انها انزعجت من شموخ : تريك مزعجه
طالعت لها شموخ و اعطتها كف معا راسها و قالت : خلك معا حركاتك البايخه
ضحكت الهنوف بالم : امزح معا الحلو و يزعل
شموخ : اقول اسكتي و بعدين ليه هاذي ما ترد
الهنوف : مدري طيب تبين بيت ابوي ولا بيت عمي ؟
شموخ : لو اروح الفضاء عادي بس ابي ارتاححح
الهنوف : خلاص بيت ابوي
شموخ : لا لا بيت ابوي انا عشان غرفتي ارتاح فيها اكثر
الهنوف : خلاص مسكت طريق بيتنا
شموخ : بزررر
قاطع نقاشهم دقت جوال الهنوف : شموخ ردي
شموخ : طيب
ردت شموخ و قالت : هلا
ماهر وهو يوقع على خروجه : وينكم
شموخ : متجهين لبيت عمي
ماهر : بتروحون بيت عمي عبدالرحمن
شموخ : تستهبل اقول لابوي عمي ؟؟؟
استوعب ماهر و قال : اها انتي شموخ شنوحي احسبك الهنوف
شموخ : انا اعطيك وين وجهتنا
قفلت قبل لا تسمع رده و هاذا الغلط الي سوته شموخ و طالع بالجوال ماهر يوم شاف انها قفلت بوجه و قال : هاذي غلطتك يابنت عبدالرحمن
وصلو البنات للبيت و نزلو و راحو يسلمون و قال ابو ماهر : اليوم منورتنا شموخ
شموخ : النور نورك ياعمي
الهنوف : يبه بنروح ننزل عباياتنا و نجي
ابو ماهر : تمام
راحو البنات ينزلون عبيهم و راحو قعدو معا ابو ماهر لفت الهنوف و قالت : يبه اسمع اليوم وحنا طالعين من الجامعه شغلت سيارتي و دقيت ريوس طفت
طالع ابو ماهر باستغراب وهاذي اول مره تصير لسياره واحد من عياله : غريب اول مره تصير
الهنوف : و قال ماهر روحي يا لبيتنا او لبيت عمي عبدالرحمن
ابو ماهر : يعني صارت بس تتحمل مشوار واحد خلاص اليوم بكلم بندر يوديها الصناعية يشوفون مشكلتها
الهنوف : تمام
قعدو يسولفون و يضحكون و يمزحون معا بعض سمعت شموخ صوت الباب و قالت : شكلو جاء واحد من العيال بروح فوق
الهنوف : تمام
طلعت شموخ من الصاله و صارت تركض عشان ما يشوفها لمحها ماهر بس يحسبها الهنوف تنحنح و قالت الهنوف : ادخل مافي احد
عرف انو الي لمحها شموخ خذا نفس عميق و قال : يبه ابي اليوم الخطبه و الشوفه الشرعيه
ابو ماهر : ياوليدي بس البنت يمكن ما تجهزت
ماهر : اجل خطبه و ملك...
قاطعته الهنوف و قالت : خلاص اليوم اليوم الخطبه بس خل يجي وافي يجي ياخذها عشان تروح تتجهز
و كانت شموخ تسمع كل شي راحت دقت على امها و قالت : يمه ماهر قدم الخطبه و صارت اليوم و اذا عندك يوسف او وافي خليهم يجون ياخذوني من بيت عمي سعود
ام سالم بصدمه : تمام بس وش تسوين ببيت عمك سعود و بعدين ليه يبي يخطبك و جدك مسوي عزيمه كبيره
شموخ بتوتر : المهم ما علينا خلي واحد من العيال يجي ياخذني
ام سالم : يلا يلا
قفلو و كانت شموخ على اعصابها و حاطه يدها على وجهها و بعد كم دقيقه دق جوال شموخ طالعت و كان يوسف ردت و سمعته يقول : شموخ انزلي انا عند الباب
شموخ : تمام
قفلت و لبست عبايتها و خذت شنطتها حقت الجامعه و نزلت و شافتها الهنوف و قالت : مسرع
ما ردت شموخ و طلعت و قابلها ماهر طالعت فيه و قالت : ابعد يوسف ينتظرني
ماهر : تحسبين دخول الحمام نفس خروجه
ما ردت شموخ وقال : يوم تقفلين بوجهي باذن من
ما ردت شموخ و هاذا الي رفع ضغط ماهر خذا نفس عميق و قال : انا اوريك يابنت عبدالرحمن والله لا اخلي الملكه بكرا و الخطبه اليوم
ابعد عنها و طلعت ركبت سياره يوسف و قال : ليه تاخرتي
شموخ : ضيعت شاحني
يوسف : لقيتيه ؟
شموخ : ايه
حرك يوسف وهو يطالع لشموخ الي كانت على الجوال من يوم ما ركبت بالسياره : وش فيك بس على الجوال من يوم ما ركبتي
رفعت راسها وهي متحجرة الدموع بعيونها لف لها يوسف و شاف دموعها وقف و لف و مسكها مع يدها و قال : وش فيك من مزعلك
شموخ بدلع : ماهر يبي يخلي الخطبه اليوم و الملكه بكرا
يوسف براحه : وانا احسب انو الموضوع اكبر من كذا بالاخير طلع عشان ماهر قدم الخطبه و الملكه
شموخ : طيب و اذا ما وافقت وشو ليكون بياخذني غصب
يوسف وهو يبلع رقيه :تريك محجوزه لماهر من اول
انصدمت شموخ و كان انكب عليها مويه حاره : شلون و ليه ما قلتو لي من اول
حرك يوسف وهو يقول : مالي دخل انا و ابوي تري جدي هو الي حجزكم لبعض و اصلا ولا واحد يدري منكم غيرنا
شموخ : طيب انجز ابي البيت
يوسف :هاذي حارتنا خلاص الحين نوصل
وصلو و نزلت شموخ و دخلت البيت وهي لا تسلم ولا شي استغربت امها لانها بالعاده اول ما تدخل تسلم و تقعد عند اهلها بعدين تروح تغير دخلت غرفتها و قفلتها و رمت نفسها على السرير وهي تصرخ من اعماق قلبها دق الباب وافي و قالت : انقلع ماراح افتح الباب
وافي : شموخ قومي تجهزي عشان نرو...
قاطعته صرخه شموخ وهي تقول : روحو بدوني مابي اروح العزيمة ارتاحو
دخل ابوها و قال : يابنتي اليوم خطبتك لازم تكونين هناك قبل الكل
شموخ وهي ترفع راسها من المخده : بس يبه ما ابيه ما ابيه ما ابلعه
ابو سالم : مو لازم تبلعينه
ام سالم : بس يا بنتي انتي ان حجزتي لماهر من جدك
شموخ : ادري بس مابي ماهر زوجوني أي احد بالعائلة
ابو سالم : اقول قومي تجهزي وانتي ساكته
طلعو و صرخت شموخ وهي تقول : ليه ليه ياجدي ليه حجزتني لماهر
قامت تلبس وهي كاره العزيمه و طاريها دخلت عليها رشا. و قالت : شموخ ابي الكونسيلر
شموخ : حطي هنا و روحي كملي مكياجك
حطت رشا و راحت تكمل مكياجها و بدت شموخ تحط مكياجها و كان خفيف لبست عبايتها و خذت مفتاح سيارتها طلعت بدون حس لها ركبت السياره وهي تشوف خططها عشان تضيع الوقت و تخليهم يتاخرون لا جو يخلونها تدخل عليه
___________________
عند ماهر
الي كان متجه للكوفي الي تعودو عليه موظفين الكوفي من كثر ما يجي وقف عند الباب و نزل وهو يشوف الكوفي مليان بنات و عيال طلب وهو مطنش البنات الي يتمايلون قدامه و كان سارق الانظار بالكوفي طالع للموظف الي لف لسياره الي برا و اعطها قهوه دقق بعيونها و كانت شموخ طار ماهر بعد ما شاف شموخ خذا قهوته و طلع ركب السياره و لحق سياره شموخ الي متجه لمحل ورد وقف وهو يطقطق بجوالها لفت شموخ و شافته و عرفت انو ماهر دخلت محل الورد الي كانت ريحته تهبل سلمت على الموظفه و قالت : وين الموظف الي كان امس هنا
الموظفه : سافر عشان ولده تعب عليه
شموخ : اها تمام
الموظفه : بس انا موجوده لخدمتك
شموخ : اذا ما عليك امر حطي لي الورد الحمر
الموظفه: ابشري
طلعت الورد و قالت : تحبين شلون اسويها لك
شموخ : باقه عاديه
الموظفه: تمام
قعدت تسوي الباقه و شموخ تختار كرت و شافت كرت عليه خاتمين و قالت بهمس : هاذا المطلوب
طالع لها ماهر وهو يشوفها تكتب عقد حواجبه وهو يقول : الله يستر من الي قاعده تكتبه
شافها وهي تاخذ كرت ثاني و رجع يقول : الله يستر من الي قاعده تكتبه
شافها وهي متجه لسيارته دقت القزاز و فتح لها النافذه و قال : وش تبين
جدعت الكرت بوجه و دخلت المحل و اعطت الموظفه الكرت الي كتبته و خذت الباقه وطلعت وهي معاها الباقه طالع للكرت ماهر وهو عصبيته شوي و تطلع من عيونه و قال : هين يابنت عبدالرحمن دواك عندي بكرا
حرك سيارته و اتجه لبيت جده
___________________
عند شموخ الي كانت متجه لبيت صديقاتها دقت الباب و فتحت لها صديقتها رند و قالت : هلا والله بطش ورش
شموخ : امسكي الباقه و دزي
و قبل ما تطلع تذكرت قهوه رند و حلاها من الكوفي المفضل عند رند فتحت السياره و خذتهم و لفت وهي تشوف رند مقفله الباب رجعت تدق الباب و فتحت رند وهي تشم ريحه الورد : امسكي حلاك و قهوتك و دزي
رند : اوريك ياجعلك تتزوجين
شموخ بصوت رفيع : اصلا اليوم خطبتي من ولد العم الي ما ينبلع
رند : مو لازم تبلعينه
سكرت الباب و ركبت سيارتها و حركت وهي تضحك طالعت للجوال وهو يدق ردت و قالت : هلا
سالم بحده : وينك انتي طالعه قبل اهلي و مفروض توصلين قبل الكل و الحين بتوصلين بعد الكل و انتي طالعه قبلنا
شموخ : رحت عند صديقتي اخذ روجي
سالم : طيب انجزي الشيخ موجود
تجمدت بمكانها من عرفت انو راح تروح من الي سوته لماهر و غير كذا جاب الشيخ وهو قايل بكرا خذت نفس عميق و قالت : تمام
قفلت وهي مصدومه خذت نفس عميق و كملت طريقها. وصلت لبيت جدها و نزلت وهي مصدومه و كان ابوها يبي يفتك منها هو و جدها دخلت و شافت البنات الي قاعدات بالحوش و يضحكون قمزت العنود وهي تشوف حاله شموخ مسكتها و قالت : بنت وش فيك
شموخ وهي دموعها بين عيونها : ابي مكان بس اقعد فيه انا و انتي
العنود : طيب تعالي لغرفه ابوي
راحو و دخلو و كانت شموخ منهار من داخلها قعدو و قالت : ابوي زوجني ماهر هو و جدي كانهم ما يبوني و بدون ما يخذون قراري حتى متخيله
سكتت العنود لثواني و بعدها قالت : طيب كملي
شموخ وهي فيها غصه الصيحه : و جابو الشيخ
العنود وهي تطالع لشموخ بصدمه طلعت جوالها و دقت على سالم رد عليه على طول : سمي يابعد خلفي
العنود بحده : سويلم فيه الشيخ ولا لا
سالم وهو ماسك ضحكته : ليه جت عندك شموخ تصيح
العنود : لا بس البنت جتها ام الركب
ما قدر يمسك ضحكته و فطس وهو يقول.: لا فيه شيخ ولا شي بس عشان تجي بسرعه
قفلت وهي ماسكه ضحكتها و قالت : حبيبي تطمني لا فيه شيخ ولا راح تملكين الا بكرا
ارتاحت شموخ و تكت على الجدار و قالت : لو تخلون الملكه بعد اسبوع او اسبوعين راح ارتاح اكثر و اكثر بس التيس الي عندك يعاند نفس التيس الثاني
العنود : من التيس الاول و من التيس الثاني
شموخ : التيس الاول سالم و ثاني ماهر
ضحكت العنود من اعماق قلبها و قالت : يالله ياحلوه تعالي ننزل
شموخ وهي تغني و تقول :
التيس الاول سالم و التيس الثاني ماهر
يمشون ولا يدرون وين هوا دارهم
نطقطق عليهم وهم ما يدرون لانهم
تيوس و يعرفون نفسهم الحين بنطلع للبنات
و بفصل عليهم لا لا لا لا
و العنود الي ميته ضحك على اغنيه شموخ لفت عليها شموخ و قالت : يلا يا بقرتي خلينا ننزل للبنات
العنود : و انتي حماري الحلووو
وقفت شموخ وهي تتذكر هند و جوري و سلطان دخلو كل الغرف و كانت فيه غرفه اخيره ما وصلو لها راحو لها و اول ما دخلو كانت هند تقول : جوري بموت جوععع
رفعت راسها و كانو العنود و شموخ فوق راسها هي و جوري قمزو من اماكنهم وهم يخمون بعض بلهفه و شوق قعدو البنات و قالت شموخ : انا بنزل تحت و بجيب البطاطسات
جوري : اي تكفين بسرعه لاننا ما كلينا من يوم ما جو الضيوف
شموخ : اجل اشوا اني جايبه فطاير بروح البس عبايتي و اجيبهم من السياره ولا اقول لكم شي قومو خلونا نروح نتقهوى و نتعشى بعدين نرجع
العنود : طيب خطبتك يابقره و الشوفه الشرعيه
سكت راسها شموخ و قالت : يلا يلا بنزل لا خلصت ابي اجيب عبايتي و عبايه العنود و نطلع و رشا و الهنوف يلحقونا بعدين
نزلت وهي تشوف امها الي مشتطه تدورها : يابنتي وينك الرجال ينتظرك بالمجلس
شموخ : اي كنت اتعدل
ام سالم: يلا روحي بسرعه
راحت شموخ وهي متوتره و صلت لباب المجلس الي قاعد فيه ماهر خذت نفس عميق و دقت الباب و دخلت وهي تشوفه يطقطق بجواله رفع راسه اول ما دخلت و جذبه الفستان الاحمر الحرير الي وده يحظنها بس المشكله انو لسى ما ملكو و قعد وهي تقعد قدامه طالع لها ماهر و قال :تري ما نسيت يوم تقفلين بوجهي
غمضت عيونها وهي تقول : وش يضرك ترا بالغلط و لعنت خيري الهنوف يوم قفلت بوجهك ... و بعدين ليه خليت الملكه بكرا ؟؟
طالع لها ماهر بتمعن : عشان يعرفون انك خلاص صرتي زوجتي و حبيبتي
طالعت له من فوق لتحت و قالت : انا بطلع لان البنات ينتظروني و بعدين انتهى كلامنا
ماهر بهمس : انا الي بطلع و افتك من غرورك
لفت عليه شموخ وهي تقول : والله المغرور قدامي
خذا نفس عميق و قال : اطلعي قبل لا اكفر فيك
طلعو بنفس الوقت و اول ما طلع لفو للمجلس و قالو بنفس الوقت.: لعنه تلعنك ، مالت على ابوها الي جابها بس
و اتجه كل واحد لطريقه
_____________
عند الرجال
دخل ماهر وهو يتحلطم قعد جنب فارس و وافي وهو يقول بهمس : انا غلطان الي خطبتها لو ماخذ صالحه ابرك لي من النفسيه بس والله ما اخليها
لفو عليه وافي و فارس وهم ماسكين ضحكتهم : وش فيك منفس
لف ماهر وهو يقول : انا منفس من الي خذيتها والله لو ماخذ صالحه احسن لي
ضحك وافي يوم عرف انها مجننته : وش مسويه فيك
ماهر : العذر و السموحه وافي بس تراها زقوم ياخي اقولها : ليه قفلتي بوجهي يوم ادق على الهنوف و تقول وش يضرك ترا بالغلط
ضحكو العيال على تقليد ماهر لشموخ و قال : انا طلعت منفس من الزقوم الي داخل و سالم يوم ياخذ اختي طلع و الابتسامه شاقه وجهه
لف عليه سالم : قلت اسمي ؟
فارس : ايه قال نحش فيك
فطس ضحك وافي وهو يقول : انا شكلي بطلع اخذ نفس انكتمت من الضحك
سالم وهو مستغرب: عيال وين سلطان هاذا ابوه هو وينه
وافي : يمكن ما جاء دق عليه
طلع سالم وهو يدق على سلطان رد وهو يقول : هلا ابوي
سالم : يارجال وينك
سلطان : بغرفه جدي جالس
سالم : جايك جايك
سلطان : يلا بسرعه وجيب معاك أي شي جيعان
سالم : ابشر
قفل و دخل من الباب الخلفي قابل البنات و قال : وين رايحين
شموخ : مالك دخل
سالم : طيب عندكم فطاير
شموخ : ايه بسيارتي
سالم وهو يسبقهم للسياره : طيب افتحيها
فتحت شموخ السياره خذا سالم الفطاير و دخل معا الباب الخلفي و دخل لغرفه جده و كان سلطان قاعد يتابع حط الفطاير رفع راسها سلطان و قام وهو يسلم على سالم قعدو يسولفون
_______________
بسياره البنات
كانت تقسيمتهم غير عن العاده كانت هند عند النافذه الي ورا شموخ و رشا بجنب هند و جوري بجنب رشا و الهنوف عند النافذه الي ورا العنود كانت شموخ مشغله ضاق الغمام و يتغني معاها بهدوء صرخت رشا وهي تقول : وين ماهر
لفو عليها البنات و قالو : وش فيك وش تبين بماهر
شموخ وهي تطالع لرشا بالمرايه : جنون وش فيك
رشا : المشهور الي دايم انا و ماهر نتمنى ندخل معاها رد لي الاضافه
الهنوف : الله لا يبلانا امسكي جوالي ارسلي له عشان تنطمين
خذت الجوال و فتحته و دخلت ماهر وهي تقول : ماهررر تخيلللل
رد ماهر على طول و قال : وش اتخيل يالهنوف
رشا : انا مو الهنوف انا رشا
ماهر: وش فيك طيب
رشا : المشهور الي دايم نتمنى ندخل معاها اضافني
قمز ماهر و قال : تكذبين
لفو عليه فارس و وافي وهم ماسكين ضحكتهم من قمزه ماهر و كان جده محمد يطالع له بطرف عين و قال بهمس : هاذا الي يبي يتزوج
ابو ماهر : ايه عادي
طلع ماهر وهو يركض و كان يبي يطيح بس مسكه وافي وهو ميت ضحك عليه و قال : رشا هاتي حسابه بسرعه
صورت رشا حسابه و قال : يلا عاد الحين بس يضيفني ندخل قيم ورا قيم
رشا : تم
قفلت جوال الهنوف و رجعته وهي ترقص و مستانسه لفت عليها هند و قالت : ياحظي الاغنيه هابطه ترقصين على وشو بضبط
رشا : الله يقلع شموخ هي اغنيها الهابطه
خذت الجوال وشغلت اغنيتها المغربيه شبكت الهنوف معا رشا و قعدو يرقصون و كانو البنات ميتين ضحك عليهم وقفت شموخ عند الاشاره و لفت وهي تاخذ جوال العنود و تصورهم و كانت ميته ضحك عليهم حركت شموخ يوم اشتغلت الاشاره و طولت الصوت لاخر شي و بدو يرقصون كلهم خلصت الاغنيه و شغلت شيرين ريمكس خذت هند الجوال و قالت : لا لا هاذي تنفخ الراس
شغلت مالت عليك و كلهم لفو عليها و قالو : من وين طلعتيها
بدو يغنون وهم يطقون رقبه و كانت العنود و شموخ يقلدون رقصهم اول وقفو الاغنيه اول ما سمعو جوال يدق لفو على العنود و ضحكو لفت العنود لهم وهي مستغربه من نظراتهم فهمت و طلعت جوالها: مو هو ارتاحو
شموخ : مين اجل
العنود : امي
رشا : اكلنا هواء
ردت العنود وهي تقول بصراخ : سمي يمه
ام ماهر : وجع وجع ولد انتي عشان ترفعين صوتك و بعدين تريك متزوجه ابعدي حياه العزاب عنك
العنود وهي ماسكه ضحكتها: ما قلت شي
ام ماهر : ما علينا وينكم دورتكم بكل الغرف مو موجودين
لفت على البنات و ابعدت الجوال عنها و قالت : اقول
شموخ بهمس : لا قولي عند صديقه شموخ
العنود : عند صديقه شموخي
ام ماهر : طيب بتبطون ؟
العنود : يمكن مدري مدري
ام ماهر : يلا مع السلامه
قفلت العنود و خذت الجوال شموخ وهي تطالع للاشاره الي قدامها قفلت جوالها لان صارت خضراء ما خوذو اقل من ثانيه الا هم واصلين للكوفي المطلوب هند : عاد تصدقون انو زحمته تخرع بس اشوا اليوم فاضي
شموخ : حبيبي ما جو الهملق والله لا جو عضي رجلك و اركضي
العنود : طيب وش تبون
رشا : كلنا قهوه سودا يجعل ايامنا تسود
تصفقت رشا من كل جه و قالت شموخ : اجل بعذري يوم اخذ التيس الثاني و العنود التيس الاول
فطست العنود ضحك و قالت : غني اغنيتك و اطربني
شموخ وهي تتنحنح :
التيس الاول سالم التيس الثاني ماهر
يمشون ولا يدرون وين هواء دارهم
نطقطق عليهم وهم ما يدرون لانهم
تيوس و يعرفون نفسهم ويلا ننزل
للبنات عشان افصل عليهم لا لا
لا لا
ضحكو البنات على الاغنيه قامت العنود و معاها جوري و راحو يطلبون و البنات يطقطقون على الي وراهم جنهم البنات و قعدو و قالو : وش فيكم
هند بهمس : شوفي ألي وراي بدون ما تشوفين
جوري : طيب وش فيه
شموخ وهي ماسكه ضحكتها : هاذا معانا بالجامعه و يجي للجامعه و يقول انا ما عمري ذاكرت وهو الحين يذاكر
الهنوف : تكذبين هو
شموخ :ايه والله
قاطعهم الموظف وهو يحط طلبهم على الطاولة و راح بدو ياكلون و يحشون و ما خلو احد بحاله
______________
ببيت محمد
كان ماهر قاعد بعد ما خلص عشاء جته رساله من رقم غريب وهو يشوف شموخ منزله النقاب و الحجاب ارسل و قال : شوف زوجتك بالحمامات تتدلع
ماهر : من انت او انتي
الرقم : معاك واحد انت ما تطيقه ولا تبلعه
قام ماهر وهو يدقق بالرساله و قال : صالح ؟
صالح باستفزاز : ممتاز عرفتني بسرعه
رجع قعد ماهر وهو يقول : نزل جوالك عنها لا اجي اكفر فيك
صالح : ما راح انزله ولا راح اشيل عيوني انها عندك مشكله ولا تراها مراقبه بكل مكان وين تروح و وين تجي
قمز ماهر و طلع من الباب وهو مسرع و يتنفس بسرعه شافه فارس و وافي قامو وهم يغسلون بسرعه و طلعو وراه على طول ركبو سيارتهم و حركو ورا ماهر على طول كان ماهر يحدد موقع صالح حدده و اتجه للمطعم على طول و كانو العيال يلحقون ماهر وصلو للمطعم نزل ماهر و بعده فارس و وافي وهم يركضون وقفو يوم شافو صالح الي واقف عند طاوله البنات و ياشر على الستاره و كانه يبي يفتحها راح فارس من وراه و طرحه ابتسم ماهرو جاه و قال : الي يدوس على طرف ماهر او على محرمه راح يكون ورا الشمس
صالح بضحكه مستفزه : ههههه اتحداك توديني ورا الشمس ياولد س ع و د
ماهر ببتسامه على جنب اول ما سمع صوت الشرطه وصلت و قال : س ع و د تاج راسك ياولد ف و ز ي ه
صالح بحده : لا تقول اسم امي
جو الشرطه و تلو صالح معا رقبته طلعو العيال و هم منتصرين اما وافي الي بلش معا البنات و قال : ادخلو ولا تعيدونها
شموخ : نعيد وشو
وافي : مدري
راح وافي مع العيال و قال : والله انكم كفو انفجع فارس و صفق كتف وافي وهو يقول : ياكلىب انفجعت
ضحك ماهر وهو يقول : انطمو و يلا كل واحد على سيارته
ركبو سيارتهم و حركو
_____________
عند البنات الي طلعو من المطعم و اضحكه شاقه وجههم ركبو السياره و حركت شموخ و اتجهت لبيت جدها و قالت : جوري و هند اذا احتجتو فلوس قولو لنا و جدي ما راح يقصر معاكم اصلا
هند : صح
و ماهي الا دقايق و وصلو لبيت جدهم و شافو سياره ابوهم و قالت هند : الباب الثاني
لفت شموخ و راحت للباب الثاني نزلت هند بعدها جوري دخلو و هم يودعون البنات حركت شموخ متجه لبيت سالم و كانو يسولفون قاطعتهم وهي تقول : سالم ورانا
شموخ: طيب
العنود : قاعد يرسل لي من اليوم و انا ما ارد
دخلت على رسالته و كان مكتوب فيه " خلي شموخ تجنب و انزلي و اركبي معاي " قالت لشموخ جنبت و وقفت و ماهي الا دقايق الا يجنب سالم نزلت و اتجهت وهي تركب معاها حركت شموخ و اتجهت لبيت عمها سعود : شموخ لا تاخذين طريق بيتنا خوذي طريق بيتكم
شموخ : حلو زين بتنامين عندنا
الهنوف : ايه برسل لامي
شموخ : تمام
وصلو للبيت و نزلو وهم يمشون بشويش دخلو و سكرت الباب شموخ بشويش بحكم انو الكل نايم راحو لغرفه شموخ و اتجهت رشا لغرفتها و كانت شموخ تطلع بطانيه و مخده و قالت : شوفي رشا عندها شرشف جيبيه راحت الهنوف تجيبه بشويش دخلت لرشا و خذته و دخلت غرفه شموخ بدو يزينون السرير بعد ما خلصو دخلت شموخ غرفه ملابس و طلعت بجامه للهنوف و اعطتها و قالت: البسي هنا وانا بلبس بغرفه الملابس
خذت الهنوف البس و شموخ تغير و بعد ما خلصت طلعت فستانين و قالت : الهنوف تعالي
جت الهنوف وهي تقول : اذا قصدك الفستان خوذي العودي يطلع عليك يهبل
شموخ وهي تطالع للاسود : جذبني الاسود اكثر
الهنوف : اصلا على وشو تلبسين فستان
شموخ : ملكه التيس و الاميره
الهنوف : و الثقه فل ما شاء الله
شموخ وهي تضرب الهنوف معا كتفها : وش قصدك ؟؟؟
الهنوف بضحكه الآلم: ولا شي
_________________
( صح اني قاعده اتاخر عليكم بس والله الاختبارات بدت و بلشت بين المذاكره و الروايه اعذروني اذا تاخرت عليكم بالبارت 7 )
اتمنى اعجبكم البارت ولا تنسون تعطوني رايكم 💙
( يتبع ......)
