::: اتمنا لو وضعي يتغير مثل فصل شتاء... يوم بارد ويوم عادي وقد تغيرت فعل......
::: اخذتنا امي وياها.....؟؟
:::بقت ااوضاع بيت اهل ابويه كما هيه
وعمي وابويه محد يحجي ويه ثاني ومحد اله دخل بثاني........
لحد ماا....
خلصت عطله نص سنه...
::: واني واختي رحنا اول يوم دوام وضع طبيعي مثل اي يوم دوام
::.ومن رجعنا للبيت طبينا لكينه بس نهلا وجهال بلبيت .......
::وماكو بيبي وعمتي....
:::اخويه:لعد وين بيبي وايمان
::: نهلا:ردت عليه برد حقير راح تموت من وراكم
اخذوها للمستشفى اتخربطت بيبي وراح وياها كريم وابويه وايمان.....
:::اخويه... بيا مستشفى راحو
:::نهلا:مادري بيا مستشفى عساها بحضها وبختها لامكم حقير هسه رادت اطالب بيكم ورادتكم
بعد ماخلت ابوك يركض وراها...
:::اختي ردت عليه... واول مره اشوف اختي ترد ع نهلا بهل طريقه....
:::: اختي.... ماسمحلج تحجين ع امنا هيج
امي لو تعرف بيج هيج اسوين ويانه مجانت خلتنا وياكم جان اجت اخذتنا منكم...
:::نهلا :اسكت ولج طلعلج السان مثل امج وكحه
امج راحت سوت عملته وعافتكم ع كلبي
:::اني... ليش امي اسوت؟؟
::: نهلا: امج عافت ابوج علمود حبيب قلب وضحت بيكم علموده.......
::/اخويه: عوفي هل حجي هذا انتي اشون تحجين هيج ع امي؟؟!!
امي انظلمت وياكم وقررت تعوفكم كلكم....
::: نهلا:... غلطان امك مارادت ابوك يتزوجها رايده غيره وانتضرت وقت مناسب حتى تعوف ابوك...
:::مو راحت وطلعت ويا وشافها عمك كريم ويه هذا غريب وبمطعم...
:::اخويه:اسكتي كافي عوفو موضوع امي لاتحجون عليها بعد....
::: اني اهنا شعوري مينوصف وانكسر كلبي ع حالنا وماعرف شسوي....
:::بليل رجع ابويه ياخذ فراش وغراض لان بيبي وضعها مو زين كلش وماعرف ب (نهلا) شنو حجت ويانه.....
:::اخويه سولفله....
:::ابويه كال اله يابه على سالفه ماتخلص خلي تحجي بعدين اني عود احلها مو وكتها يابويه مو وكتها.....
:::وطلع ابويه مستعجل للمستشفى....
:::وماقبل ياخذ اخويه
::: ابويه..... ابقه بلبيت مابي بس نسوان...
:::وبقو بالمستشفى والصبح بيبي اتوفت.
:::اجه يوم كئيب بحياتنا وتغيرت اوضاع بيت بعد هل يوم.... وسوو فاتحه ٣ ايام وكل ناس اجوي وصار بيت هوسه وعمتي تخبلت وبقت منهار وتصرخ ولاتاكل ولا تشرب وعيونها مغوركه من دوموع
أنت تقرأ
أل ميسره
Randomلا أعرف الكثير عن الأسر السعيده،.. هل تتشابه في أفراحها أم لا.؟! ...لكني أعرف ان الشقاء ندبة في الروح إن بدأت في الطفولة فإنها تستمر العمر كله ..أفهم أنه لاتوجد ندبة تشبه أخرى...... قد اسرتي قلبي يا.. فاتنة قلبي قد جعلتي قلبي مثل التراب ولونة مثل...
