فصلية شيخ ذيب جريئه

35

رحت فتحت الباب ورجعت يمهة كاعدت وكتلهة
زهراء سمعي كلامي اني صح سامحت ابن عمج.
بس علة مودج والله. ماردت اغصرخ ليش لو كتلتة
ادري بيج ترجعين الهلج.. ونتي النفس مالي.زهراء

تذرين انتي عرض الله الي صرتي امي وختي ومرتي
وبتي وحبيبتي ونفس مال. وكل دنيتي تذرين
اني جنت مزوج ام علي بس صح اني احبهة بس
ما حبيتهة بكد الحب الج..

زهراء تذرين اني من جنت الموصل اموت الف موتة
افكر بيج ايي افكر اني بل السويتة وياج كلش
غلط.

وذكر من اخر كلمة من كلتيلي كون بعرضك
نفس ماسويت بية يجي يوم ايصير بعرضك

وشوفي ربي اخذ حقج مني. بختي بتي الاني
مربيهة بدية الثنين هسة هية بصد داعش ولج

مادري بيهة عدلة ولا ميتة. مادري شنو الصار
بيهة.. هاذ كلة حوبتج يي والله حوبتج انتي

سامحيني زهراء

زهراء...
كل كلمة كالهة كلبي المرد علي من شفت شلون
يحجي بكسرة كلب كسر كلبي. عدلت كعدتي
وكضيت ايدة وكلتلة

من كل السويتة وياي بس اني مازعل منك
ولا يوم اتركك ذيب اني صح كلت ودعيت من
كل كلبي بكتهة. بس اني ماردت ايصير هيج

حبيبي انشالله بجاة محمد
وبجاة علي وفاطمة ولحسن ولحسين ترجع مهرة
وكلشي مابيهة. والله العظيم اني كل يوم ادعي

الهة بصلاتي ولا يوم ناسيتهة.
ذيب تذري هاذ الصار ابتلاة من رب العالمين
تذري حبيبي هاذ اختبار النة اختبار علة الصبر
ذيب حياتي ربك يسهل الحال

بس ادعي من كل كلبك ونشالله ترجع مهرة

تذري انتة اني شكد احب مهرة والله العظيم
اعتبرهة اختي ايي اخت الي صارت

وماتستاهل الصار بيهة

نحجي ودخل ليث كض كال

ليث.
دخلت وكتلهم
كومي خل نرجع البيت. سويتلج ورقت غروج
ونتي مابيج شي بس امكن عيارة

ذيب..
اريد عرف انتة شبيككك ياخي ليش صاير
حقنة

ليث..
بس سوال انتة لش مامحترم روحك ومنو انتة
تكلي هيج

ذيب..
شوف تسكت مني لا اكوم اكسر راسك والله
واصلة عندي الهامتي لا تغليني اكوم وكتلك

ليث..
كومممم شنو اني خايف منك بس اني هسة
خايف علة جنتي وهيج راح اسكت

ذيب..
صفنت علي ودرت وجهي ادور بل غرفة
حسبالي اكو احد ويانة ههه كضيت باوعت
علي وكلتلة

جنتك وينهة ولك ماشابف احد بل غرفة بس
اني وياك وزهراء

ليث.. بهدو
بتك هية جنتي قصدي البطن زهراء
من اجيب بسلامة بنية هاي راح اصير جنتي