طبعاًتغيرت اوقات التنزيل وصار التنزيل في اي وقت
وتقدم لها ومسك خصرها وقال:الحين ذا الجمال بكره بيصير حلالي؟
سحاب:ورع صد ولاتلمسني ماني حليله لك!
كاسر:لو خطبتك توافقي؟
سحاب:ورع مو تكلمني كلم ابوي لو انت رجال
كاسر: ابشري تم والله انه تم بكره المغرب وانا عند باب بيتكم
سحاب كانت ميته من الخجل بنفس الوقت متوتره احد يجي ويشوفهم ويفهم غلط:اا٫خلاص روح بيجون البنات اطلع
كاسر:تغارين؟
سحاب:لا حبيبي مين قالك اني غيرانه قلت لك كذا عشان مايجي احد ويفهم غلط
كاسر:عيدي عيدي وش قلتي
سحاب:وش
كاسر:الكلمه الثانيه
سحاب وبدون وعي:حبيبي؟
كاسر:يلبيهه
سحاب شهقت لما استوعبت الي قالته:ياوصخ خلاص فليتها اطلع
كاسر بضحكه خفيفه:ابشري. وطلع كاسر من المطبخ
سحاب بنفسها:اهههخخ يليته مايطلع من عندي
بعدين استوعبت وضحكت بخفه:وربي اني خفيفه
بعدين طلعت لما سمعت ترف تناديها
ترف:وجعاه ساعه اناديك
سحاب:هاه اا اي صح نزلتو تسلمون؟
ترف:اي وانتي ماندري وين كنتي فيه
سحاب:اها اجل باي بروح اسلم وبجي
ترف:لا اقعدي عندهم شوي امي عصبت عشاني اول ماسلمت كنت بطلع وخزتني وجلست معهم
سحاب:ههههههههههه عزتي لك شكرا نبهتيني
وطلعت سحاب للصاله تسلم على الحريم
اول ما دخلت الصاله صارو يتهامسون الحريم بين{ماشاءالله مين بنته ذي-شكلي بخطبها لولدي}والبعض منهم حقد وغيره ومن ضمنهم العمه حصه وبشرى وصالحه
خلصت تسليم وراحت تبي تجلس جنب امها وماشافت مكان وراحت جلست عند عمتها حلا وبداو الحريم يسولفون وهمست وحده من الحريم لسحاب:ماشاءالله يابنيتي وين امتس
لفت سحاب عليها:هلا خاله موجوده ليه
الحرمه:ماشاءالله انتي متزوجه؟
كانت بترد سحاب لاكن قاطعتها ترف من وراها:لا يخاله مخطوبه للكاسر
لفت سحاب على ترف وعطتها ذيك النضره
الحرمه:اهاا غريبه ماوصلنا خبر. وراحت الحرمه
سحاب قرصت ترف بيدها:خير ترف
ترف:ماعليك ماعليك محجوزه له
ابتسمت سحاب من تذكرت موقفها مع الكاسر
ترف:اوب اوب اوب شكلك واقعه ومحد سمى عليك اعترفيي منن
سحاب:يشيخه انقلعي
العمه حلا لسحاب:سحاب الله يرضى عليك خذي الدلال من كاسر ومعليك تراه برا يعني مايشوفك لا تقعدي تدوري طرحتك
ماقدرت سحاب ترد عمتها:ابشري يعمه. وقامت بتروح وقبل تقوم غمزت لها ترف
عند كاسر الي ينتضر اخته لين تجي المطبخ لان امه قالت له لين بتجي
دخلت المطبخ وماشافت الي كان ورا الباب ويدخن وجلست تغسل الدلال وتغني(يابنات يابنات يابنات-نانسي عجرم)
وكان صوتها يذوب
عند كاسر الي اول مادخلت عرف انها هي من فستانها وكان هيمان بصوتها سكر الباب وجاء من وراها وهمس عند اذنها:سحاب الكاسر وش تسوي هنا؟
سحاب ماسمعت قفلت الباب لان كانت تغني وازاعاج الصاله وفزت اول ماحست بانفاسه عند اذنها ويهمس لها على طول لفت لورا:افف كاسر وش تسوي بعدين كم مره اقول لك صد هاه!
كاسر:والي يشوفك يقدر يصد ويفوته جمالك؟
سحاب وجهها حمر من الخجل:ااا٫المهم اطلع قبل احد يجي يشوفنا
كاسر كان يناضر شفايفها:اههخخ متى اشرب من الخمر الحلال؟؟
سحاب شهقت:ياوصخخ اطلع برا
كاسر:لا
سحاب:وليه انشاءالله
كاسر:كذا مابي
سحاب بدلع وهي ناويه تقهره:افف لو اني وافقت على حمودي ابرك لي
كاسر وكان موياء بارده انكبت على وجهه وبعصبيه تخوف:ايشششش مين حموديي وربي ياسحاب ان قلتي اسمه على لسانك والله لاسوي شي مايعجبك فاهمهه
سحاب الي خافت من عصبيته وكانت تبي تصرفه:اااا٫طيب طيب ابعد بطفي عنار
ابتعد عنها كاسر وعيونه محمره:سريع
سحاب ناضرته ذيك النضره:تغار؟
كاسر:اي
سحاب:افا وانا الكل يتكلم لي عنك ويقولو ثقيل مرهه
كاسر اقترب لها ومسك خصرها:ورب المصحف انك اول بنت اقولها لبيه غير اخواتي وامي واول بنت دخلت قلبي والبنت الوحيده الي حبيتها تكفين لاتكسرين خاطري وتحبي غيري والله اني ماقول تكفين حتى لترف اختي القريبه لي ماقلتها الا لك وترا ذي الكلمه مستحيل تكون على لساني ويشهد علي رب السماوات اني احبك حب لايعلم به الا الله وعشان اكون متطمن بخطبك عشان محد يشبكك مع غيري ويكون اسمي مربوط مع اسمك طيب.
سحاب الي كانت منصدمه من اعترافه المفاجأ:ااا٫طيب اخطبني لو تحبني صدق
كاسر اشر على عيونه:من عيني ذي قبل ذي
ابتسمت سحاب وعطته الدلال وقبل يروح قال:اههخ وش سويتي فيني يبنت سلطان
سحاب ابتسمت وقالت بصوت شبه مسموع:احبكك
التفت لها كاسر:لاتخليني اجيك واتحمس
ضحكت سحاب:يلا يلا ياوصخ روح ينتضروك
ضحك كاسر وراح
سحاب وهي طالعه:يلبى ضحكته
وراحت عند البنات في الصاله تسولف
بشرى بدلع:بنات احس كاسر يحبني
ترف:لا صدقيني مادرا عن هواء دارك
انقهرت بشرى
اما سحاب الي بتموت غيره بس برد خاطرها لما تكلمت ترف بس برضو في نار بقلبها للحين
