من بين جنبات الضلام
بارت 10
ارجو التصويت والتعليق الفقرات لتشجيع لتكملة الرواية ✨🫂❤
بسم الله الرحمن الرحيم
ترف
صبح الصبح كعدنه وسبحت ولبست بنطرون اسود بي شذر ابيض وبدي اسود مكبس ولبست نضارات سود ورفعت شعري ذيل حصان نزلت لكيتهم جاهزين
ترف ؛ يالله نمشي شباب
الكل ؛ يلا نتوكل
صعدنه كيان ومرتضى بسيارتهم واني سيارتي ونمر سيارته واسوق عادي كانو صار سنين اسوق وصلنه للسيطره وكفوني فتحت الجامه
؛ عيني عندج شهاده
ترف ؛ اي عندي عيوني
انطيني اياها خل نشوف
انطيته الشهاده لان جنت دوم اشيله وياي خاف أحتاجه شفته ممقتنع طلعت الباج مالتي مالت الطب
ترف ؛ اتفضل حضرتك
هاي هيه شكرا اتفضلي بالسلامه
سمحلي اعبر و الولد وراي خليتهم بالسيطره وصلتني اشاره عل جهازي مالت موقع ياا هذا امجد قريب منا
امجد/ بيت اهل امي يعني اخوالي عدهم مشيه رحنه وجانت مرت واحد من ولدهم مريضه جبناها اني وزوجه لان ضايج واريد اطلع وجانت الدكتوره مالته بمركز المحافظه شويه بعيده من طلعنه جاي نتمشه انريد تكسي لان اجينه وي نسيبهم وضربنه بوري يكول مشغول
ترف ضليت اتبع الموقع لمن وصلت شفتهم يمشون امجد وياه ولد ونسوان ثنين دكيت هورن التفت عليه نزلت الجامه
ترف ؛ مرحبا يا حلوو ممكن نزحف
امجد ؛ لا ما افيدج متزوج توكلي خويه
ترف ؛ ههههههههههههه مبينه الحكومه قويه و مسيطره عليك
امجد بتمسكن ؛ اي والله كلش قويه
كل حجينه والنسوان والولد فاتحين حلكهم علينه لان مايعرفوني بت عمهم حجت المره جبيره ومبين بزعت روحها مني هههه
الحجيه ؛ خاله ما تستحين تزحفين شلون اتحاجين ولد غريب انوب نسوان كامت تزحف للزلم دخيلك ربي
ترف صراحه ما اتحملت ضحكت والله وامجد ضحك ؛ ههههههههههههههههههههههه
امجد ؛ لا خاله هاي الثوله اختي فهمتي غلط
ترف فتحت الباب ؛ يالله اصعدو اوصلكم
الحجيه ؛ العفو بنيتي ما ادري بيج اخته ولاشايفينج
ترف ؛ ولو خاله ولا يهمج فدوه لخدودج الحلوات ههههه
الحجيه ؛ ياااا يااااا
ترف ؛ ههههههه فديت الي تخجل هنيال الحجي عليج المفروض يتريك من خدودج
الحجيه ؛ اسكتي ولج شهل فلك
