مرحبا
" الكاتبة كوثر "
بقلمي رواية : فصلية إستاذ
لطفا لا تنسون التصويت والتفاعل بين الفقرات
باوعت لسگف واني ابتسم كل يوم جديد بالنسبة الي
يعني بداية جديدة ... بداية فرح وسعادة بداية لفرص جديدة وأحلام ناس كل أملهم انها تحقق شيء يوم...كعدت واني امطط بجسمي باوعت لساعة
الحمدلله بعد وگت يعني بعد ما متأخرة رحت على الكنتور طلعت ملابس الجامعة مالتي اوتفت رسمي اسود وشيلة بيضه وحذاء اسود وجنطة بيضه
رحت سبحت ولبست ملابس وحطيت شوية مكياج
وصرت اباوع على نفسي بالمراية جان عندي عيون بنيه فاتحه وبشره بيضه جميله ابتسمت ابتسامه ثقه خلت غمازاتي يظهرون يمة شكد حلوه اني اخبل فعلا ضليت اضحك ويه نفسي ماكو احد يمدح نفسه بهذا العالم كد ما اني اسوي اموااه... شمرت بوسه لروحي بالمراية اخذت جنطتي
ونزلت شفت ماما وبابا كاعدين ديتريكون صباح الخير على احلى ماما وبابا بالعالم اقتربت على بستها واقتربت على بابا هم بسته
ماما: كعدي بنيتي تريكي
كعدت بيناتهم وگمت اكل وماما تگلي اكلي وتحط اكل كدامي واني ارفض
ماما عليج الله لاتحطين بعد ما اكدر اكل كل هذا
اكلي ولج بنتي صرتي لحم على عظم أحسن لايصيرلج شيء بالجامعة لاقدر الله من استهتار بنفسج وقله اكل
ماما أنتي تعرفين ما احب كثره الاكل احب بس الحلويات وخصوصا النوتيلا يميي...
ماما:
اي يا بنتي ما تشوفين وجهج اصفر وما بيج حيل
ماما شعليها النوتيلا أول مره اسمع بهل الشيء
بعدها كمت اريد اروح بس تذكرت شيء وكلت :ماما لعد أمير وينه؟
بعده ما كاعد من النوم
اوك... بستهم وطلعت اجه ابو الخط للجامعة
وكفت مقابيل الكلية واني اقرا الاسم
"جامعة بغداد "
الله شگد حلو هالاحساس من واحد يحس هنا راح يقطف ثمره أتعابه
دخلت بالممر وافر بإذاني كلشي مااندل.. ظليت امشي واني ماادري وين رايحه اصلاً !
شفت الطلاب كل مجموعة سويه وكل واحد بيهم أنيق ولبق بالكلام والطالبات كذلك بس لبسهن شويه اوفر ومثقلات
مكياج عبالك حاضرات حفلة زواج مو جايات للجامعة!
لكيت مجموعة بنات تقربت منهن سألتها بعد السلام
بنات وين قسم المحاماه مرحله أولى؟
وحده بيهن حاطه دبل مكياج على وجهه وخلطه الايلاينر موصلته لأإذانهه ورموشها تتلازگ من المسكارا وخو ولون الحمره اوڤر كلش بحيث طالعه عبالك طلي ماكل رمان
باوعتلي بنظرات إشمئزاز وعبالك شايفه مقابلهه شخص بيه جرب لو جدري!
تمعنت بوجهي وفحصت ملابسي بنظرات عيونها الموجوده بكل تفصيل بيه.
كالت
احنا هم مرحله أولى!
