حملة تطهير الواتباد من الجنس والشذوذ الجنسي

نصيحة

شوفو انا مو شخص مثالي ولا شخص  عندة مميزات هواي وحسنات هواي
انا مثلي مثلكم عندي اخطاء وعندي ذنوب

ولا انا شخص عايش حياه واو ومثالية مثلي مثلكم اعاني من العادات والتقاليد الي فرضهة المجتمع علينة

عندي احلام بسيطة كلش وامنيات كذالك بسيطة
ما اكدر احققهة بسبب كلمة انت بنية
كلنا نعاني من هاذا الشي وكاعد نتهرب من واقعنة ومن هاي الحياه بأشياء تافهة

مثل : قرأه ومشاهدة هاي الامور اللا اخلاقية الي جاي اتدمرنا اكثر مما تنفعنة 

مثل :  نقضي وقتنة نشاهد افلام ومسلسلات  لساعات لا تعد الله وكيلكم مره اكو بنية كالتلي  انو هي من 12 بليل لحد ثاني يوم ساعة 12 الضهر هي تشاهد مسلسل لا وفرحانة

مثل : سماعة الاغاني الي كاعد تاخذنة العالم ثاني غير العالم الي احنة بي

واكو بعد هواي وهواي امور

صدكيني اختي انا مو احسن منج والله العظيم انا هم اسمع اغاني انا هم اشاهد مسلسلات وافلام

بس سؤالي الج 
مو كافي اليهنا ؟؟؟
مو لازم توكفين على رجليج وتعتمدين على نفسج الى متى ؟؟؟

الى متى تضلين تسووين هاي السلبيات بس لانو محيطج ومجتمعج مدمرج

ليش بدلا ما تسوين هاي الشغلات تنتقلين الى الايجابيات ؟؟

ليش سلبي ليش مو ايجابي

ليش ما احارب مجتمعي وانجح ؟؟

ليش تحطين سبب لفشلج

بدل ما تحطين خطوات لنجاحج ؟؟؟

ليش تدمرين نفسج بدل ما تطوريهة

والله مجتمعي حرمني من الدراسة عليمن بعد اعيش

ليش الدراسة هي كلشي بالحياه؟؟؟؟

اوك الدراسة مهمة لكن هل اذا مدرستي انتهت حياتج ؟؟

اطلب منج هسة كأخت

كومي باوعي بمرايتج  وسئلي نفسج شنو الي ناقصج

1_ناقصج تتعلمين لغة انكليزية

2_ناقصج تضعفين او تسمنين وتحصلين على الجسم المثالي ؟؟

3_ناقصج مال

شنو الي ناقصج ؟؟؟؟