بعدين ورة فترة صرت حامل بل الشهر الثالث بعد ماتحملت سولفت لاهلي كل شي طبعن اهلي تخبلو وكالو شلون يسوي بتنة هيج ومن هل بسام طلع علية حجي وجذب وكال هي هيج تكلي وهيج كلب الحجي كلة بعدين صار صلح ورجعنة بسام بعد مارجعنة عل البيت اعتذر مني ويتوسل بية بعد ماسوي طبعا اني صدكتة بس هو اكبر جذاب على وجه الارض والنوب زاد مانقص شك كام يشك بخيالة صار مثل المجنون وصلني إلى مرحلة حاولت اقتل نفسي بيها بس اني جنت كلش قوية وهاي المشاكل كلها واني جنت حامل ومريضة كلش صرنةباليوم نتعارك الف مرة بدل المرة الصراحة اني ماكنت اسكتلة لأن كلامة كلة جان مستفز وبدون معنة اني حتى موبايل ماعدي جان حتى اخابر على اهلي يجوني بحيث جانو اصدقائة اذا واحد يكول اني احب وحدة يرجع علية ويكلي انتي مصاحبة صديقي عندج علاقة بي ويضل يحلف بية ونتعارك ويضربني مرة من المرات تعاركنة واني جنت حامل بحيث من الضرب صارت عندي ولادة وبعدين ولدت ابني مرتضى..
