سواد لـ بُرهان (الاشهرار)

بارت 1

مخُيف هو جداً جمُاله كـ الصاعقه رجُلاً شجُاعاً جداً يرتدي السواد دائماً ولا يلفت انتباهه احداً لتأتي تلك السمراء وتأخذ قُلبه الى غُير ماهو فيه

ريحانه :: امشي راجعه للبيت وكُلي ثقه بأنو راح ارفع راس امي ومتأكده راح اجيب لـ 100 بـ الامتحا
: امشي وانا الفرحه ماسايعتني لـحد ما شفت سياره مضلله بـ السواد الفحمي وضربت ايدي بكُل قوه
ريحانه:: اثول انتبهه يااغبر ردت تكتلني الله يكتلك يلمتخاف الله همج ماشايفين سياقه
امشي وادعي عليهم اباع الايدي واشوفها صارت زرگه كعدت ع الرصيف والدنيا تزخ والشوارع فارغه اريد احس بأيدي ماكو اضربها يكُل قوتي ماحس بيها اخذت مي من جنطتي وذبيتها ع ايدي وماشوف غير صارت عباره عن زراك تام وتأذيني بشكل فضيع ،اريد اكوم وماحس برجليه غير نشلت
ريحانه :: ياللهي شبيها رجليه ليش مجاي اكدر اكوم ماشوف غير السياره رجعت يمي وكفت دقايق ونطلقت بكُل قوه
- هسه هذولي شبيهم ماشايفين ،غطيت وجهي ابچي بعجز عن الصارلي وهاي اول مره هيج يصير بيه واشوف نفسي نشليت هاي هيه خلص بعد ماكدر امشي
- اشوف الدنيا بدت تزخ بكُل قوه وتنكعت تنكع
- زحفت بكُل مابيه ع الرصيف حتى بس اوصل لشارع او لمحل
- رفعت راسي اشوف السما وهيه ترعد لفتت انتباهي حديده
بطلاع الروح يالله وصلتلها ،ياعلي دخيلك خليني اكوم لزمت الحديده حيل حتى بس انتچي عليها واكوم واشوف نفسي عاجزه وبعد خلص ماكدر اكوم بجيت حيل ،اميُ هسه بالها يمي وراح يصير الليل ياربي شلون ،بقيت ارجف من البرد وانا متنكعه تنكع لزمت الحديده حيل احاول اگوم واشوف نفسي كدرت ووكفت ع حيلي
ريحانه :: الف الحمد والشكر الك ياربي خليتني اكوم امشي ع كيفي واحس نمل برجليه وانا خايفه خاف يرجعلي الصار بيه قبل شوي
- رفعت عبايتي امسح باايدي والألم كاتلني وماحس غير اسودت الدنيا بعيني وماشوف اي شي
ريحانه :: فتحت عيني اشوف الرؤيه عندي ابد مو واضحه اريد بس اركز بلسواد الكدامي واحس بنفسي اهتز عرفت نفسي بسياره بس سياره منو ووين انا ؟
فركت عيوني حيل وفتحتهن شفت رؤيتي زينه اكدر اشوف
ريحانه :: منو انت وليش هلضلام يلي بلسياره ،منو انت َ وين ماخذني ياكلب رجعني للاهلي رجعنييي
- اصرخ بكُل صوتي وماحس غير ضربه ع حلكي قويه
:: اسكتي صرعتيني
ريحانه :: ياكلب ترجعني للاهلي لو اطلع عيونك من وجهك رجعني داكلك

:: هه اهلج ،تحلمين تشوفيهم خلي عليهم السلام

ريحانه :: انت منو رجعني للاهلي شتريد مني الله عليك رجعني
والله ماعرفك ولا مأذيه احد رجعني الله عليك

:: تؤ تؤ خطيه ،الترفه ما مأذيه احد

ريحانه :: عمو والله مامسويتلك شي وين ماخذني اهلي حيكتلوني والله رجعني الهم حباب

:: اششس بدون لغوه زايده اخذي هذا واسكتي راح نطلع من المحافظه ويا ويلچ اذا حجيتي شي لو صرختي اشوفج نجوم الضهر مفهوم ؟