( يمكن اعجاب )
الساعه ٤ الفجر تليفونه رن باستدعايه لقضيه جديده ، قام من النوم راح لجهاز القهوه شغله ورجع تانى الاوضه طلع طقم ولبس فى خمس دقائق وحط القهوه فى كوبايه حراريه وخد مفاتيحه وموبايله ونزل وركب العربيه وطار على مسرح الجريمة .
مشهد معروف جدا عربيات إسعاف على عربيات بوليس اول ما وصل نزل من العربيه جرى عليه صاحبه
اكرم : أدهم ....
ادهم : ايه الحوار ؟
اكرم اداله الملف وراح أدهم رجعه ليه تانى
ادهم : قول ايه اللى حصل وانجز
اكرم : جلنا تليفون من مجهول إن فى واحد عمل حادثه على الطريق ولما عملنا التحريات اكتشفنا إن الفرامر بتاعته بايظه عن عمد يعنى مدبره من حد
ادهم قرب من الجثه كانت متدمره
ادهم : ملامحه مش باينه....
اكرم : بطاقته اهى
ادهم : حسام محمد بليغ ...اعمل تحرياتك يا اكرم أبوه امه اخواته صحابه اخر حد كلمه وقولى
ادهم راح لف شويه حوالين العربيه بتاعت الجثه وراح لاحظ حاجه بتلمح عند كرسى السواق لبس جلافظ ونزل جابها وبص لاكرم
ادهم : خاتم الماظ!!!
اكرم : كان بيعمل بي ايه دا
ادهم : ركز فى التحريات يا أكرم لو سمحت الحوار ده ممكن يكون فى بت
اكرم : تمام
وتم نقل الجثه للمشرحه ، وادهم و اكرم راحوا على شغلهم
فى مكتب أدهم كان معاه مكالمه ... دخل اكرم
اكرم : بقلك المدير عا.......
شاور ادهم لاكرم أنه يسكت معاه مكالمه
وبعد ما خلص
ادهم : ارغى
اكرم : يالله يا عم المدير عامل لينا اجتماع
فى الاجتماع
المدير : بصوا يا رجاله طبعا انتوا عارفين إن خلاص الخرجيين السنه دى مجموعه كبيره منهم هيتعينوا هنا والمطلوب من كل قائد فيكم ياخد ٥ أفراد منهم لتدريبهم وتعلمهم الشغلانه والأساليب اللى دايما بنعتمد عليها من الاخر كدا عايز العيال دى على اخر السنه يقدروا يمسكوا مهمات وينزلوا بقلب جامد للحياه العمليه ..... وفى منهم رجاله و ستات
