unicode
"ပါး၊ မား "ကျွန်တော်ပြောစရာရှိတယ်"
ရိပေါ်ရဲ့အပြောကြောင့် ပါးနဲ့မားက စားလက်စမုန့်ကို လက်ဆသပ်ပြီးရပ်တန့်လိုက်တယ်။ အငယ်လေးနဲ့ ကျယ်ကျဲကလဲ မနက်စာကို ဆက်မစားတော့ပဲနဲ့ ရိပေါ်ကို ကြည့်လာတယ်။ ရိပေါ်တို့မိသားစုက မနက်စာကို လူဆုံမှစားလေ့ရှိတယ်။
ပါး၊ မားနဲ့ ကျဲတို့နှစ်ယောက်ရဲ့ သူဆက်ပြောမယ့်စကားကို စောင့်တေပုံကိုကြည့်ပြီးမှ ဆက်ပြောလိုက်တယ်။ ပါးနဲ့မားက သူ့စကားကြောင့်အထူးဆန်းဖြစ်နေမှာ အမှန်ပဲ။ ကျန်နှစ်ယောက်လဲအတူတူပင်။ ဘာလို့ဆို တစ်အိမ်လုံးမှာ သူကစကားအနည်းဆုံးမဟုတ်လား။ ဝမ်ရိပေါ်က လုံးဝအေးစက်နေတာမဟုတ်ပေမယ့် သူ့နည်း သူ့ဟန်နဲ့တော့ မိသားစုအပေါ်နွေးထွေးသည်ဟု ဆိုရမည်။
" ကျွန်တော်ဒီစကားကို သေချာစဥ်းစားပြီးမှ ပြောသင့်တယ် တိုင်ပင်သင့်တယ် ထင်လို့ပြောပါရစေ ပါး၊မား "
"သားက ဘာကိုဆိုလိုချင်တာလဲ ဆိုတာကို သားစကားကို နားထောင်ပြီးမှ ပါးတို့ကဆုံးဖြတ်နိုင်လိမ့်မယ်။ ငါ့သားက ဘယ်တော့မှ မစဥ်းစား မဆင်ခြင်ပဲ မလုပ်ဘူးဆိုတာ ပါးယုံတယ်"
"ဟုတ်ကဲ့ ပါးကျွန်တော့်အပေါ်မှာ ထားတဲ့ယုံကြည်မှုကိုသိပါတယ်"
ဝမ်ရိပေါ်ရဲ့ စကားကို ပါးက ခေါင်းတစ်ချက်ငြိမ့်ပြီး ဆက်ပြောဖို့အချက်ပြတယ်။ မားကတော့ ဘာမှမပြောပဲ နားထောင်နေတယ်။ ဝမ်ရိပေါ်က အားလုံးကို တစ်ချက်ဝေ့ကြည့်ပြီးမှ သူ့ရဲ့စကားကို ဆက်တယ်။
" အကယ်၍ ပါးတို့ရဲ့သားဖြစ်တဲ့ ကျွန်တော်က တခြားယောကျ်ားလေးတေနဲ့မတူပဲ ယောကျာ်းလေးတစ်ယောက်အပေါ် စိတ်ရှိနေတယ်ဆိုရင် ပါးနဲ့မား လက်ခံပေးနိုင်ပါ့မလား သိချင်မိတယ်"
"ငါ့သားက ဘာကိုပြောချင်လဲဆိုတာ ပါးတို့ကမသိဘူး။ သိခဲ့ရင်တောင် ဒါဟာ သားပြောချင်တဲ့ အဓိပ္ပါယ်ဟုတ်ရဲ့လားမပြောတက်ဘူး။ ဒါကြောင့် ပါးတို့ရဲ့ထင်မြင်ချက်တေနဲ့ မဆုံးဖြတ်သင့်သေးဘူးထင်လို့ သားပြောချင်တာကိုပဲ တိုက်ရိုက်ပြောလိုက်တာ ပိုအဆင်ပြေမယ်လို့ ပါးကတော့ထင်တယ်.."
YOU ARE READING
Xiao-ရှောင်း
Romanceဆယ်ကျော်သက်ကနေစခဲ့တဲ့ သူငယ်ချင်းဆက်ဆံရေးကနေ ပြောင်းလဲခဲ့တဲ့အချစ်တေကို သူခိုင်မြဲမယ်လို့ယုံတယ် start date - 28.1.2024 end date -
